MATIUS 23:14 - PERJANJIAN BARU NALCA YUBA

¹⁴ Ugunda yuba neksin nang eb Parisi nim eb dara, hyak omom nongaʾ ak uboka sene bol nenesinaʾ hwam nim ululum. Ugunda nenya orok gelewa ek sondaʾ leboka, sikja ek ulumlaʾ doluwoka dololumukanya, yok nim eibsinokaʾ aboka, ugunda heng uboka waranaʾ mololelum. Ban unululumaʾ adya ugun nong anyek hyak nauba obnesil.

MATIUS 23:14 ပူးပေါင်းရင်းမြစ်များ

MATIUS 11:24

Ugunda banyek seiniwanalum, soko sidyaʾ daknamla sum era, Sodom nim ek dara, Imik Neyung adya sikja malya unaʾ amba mek so obnesil bok, ugunuk dara, nauba so obnesil!” hyok.

MATIUS 23:13

”Ugunda yuba neksin nang eb Parisi nang eb dara, hyak omom nongaʾ ak ululum! Ugun hyak sene bol nenenaʾ hwam nim ek ululum. Ugunda nimi yok nang era, Imik Neyung wenesin heikek pika garalelum. Ugun nong anaba Imik Neyung mabo danganggululumukanya, yok nim Imik Neyung wenesin heikek pika garalelum.

MATIUS 23:33

”Ugun nong ara bagaʾ anaso malya unaʾ nim ululumukanya, onoʾ ugunja neyung yab eneba anaso nim ulumek! Uka delesil heikek oboka uka desin heikek ab hekadya nunda blebdanamab senelelum do?

MARKUS 12:40

Sikda you gelewa edya e nenyek si hnoum aboka, Imik Neyung ak yuba warenaʾ leboka heng uboka mololomak. Dara ban nenesa leboka, Imik Neyung adya igina kwenaʾ ara, sikenek hyak naubaʾ dobnemak,” hyok.

LUKAS 12:48

Bok alja wa dubnya bedya seinilamla ganya era elgom ululadyok, legebnaʾ deboka obnamso unaʾ enyek, welemla wa wenya bek ara, or mek domdigum soʾ obnamla. Anasa anam nauba unulumnenelem alenya bek ara, alja nauba lunuwoka molowanamla,” hyok.

LUKAS 20:47

Sikda you gelewa ek sondaʾ leiyiboka, bonaʾ nidyaʾ ara doldolosak, anya sikda pika irigildanaʾ dibaʾ ara, Imik Neyung ak mololdalamak dara, hyak waren nongaʾ anyek mololdalamak! Ban nang era hyak nauba igina kweboka gweklemnemak!” hyok.

2 TIMOTIUS 3:6

Ban nang danara nim edya e pik gelelenga wekel balamak. Dara onoʾ hyak malya unaʾ hwam ok uboka, yok-yok unuweisinya ganya adya gouluwoka ulumak gelewa ek sene malya unuwanokaʾ aboka benellilisak.

TITUS 1:10

Yuba blekoka eʾ dem yuba leboka, nimi gliboka yokaʾ amba bo balasak nim era nauba ulumak. Okoka dara, Yahudi yuba domek nimi nong enyek, anaso nauba ulumak.

YAKOBUS 3:1

Na kabo nim o! Ugunda banyek ella danalum, yok nim era or mek so bok, nunda neksin nang dangalamab nang enyek, eimik era hyak gasaʾ anyek nauba yana lelewanasil bok anasa, nauba neksin nang danamab senenaʾ ara mem.

2 PETRUS 2:14

Nimi malya unaʾ ok goluwoka ulumak nim era, hyak nauba malya ulwenelemak. Sumen enyek anyek unumoubaʾ ara elgom uboka, beiyik salyaʾ salalemak gelewa enyek ganya wekenadyok ulumak. Anya nimi yuba dib ganya oloknaʾ orok nimi gliboka anyagan bo balasak. Sikda bonaʾ dub nang danob senewoka, sikja ganya era malya unaʾ adya ok e soboka ulumak. Sikda seleb malya nenewoka, Imik Neyung adya obsuk nim ek ulumak.

2 PETRUS 2:3

Sikenek sondaʾ yub ok miniwoka neklesak nang ek adya, ugunja sikenek perobaʾ elegosunuk senewoka, dib gomnya nenyek miniwoka ugunuk neklemnesak. Bok ban unulumakaʾ amba leboka, Imik Neyung adya igina yakaʾ ara seleb orowek beibuk, hnonda nenesemba leboka Imik Neyung adya sikenek obnesin aboka gegewoknya nera or anam diri ulusil.