MATIUS 22:40 - PERJANJIAN BARU NALCA YUBA

⁴⁰ Dara, Musa bedya unuwanalum an yub eb, ununumnaʾ lelemek nang edya neklesik yuba nidyaʾ ara, ban penya yuba damok danyek, geklewoka lelemek,” hyok.

MATIUS 22:40 ပူးပေါင်းရင်းမြစ်များ

MATIUS 7:12

”Ugunja yok nim edya nuk pe unuweisinok senelelum sok, ugunja yok nim ek pe unulululum. Musa bedya unuwanalum an yub eb, nidyaʾ ununumnaʾ lelemek nang edya unulululum aboka lebsik yuba damok nong ara an,” hyok.

YOHANES 1:17

Imik Neyung adya unuwanalum an yub ara Musa bedya elegesuk bok, wanaʾ uboka eleksinaʾ hnon, dib yub damoka hnon dara, Yesus Kristus adya bo yeilisuk.

ROMA 13:9

Anasa Imik Neyung yub ara anaso wenyalamla, Yok gel salanggom mem, nim onggom mem, hokaʾ donaʾ mem, yok nang edyaʾ amba ganya oka denggom mem. An wenyalamla yub edya yok yub nidyaʾ ara henga sangnewoka, neikaʾ hnonok ban yub enyek an ulumla, anda nimi yok nang ek ara an nonga an dam nang wanaʾ uldalalam sok, yok nang eneba unu wanaʾ ululom!

GALATIA 5:14

Nidyaʾ unuwanalum an yub ek momnya dobokaʾ ara, ban yub enedya ok gaka dangalamlaʾ ara, ”Andamnya wanaʾ uldalalam sok, nimi yok nang ek unu neikso wanaʾ ulululum,” aro lebok. Dara, ban hnonok ok unululam bok, nidyaʾ gobdo unululam.

1 TIMOTIUS 1:5

Nadya anak wenelenggenaʾ ara, nim ara perob ganya bobnokaʾ aboka hnon geisa ganya anyek ganya dukduk nong ok ulululaʾ aboka hnon, dara onoʾ sikda Wenelesilnya bek hyak dibaʾ ganya ologoka ulumeijekanya, wera ban adya sik kabo nim ek wanaʾ ulunok senewoka wenelesilomaʾ, aboka lelemna.

YAKOBUS 2:8

Ugunja jongnya nenyek nim ek unulumun dara, wera nera ugunda unuwanalum an yuba momnya dobokaʾ ara, ”Andamnya wanaʾ uldalalam sok, an kabo nim ek wanaʾ ululom,” hyok yub ek sunuwoka unuro perob ok unululumaʾ ara an.