MATIUS 22:17 - PERJANJIAN BARU NALCA YUBA

¹⁷ Anasa neyung, anda nuk banyek neknesilim: Nunja dolomab yub edya dara, mok soko dubnya Kaisar bek ara, mok soko amba dara, or rupiah deknemab gom, orok gom?” hyek.

MATIUS 22:17 ပူးပေါင်းရင်းမြစ်များ

MATIUS 17:25

Wenyek Petrus bedya sikenek, ”Beillilamlaʾ aja!” hyok. Wera Petrus bera ek balamok enyek, Yesus adya alak, ”Simon, anja dara, hekaʾ senelam do? Sokok an dub nang edya dara, rupiah bonaʾ amba garanaʾ gom, mok soko amba deknaʾ gom ara, hek nim ek ab dub nang era dolomak do? Heik yokaʾ nim edya gom, sekel yanggan nim edya gom?” aboka heibok.

MATIUS 22:18

Bok Yesus ara sikda malya ganya boboka sene heimekaʾ anyek ella uboka, alja dara, ”Wei, ugunda hyak malya unaʾ hwam nim ek ululum! Ugunda hekasa nak heng dibaʾ weboka youbnenobaʾ aboka ulunulum do?

LUKAS 2:1

Wera Kaisar Agustus dubnya, alda Roma mok soko dubnya ulumok salek, nimi mok soko nidyaʾ sik nonga einiwanasak aboka orugosuk.

LUKAS 20:22

Anasa nunja yuba donaʾ ak sam lelemlaʾ sunuwoka unuwanalum wenyhenesilim, soko dubnya Kaisar bek ara, mok soko amba dara rupiah or deknesibya gom, orok gom?” aboka heibek.

LUKAS 3:1

Wera Tiberius bera senenggom wenesin dubnya ulumok salek, gibnaʾ meija dubukaʾ badya lebok. Ban salek danaba, Pontius Pilatus bera Yudea soko amba dubnya ulumok. Dara Herodes bera, Galilea soko emba wenesin dubnya ulumok. Anya Herodes alja hem Pilipus bek dara, Iturea mok eb, Trakhonitis mok eb damba, wenesin dubnya ulumok. Anya onoʾ Lisanias bek dara, Abilene mok emba wenesin dubnya ulumok.

RASUL 17:7

”Dara, Yason bedya sikenek alja ek eboka dibsuk. Dara, nang enedya lelemek ara, Roma soko dub nang edya unulumaknya nera malya aboka blekoka, sikja dara, yok dubnya hnon alja si nera Yesus alamaknya hnon ulumla alamak nang era an,” aboka lelemek.

RASUL 25:8

Wenyalamek bok, Paulus bera al damnya yuba garabdangoka lebok ara, ”Musa bedya momnya dobok yub ek gom, Imik Neyung bedya ek gom, nadya malya unaʾ ara hyak gobdo orok,” hyok.

RASUL 28:22

”Bok, nidyaʾ yok-yok sokok ara, anja dololam yub anyek malya nenelesak ella ulumab anasa, anja dib senewoka dololam anyek, kebnob aboka diri ulenjab,” hyek.

RASUL 5:37

Ban nen seleb dara, onoʾ nimi si momnya dolosik salek, nimi si Yudas be Galilea mok ebnya bera, nara dubnya abdangoka ulumok. Dara, alja yokaʾ-yokaʾ unulumok adya perob senewoka nimi nauba alak mamagel balamek. Bok, al nong anaba obek sum era, alja yuba keboka alab neikaʾ ulumek nim era doluwoka bokdangoka dengamek.