MATIUS 22:13 - PERJANJIAN BARU NALCA YUBA

¹³ Dara dubnya bedya alja wa wenaʾ nang ek, Wera ugunda ban benyek alja yana soruka henga gouboka hyak gunaʾ nong ulumla ak sam bologol binilum. Dara alda anyaganyeb nauba engewoka si glengdarreb aboka gweklemnamla,” ara Yesus adya wenyhusuk.

MATIUS 22:13 ပူးပေါင်းရင်းမြစ်များ

MATIUS 12:29

”Onoʾ nimi ben hnon hyak migib nongnya bedyaʾ ek wekoka bonaʾ dobnunaʾ senewoka, migibnya bek men bera henga goubnaʾ orok bok dara, ek or salyaʾ weknamso de? Seleb al nong anyek men henga goubsodyok, wera eimik era bonaʾ or hokaʾ dobnamso.”

MATIUS 13:30

Gandum ab walenja ab neikaʾ hiboka lomunaʾ ara, gandum nonga daknemeija sum ok meewanamab. Nara nong dakal yabija nim ek ara, Walenja anyek men gweneb mamagoka gouboka uka dabnelum. Seleb dara, gandum nonga dakoka, masa beilin ek sam beibnelum henemna hyok,” wenyaboka sunuwok.

MATIUS 13:42

Wera sikda nidyaʾ henga gouboka uk bokaʾ ok delmorulamla ukuk sam sikinek uka dabnesil dara, sikda nidyaʾ ara engewoka si glengdarreb aboka gweklemnemak.

MATIUS 13:50

Dara, malya ulumak nim era, sarangnaʾ orok uk hinek sam doboka boboganasak. Dara anyagan malya ulumak nim era, nauba engewoka si glengdarreb aboka gweklemnemak,” hyok.

MATIUS 24:51

Yanamlakanya, wera ban malya uboka wa welelenya bera, malya uboka saboka obnamlakanya, sene bol nenenaʾ hwam nim hnoum boboganamla. Dara, malya unaʾ nim eb neikaʾ engewoka si glengdarreb aboka nauba gweklemnemak,” aboka Yesus adya wenyhusuk.

MATIUS 25:30

Anya ban meilinya bera gunaʾ ak sam doboka bobogolulum. Dara an unu boboganamlaʾ ak ara, nauba engewoka si glengdarreb aboka gweklemnamla! wenyamok,” hyok.

MATIUS 8:12

Bok, alda Yahudi yokaʾ nim ara, gunaʾ senenggomaʾ ulumla heik sam doro boboganasil. Dara gunaʾ heikek ab, nimi dara, nauba soloma daboka engewoka si glengdaralamnemak,” hyok.

LUKAS 13:28

”Wera ugunda Abraham beb, Ishak beb, Yakub beb, nidyaʾ ununumnaʾ lelemek nang eb, neikaʾ hiboka Imik Neyung wenesin heikek sam eiya hlaboka denaʾ delemnemakaʾ ak eibnelum bok, ugunuk dara, seleb yakasilyaʾ anasa, ugunda engewoka nauba glengdaralemnelum!

YOHANES 21:18

Dara, ban nidyaʾ Yesus ab, Petrus beb wenyab danggogorekaʾ seleb dara, onoʾ Yesus adya Petrus bek, ”Nara anak dib lebgen. Anda wen anam goubenya ululam danara, goukwa noronaʾ ara an damnya norobdangoka, anja nara anyagan bisinya senemnaʾ ak sam balalam bok, eimik anda nauba damen dara, anda soruk ok okmenekanya, yok nim edya anak noroyiboka, anya ban mok enyek an banaʾ lek senemen ak sam bo bininjak.”

RASUL 21:11

Alda nuk sam yeiniboka, Paulus bedya gouka noronaʾ ek domok. Dara, Paulus bek ab dobok gouka noronaʾ adya, alja yan eb, soruk ab norobdangoka lebokja, ”Imik Neyung Geisinya bedya nak wenyanel ara, Ban gouka noronaʾ damnya bera, Yerusalem heikek ab, Yahudi nim edya henga goubijekanya, Yahudi gom nim edya sorukuk eleganamak,” wenyaboka lemok.

RASUL 7:54

Yahudi yuba san nang edya, Stefanus bedya lelemok yuba kemek dara, sikja ganya oblumugoka mona yeilib menegesuk dara, sikda Stefanus bek si gleng darawoka yu ganya bomek.

2 TESALONIKA 1:9

Ban unu malya unulumak nim era, Imik Neyung adyaʾ si imik nenenaʾ migib pik ab hnon mok nenewoka yaknesil dara, sikda mok somoknaʾ heikek sam sobaʾ ulmoublemnemak.

2 PETRUS 2:17

Ban malya uboka, yuba bobnenewoka neklesak nang era, dalalamla mek lu nenesoʾ ak uboka, debaʾ ak kaboʾ adya doluwoka bolgoklamlaʾ anaso nang ek ulumak. Ban unu malya ulumakaʾ amba dara, siksamba Imik Neyung adya hyak gunaʾ nong oulyang ak seleb meewoka beibsuk.

2 PETRUS 2:4

Malya lero nang dara, hyak gunaʾ serewora alamla gwerenek sam beiyisukaʾ ara yana lelewanasil sum doboka yana lelewanasil. Sikda malya ulumak dara, Imik Neyung adya obnamlaʾ ak ab salyaʾ blebnenggubsuk.

YUDAS 1:13

Sik nong ara, nauba mek gwanek lo saawoka elilamla sokaʾ ak ulumaakanya, sikja alya usinaʾ ara, mek elilamlaʾ adya bolgamalaʾ bouruklamlaʾ anasoʾ ak ulumla. Hnonda, sik nong anaba, salyaʾ eini yabalamla guraʾ ara, gunaʾ lomok sam dengalamlakanya, gunaʾ lomok ulmorulamla sok ulumak.

YUDAS 1:6

Hnonda, Imik Neyung ara lero nang sikja webneseng wa wiknebaʾ era ella umekjok, onoʾ sik ulumekaʾ abaʾ ara, hnon lo yibilemek dara, busaʾ heng adya geregoka, hyak gunaʾ lomok sam dibaʾ beibsukaʾ ara, eimik senenggom sum era yana lelewoka obnesil.

WAHYU 21:27

Bok hyak dib nong ara, ban perob heikek ara, sembejaʾ digum gom, nimi nidyaʾ malya unaʾ hwam ok unulumak nimi gom, sondaʾ nauba lelemak nimi gom, ane digum nim era, hyak weknenggunumak. Alda, sik domba me adya aljaʾ embengaʾ un bukuk sam, si momnya domlya nim enyek ok, goʾ weknamak.