MATIUS 21:44 - PERJANJIAN BARU NALCA YUBA

⁴⁴ Nimi nidyaʾ girik enyek an malyingginimak nim era, soldowoka denghenemaakanya, girik enedya obnesil nim era, onoʾ on girik enedya youboka aso danamak,” hyok.

MATIUS 21:44 ပူးပေါင်းရင်းမြစ်များ

MATIUS 21:43

Dara Yesus adya, ”Anasa ugunda pe beknelum, ugunuk ab Imik Neyung wenesinaʾ damok ara, gwenewoka, Imik Neyung yuba doboka pe unulumnamak nim ek eleganamla.

MATIUS 21:45

Danyek Imik Neyung yuba wa gakaʾ dub nang eb, Yahudi dub nang eb dadya, nidyaʾ Yesus adya sunuwoka lebok yuba kebek dara, wera ban nidyaʾ ara nunsamba geklewoka lebsil senewoka ella ubek.

MATIUS 26:24

Nimi dibaʾ me nera Imik Neyung yuba bukuk sam momnya dobok sok sunuwoka somoganamla. Bok or obnelum aboka yuba dil binilanya ben nong anyek, hyak omom nongaʾ ak ubla! Ben nong ak dara, sokok an ara gobdo hyak beilinaʾ loseng dara, pemneseng bok!” hyok.

MATIUS 27:25

Dara nimi nidyaʾ anyagan wekemek nim edya, ”Yo, Yesus somoganamlaʾ ara, nun an wen umab nim eb, nunja mab eimik liknemak nim eb dadya, huka bobab!” hyek.

LUKAS 2:34

Dara Simeon bera sikenek perobaʾ leb elegousuukanya, dara me nen aljaʾ genong Maria gek wenhyokaʾ ara, ”Hyak dib nong ara ban me nera, nimi gong Israel sam ara hnon golugiyiwoka, hnon sekiyiwoka ubsululaʾ aboka orowek memewookanya, nimi nauba ara alak malya aboka walamnemak aboka, alda yokaʾ nong lok so beknaʾ danamla.

LUKAS 20:18

Nimi nidyaʾ girik enyek an malyingginimak nim era, malya uboka soldob meneganasil; anya heknyek girik enedya obnamla dara, alda soldowoka aso hukaʾ danamla,” hyok.

YOHANES 19:11

Dara, Yesus adya Pilatus bek, ”Imik Neyung adya unun migibaʾ, neyung anak elekgenaʾ orok dara, wera, neyung anda yokaʾ-yokaʾ salyaʾ ganya doboka unuwanggunusom. Anasa, neyung o, anak gom, alda nak oblulum aboka yuba diyinelnya benyek, alja malya unaʾ era hyak senenggomaʾ ulumla,” hyok.

ROMA 9:33

nera an momnya dobok sok, ”Hyak aldib, nara Sion meinik sam ara soruka beleknaʾ girik ab, yana ouluka diknaʾ girik ab beiyimnamna, dara heknedya alak an ganya aldib senewanamla dara, eimik era alya dabnenggunumla,” wenhyokaʾ ak momnya dobokaʾ ak ulumla.

1 TESALONIKA 2:16

Orokaʾ anaba nunja Yahudi gom soko nim ek, nimi blebsin Imik Neyung yuba leb elegeisinobaʾ ulumna enyek, sikja pika garawoka malya nenelesik. Wera ban unulumakaʾ adya, Yahudi nimi malya unaʾ ara nauba dangoka einildaknaʾ okna dangalamla. Anya wera sikda Imik Neyung adya yu ganya boboka obnesin senelamla.

1 PETRUS 2:8

Anya, ”Nimi yok oluka diknaʾ girika dok, hnonda alja yok nim ek malyanggal dilisil girika dok,” hyok. Nimi nidyaʾ oluka diklesilaʾ ara, Imik Neyung yuba nong ak dib senenggulumakaʾ nong adya ulusil. Nenesa leboka, sikda yuba dib senenaʾ orok nim era, ban amba orowek gegewoka beibsuk.