MATIUS 21:17 - PERJANJIAN BARU NALCA YUBA

¹⁷ Dara Yesus ara sikenek loboka, heik enyek anyebaʾ ara, Betania heikek bindiwoka anyagan mabok.

MATIUS 21:17 ပူးပေါင်းရင်းမြစ်များ

MATIUS 16:4

”Bojam unaʾ loboka, malya unaʾ hwam nim edya, yok damoka hnon meewalom aboka oruklemak bok, nadya dara, hnonok sibin anaba meewanggununabok, alda ununumnaʾ lelemoknya Yunus bek unumoknya nek hnonok eibnemak,” hyok. Yesus ara wenyabgogowok dara, anyagan ara loboka byuk.

MATIUS 26:6

Yesus ara, gororomaʾ delemoknya, Simon bedyaʾ ek sam, Betania heikek ulumok salek,

MARKUS 11:1

Wera sikda balamekaʾ ara, Yerusalem heik berem Zaitun mein damak sam Betfage, Betania heikek lanal byik dara, Yesus ara alja yuba doro diriga ban nanga penya nang men binirum aboka boksuk.

MARKUS 11:11

Wera Yesus ara balamoknya nera, Yerusalem heik nong ok byuk dara, alda Imik Neyung gibnaʾ ek wekok. Anya e lomok ara, alda oka pe nidyaʾ kemero yabok bok, seleb iniwokaʾ anasa, alab, aljaʾ obadya yuba doro diriga ban nang eb, neikaʾ Betania heik sam byik.

MARKUS 11:19

Wera sin dangoka inil yabok dara, Yesus ab alja yuba doro diriga ban nang eb dara, nauba heikek ab lanawoka gobek.

MARKUS 14:3

Wera Yesus ara, Betania heikek sam gororomaʾ adya malya uro delemoknya Simon bedyaʾ ek sam denaʾ dero bukek bok, gela hnon yok. Dara, gel gera alda perobaʾ gen-gen song mek, nauba rupiah deklemek anyek, gokno hmeiyek bo yeiniboka, joboka, Yesus adyaʾ huk dubuk sam yekel golulumok.

MARKUS 3:7

Wera Yesus ab, alja yuba doro diriga ban nang eb dara, lanaboka Galilea mek gwan gemek sam byik. Dara, Galilea mok sam ulumek nimi nauba, Yesus ak dobol yalamek. Sikda nidyaʾ Yesus ak yalamekaʾ ara, alja nidyaʾ unulamla an yuba kemekaʾ anasa, eibnobaʾ aboka alak yalamek. Dara, Yudea sokok ab, Yerusalem heikek ab, Idumea mok eb, Yordan meka gemek yali sam ab, Tirus heikek mok ab, Sidon heik mok ab, yalamek.

LUKAS 10:38

Wera onoʾ Yesus ab alja yuba doro diriga ban nang era, pikek balamekaʾ ara, yok mek heikek wekel byik. Heik enyek anyeb gela hnon alja si nera Marta gedya, Yesus ak nadya ek yalom aboka e byuk.

LUKAS 19:29

Wera Zaitun mein berem Betfage moka, Betania heik berem bokok ab dara, alja yuba doro diriga ban nanga penya nang ek, ugunda men bururum aboka boksuk.

LUKAS 24:50

Wera Yesus ara alja yuba doro diriga ban nanga nidyaʾ heikek abaʾ ara bo gobsuukanya, Betania heikek bo busuk. Anyek anyeb dara, alja soruk lakoka, alja mab ek perobaʾ leb elegosuk.

YOHANES 11:1

Betania heik nimi si Lazarus, alja weisabo si Maria geb, Marta geb, neikaʾ ulumek.

YOHANES 11:18

Yerusalem heik ab ara, Betania heikek ban dara, mok gom, ok so hnonok jam anaso balamak.