MATIUS 21:15 - PERJANJIAN BARU NALCA YUBA

¹⁵ Bok Imik Neyung yuba wa gakaʾ dub nang eb, yuba neksin nang eb dara, Yesus adya ban lok so unulumokaʾ anyek eiyiboka, mek-mek mab edya, ”Daud bedya me hyak pe ulumla!” alamekaʾ anyek keboka, hyak yu ganya bobek.

MATIUS 21:15 ပူးပေါင်းရင်းမြစ်များ

MATIUS 20:24

Wenyek, yok yuba doro diriga ban nang sagobadya nang edya anyek kebek dara, sikda Yohanes Yakobus ak malya lerak senewoka yu ganya bobek.

MATIUS 21:23

Wera Yesus ara, Wenelesilnya bedyaʾ e eremek sam wekoka anyagan yuba anam neklesuk salek bok, Imik Neyung yuba wa gakaʾ dub nang eb, Yahudi dub nang eb dara yeiniboka, ”Ban nidyaʾ unululamaʾ ara, hek migib damok edya ululam do? Goma heknedya anaso unululom aboka wa nen elegajok do?” aboka heibek.

MATIUS 21:9

Nimi nauba Yesus balamok pik ek, hnon nim era eimik dobdo balamek bok, hnon nim era men mengewoka balameekanya, sikja lelemek ara, ”Daud bedya me nek gibnok! Wenelesilnya bedya si sibuka yeilimoknya bera alak hyak perobaʾ dangalalul! Imik Neyung hyak imik sam ululanya bek giblenok!” wenyaboka lelemek.

MATIUS 22:42

”Ugunda Kristus, nimi blebsinaʾ dubnya bemba dara, hek huru seinilelum do? Alak dara, hek nang yilaʾ senelelum do?” aboka heibsuk. Anasa sikja dara, ”Nimi blebsinaʾ dubnya bera Daud nang yilaʾ,” hyek.

MATIUS 26:3

Dara neik salek era, Yahudi Imik Neyung yuba wa gakaʾ dub nang eb, Yahudi dub nang eb dara, Imik Neyung yuba wa gaknya dubnya, Kayafas be ulumokaʾ ak, dub nang un ek longomek.

MATIUS 26:59

Imik Neyung yuba wa gakaʾ dub nang eb, nimi yana lelesin nanga nidyaʾ ara, sondaʾ anyek dibaʾ nenewoka Yesus ak oboka dibnobaʾ aboka yub eboka salamek.

MATIUS 27:1

Hyak lugunaʾ nonga gwelegel yabok dara, nidyaʾ Imik Neyung yuba wa gakaʾ dub nang eb, Yahudi soko dub nang eb dara, Yesus oboka dibnemab aboka seleb yuba sabdakoka garawek.

MATIUS 27:20

Bok Imik Neyung yuba wa gakaʾ dub nang eb, Yahudi soko dub nang eb dadya, yok nim ek dukaʾ lolowoka, Barabas bek dara nunsamba henga lob lobnesilem, alda Yesus ak dara, dibaʾ oboka gal ak glabnemak henelum aboka yeiriwoka lelemek.

MATIUS 9:27

Wera onoʾ Yesus ara anyaganyebaʾ goboka bok dara, nimi penya heng lum nang moumenaʾ eimik dobdo birik. Dara penya nang enedya dara, ”Wei, Daud mamnya o, nuk angoo yadyek senewoka araweisiya!” aboka lebdek.

MARKUS 11:18

Dara, Imik Neyung yuba wa gakaʾ dub nang eb, yuba neksin nang eb dara, ban yub enyek seleb kebek dara, sikda Yesus ak hekaʾ huboka obnemab do aboka pik elemek. Nimi nauba alja neklesukaʾ anyek, salya uru lelelanya senelemekaʾ anasa, sikda alak loka daboka, pik elemek.

LUKAS 20:1

Yok sum enyek, Yesus ara Imik Neyung e eremek wekoka, Imik Neyung adyaʾ perob lero yanggan yuba nim ek lel eleklesuk enyek, Imik Neyung yuba wa gakaʾ dub nang eb, yuba neksin nang eb, Yahudi sokok dub nang eb dadya, Yesus ak yeiniboka,

LUKAS 22:2

Yahudi yuba wa gakaʾ dub nang eb, yuba neksin nang eb dara, nimi yok nang enyek lok anasa, sikda Yesus ak geleleng aboka obnemab senewoka pik elemek.

LUKAS 22:66

Ampum maboka gwelegok dara, Yahudi dub nang eb, Imik Neyung yuba wa gakaʾ dub nang eb, yuba neksin nang eb, longowoka yuba sabek dara, Yesus ak doboka bobek dara, yana lelesin ek sam bo byik.

YOHANES 11:57

Dara, al neik salek enyek, Parisi nang eb, yuba wa gakaʾ dub nang eb, yok nim ek ugunda Yesus ak eibmun dara, salawoka henga goubnemabaʾ anasa, wera an ulumla aboka nuk nekel yanasulum aboka, wenyab girigemek.

YOHANES 12:19

Dara, Parisi nang edya sik moumen, ”Wera ugunda yokaʾ unuldalalumaʾ ara kendululum. Nimi soko nimi nidyaʾ ara alak wekel yalamakaʾ ara eillililum,” aldalamek.

YOHANES 4:1

Yahudi nang edya Yohanes Pembaptis bera mek so meka dalasil bok, Yesus ak dara, nauba meka daboka nimi doro dililamla an yuba kemek.

YOHANES 7:42

Imik Neyung yuba momnya dobokaʾ ara, soko nimi blebsinaʾ dubnya Kristus bera, Daud nang yilaʾ ak bok anasa, Daud ulumok heik Betlehem heik ab ara yanamla hyok,” aboka lelemek.