MATIUS 20:34 - PERJANJIAN BARU NALCA YUBA

³⁴ Anasa, Yesus ara sikenek angoo yadyek senewoka, sikja heng era soruka salawosuk enyek, al wene salek enyek, sikja heng era eikaʾ darek. Dara sikda Yesus ak diriga birik.

MATIUS 20:34 ပူးပေါင်းရင်းမြစ်များ

MATIUS 14:14

Wera Yesus ara mek ekla bunaʾ ak ab uboka, sokok yingginiboka nimi mandebnaʾ enyek an kemelemok dara, angoo hyak yadyek senewousuk. Dara onoʾ, sik ganggan pik hnon neikdo balameknya nera hwebsuk.

MATIUS 15:32

Wera onoʾ Yesus ara alja yuba doro diriga ban nang ek anyagan yoululum aboka, ”Nara nimi mandebnaʾ danyek, angoo yadyek ubnel. Sikda nablaboka gobdo lika winilya gwaneng bunya anyek mabsiniwab, anya wenera sikda denaʾ ara dengaramla. Sikda pikek ab gwaneng mesa dakoka somogeijek anasa, nadya dara, or bindowoululum henggunusinya,” hyok.

MATIUS 20:33

Dara sikja, ”Neyung, nunda henga gwelegoka eiriweisinim senenam!” herek.

MATIUS 21:1

Wera Yesus ab alja yuba doro diriga ban nang eb dara, seleb Yerusalem heik berem byik dara, sikda Zaitun meinik Betfage moka lanal byik. Heik enyek anyeb dara, Yesus adya alja yuba don nang penya nang ek ugunda men binirum aboka orugosuk.

MATIUS 8:15

Yesus adya gel genedya soruka salamok salek enyek, wera alja poba neiknaʾ ara dengaboka merewok. Dara gel gera bukoka Yesus amba denaʾ youboka ulumok.

MATIUS 9:29

Dara Yesus adya sik penya nang edya heng ek soruka diyiboka, ”Ugunda nak dib senenurumaʾ sok, wera ugunuk anaso dosulul,” hyok.

MATIUS 9:36

Nimi ganya hmeng uboka, ganya eb menegoka, bo usin nang orokaʾ anasoʾ ak eibuk dara, alda angoo yadyek senewousuk.

MARKUS 7:33

Dara Yesus ara benyek eboka yokok bo biniboka, o lom moumenaʾ ak sam soruka doronggoka, onoʾ Yesus adya gamalaʾ solowoka, benedya silyum ak soruka dibuk.

LUKAS 18:43

Al wene salek enyek, bera seleb heng gwelegoka eibuk dara, alda Yesus ak diriga biniboka Imik Neyung ak hwebnelemaʾ perob aboka, giblemok. Nimi nidyaʾ ban unumokaʾ anyek eibek dara, sikda lok ganya boboka Imik Neyung ak perob aboka nauba giblemek.

LUKAS 22:51

Bok Yesus adya, ”Seleb e,” aboka onoʾ onsok soruka salawoka o meklaʾ era dirigoka hwebok.

LUKAS 7:13

Wera Yesus ara me dam gel genyek eibuk dara, hyak angoo yadyek senewookanya alak lebokja, Genong o, anda engenaʾ ara mem!

RASUL 26:18

Anja adya nimi yok soko nang edya sikja henga baknesilimeekanya, onoʾ sikenek gunaʾ ak ab ara doboka bo yeiniboka, dilinaʾ ak sam bo weknesilim. Anja adya, Satan migib adya lobaʾ nenelesilaʾ ak ab ara doboka, Imik Neyung migib arasinaʾ ak sam dangiyiwanesilim. Wera danyek, sikja malya unaʾ an memelesil, onoʾ sikda nak dib senenyekaʾ adya, Imik Neyung amba munaʾ gobdo un nimi danamak, anyok,” hyok.

IBRANI 2:17

Ban nenesa leboka, Yesus ara gobdo nimi nonga dangoka, nim adya ununaʾ dobnunaʾ aboka ubuk. Wera anadya Yesus ara Imik Neyung amba bojam uboka, angoo yadyek senewoka arasinya dangoka, yuba wa gakaʾ dubnya ulununaʾ aboka ubsuk. Dara, nidyaʾ nim adya malya unaʾ doboka bobogosululaʾ aboka ubsuk.

1 PETRUS 3:8

Anasa damok ara, ugunda nidyaʾ pe neik ganya boboka, neik yuba saboka ulululum. Ugunja unaʾ era neik noungousa enesoʾ anyek wanaʾ uldalalulum. Ugun moumen wanaʾ uldalamunukanya, ganya sokok nenebdangoka ulululum.