MATIUS 20:26 - PERJANJIAN BARU NALCA YUBA

²⁶ Bok ugunuk dara, anaso ununaʾ ara hyak mem. Alda saaboka, ugun gangganek sam senenggomnya ulumnamna senewanalanya bera, alda oruknaʾ wa wenya dolul.

MATIUS 20:26 ပူးပေါင်းရင်းမြစ်များ

MATIUS 20:27

Nimi dibaʾ me anaba, alda arawanenokaʾ aboka yanggumok bok, alda alja araweisinyakanya, nimi nauba amba blebsununaʾ aboka al nonga doboka elekdonunaʾ aboka yeilimok. Anasa neik so, nimi hnon ugun gangganek sam, nara mennya danamna senewanalanya bera, men oruknaʾanya dolul,” hyok.

MATIUS 25:44

”Dara ban malya unaʾ nim edya Wenelesilnya bek, Wenelesilimnya o, anda hek sum ek gwaneng ok, mek ok unjok do? Goma, sekel yangganya dangoka ululum gom, ongon aklenga orokaʾ ululum gom, neiknaʾ salanjok gom, henga geregoka gasa ek beiyinjekaʾ ara, hek sum ek eiyinjuba do?

MATIUS 27:55

Wera neikek ara, gelewa nauba mok so ab uboka Yesus ak kemero seklemek. Ban gelewa danara, hnonda Yesus ak Galilea mok ebaʾ ara arawoka neikaʾ yabalamek gelewa.

MARKUS 10:43

Bok ugunuk dara, anasonya nera ununggom, mem! Alda saaboka ugun gangganek be hnon senenggomnya danamna senewalenya bera, alda men dara, ugunja oruknaʾanya dolul.

MARKUS 10:45

Anasa nimi dibaʾ me nera, nak aralenenokaʾ aboka yanggumok. Alda nim ek aralesinyekanya, alja nong era, nimi nidyaʾ amba bleboka dobnunaʾ aboka elekdok,” hyok.

MARKUS 9:35

Dara Yesus ara bukoka, alja yuba doro diriga ban nang obadya nang ek keblululum hyookanya, sikenek, ”Nara men dubnya dangoka ulumnamna senewanalenya bera, wera alda sidyaʾ lobnamlakanya, nidyaʾ amba arawoka wa wenya dolul,” hyok.

LUKAS 18:14

Onoʾ Yesus adya lebokaʾ ara, ”Anasa ban lebsin, Ban penya nang dara, sikjaʾ ek seleb birik dara, Parisinya bera loboka, alda mok soko amba rupiah molonanya benyek, Imik Neyung adya pemnaʾ gebok. Anasa nimi nidyaʾ imik neneldalamak nang era, sokok nenewanasilikanya, ganya sokok nenebdangoka ulumak nang enyek, imik nenewanasil,” hyok.

LUKAS 22:26

Bok ugunuk dara, anaso ununaʾ ara hyak mem. Alda ugunda ban nenyek unulululum, alda wenyek ugun gangganek sam senenggom nanga dangoka ulumak nang era, mek sirikaʾ anaso dangoka ulunok; alda wen nauba dangoka ulumak nang era, wa oruknaʾ nang eneso ulunok.

YOHANES 18:36

Anasa, Yesus adya lebokaʾ ara, ”Nadya dub unaʾ danenelaʾ ara sokok anyebnya gomaʾ. Nadya heik era dub unaʾ danenel an ulumso dara, wera nadya mab edya Yahudi dub nang ek henga geregoka bo banggom aboka nak blebneneseng. Bok ununenaʾ orok ara, nadya dub unaʾ danenel era sokok an unggulumla adya umla,” hyok.

RASUL 13:5

Dara, sikda Siprus moka birik dara, Salamis heikek biniboka, Yahudi nim edya yuba don ek wekoka, Imik Neyung yuba leb elekdo yabalarek. Yohanes Markus bera arawoka yabalemek.

2 KORINTUS 1:24

Dara, ugunja dib senelelumnya nek, nuk dara, oruksin nang ulusinob senenggulusab. Ugumbeyok dib senelelumukanya, kaboka ululumaʾ anasa, nuk dara, ugunuk eiya ganya bon danasa, arasin nang ulumab.

2 TIMOTIUS 1:18

Dara onoʾ, al Onesiporus bera, na Epesus heikek ulumsa dara, alda hyak nak nauba aralenyokaʾ ara, anda pe ella ululam. Anya wera benyek anasa, Wenelesilnya bedya nimi nidyaʾ sokok an yana lelewanasil sum era, alak angoo yadyek senewoka arawanamla.

PILEMON 1:13

Imik Neyung adyaʾ perob lero yanggan yuba lero yabanaʾ anasa, henga gouboka gasa ek beibnyekaʾ ak an neikaʾ nab ulunimekanya, an lunuwoka na aralenululaʾ aboka banaʾ loblom hununaʾ ubnadyok, wera or bokol yan.

IBRANI 1:14

Wera anaso dara, lero nang era, dib nongaʾ ara hek nang ek ulumak do? Lero nang ek dara, sikda Imik Neyung bedya wa welemak nang ek uboka, nim Imik Neyung adya blebnamla nim ek ganya arasinaʾ amba ulumak nang ek ulumak.

1 PETRUS 4:11

Nimi ben hnon yuba lebnelenya bera, alda Imik Neyung yub aldib an aboka lelelul. Nimi yok nim ek arawanasin senewalenya bera, Imik Neyung adya elegamlya migib ek sunuwoka aralesulul. Wera anadya yokaʾ-yokaʾ unulumnelumaʾ ak ara, Yesus Kristus pik uboka Imik Neyung si ak imik nenewanokaʾ aboka unulululum. Imik Neyung ak hnonok alak ok senenggom migibnya ululul, alak ok sobaʾ gibelmorulunok. Amin.

1 PETRUS 5:3

Ugunja nim enera, bo ubnelum aboka elegeisik nim ek ara, ugunja dara, senenggom dub nang edya ununaʾ enyek ununggom, mem; alda sikja ugunuk diliwanesijenya nenyek unulululum.

WAHYU 17:6

Dara ban gel gera, munaʾ Imik Neyung mab uboka, Yesus amba laga leboka ulumek nang, sikja eneng enedya, yu meka demna anasoʾ anyek, ganya uu aro bulumokaʾ ak eibsa. An gel gen eibsegab dara, nara omom uboka hyak loka dabnyok.