MATIUS 20:21 - PERJANJIAN BARU NALCA YUBA

²¹ Wenyek Yesus adya, ”Genong o, anda hekaʾ ak senelam do?” aboka heibuk. Dara, gel genedya Yesus ak, ”Neyung o, anda dubnya dangoka wenewanasilim sum era, nadyaʾ penya mabo danara, ben hnonda anjaʾ sirikek sam hnon, ben hnonda anjaʾ waneng ek sam hnon, buknurum aboka lebnesilim,” hyok.

MATIUS 20:21 ပူးပေါင်းရင်းမြစ်များ

MATIUS 18:1

Ban sum enyek, Yesus alja yuba doro diriga ban nang edya Yesus ak yeiniboka, ”Imik Neyung wenesin heikek sam ara, heknyek naubenya ubnamla do?” aboka heibek.

MATIUS 19:28

Wenyek Yesus adya sikenek, ”Ugunda hyak dib senewanalum: Imik Neyung bedya heikek ara, nimi dibaʾ me nera, alak imik nenemlyaʾ adya hyak perob nang ekla bunaʾ ak buknamla. Ban sum enyek, ugunda nadya yubaʾ donaʾ dibaʾ ululum nim era, senenggom obadya nang yilaʾ bun ekla bunaʾ ak sam bukoka, obadya Israeli nang yilaʾ ak yana lelelemnelum.

MATIUS 20:22

Dara Yesus adya sikenek lebsukaʾ ara, ”Ugunja molowolumaʾ ara, anyek molowabaʾ ara ugunda elgom ululum. Nadya igina kweboka gweknamna mek hmeiya era, ugumbabya or denesom de?” hyok. ”Numbabya or unuwanesibya,” hyek.

MATIUS 20:32

Dara Yesus ara balamokaʾ ara sek loboka, sikenek ok an, ”Yoururum,” husuukanya, ”Ugunja dara, hekaʾ ak hubsulul senerum do?” wenyaboka heibsuk.

MARKUS 10:51

Dara Yesus ara heng lumnya bek, ”Anja dara, hekaʾ hubnulul senelam do?” wenyaboka heibuk. Wenyek alda Yesus ak, ”Neyung neklesilimnya o, nara henga gwelegoka eibsinya senemna!” hyok.

MARKUS 16:19

Wera Yesus ara, alja yuba doro diriga ban nang ek seleb wenyabgogowok dara, alda imik heikek sam welewookanya, Imik Neyung adya sirik sam bukok.

MARKUS 6:22

Sum enera, masa deregoka bera seblemekaʾ ak ara, Herodias gedya gelma hnon wekoka seblemoknya nenesa, Herodes beb, alja yanalum amok nim eneba, hyak ganya heklesuk. Anasa, Herodes bedya gelma enyek an, ”Bera pe seblelamaʾ anasa, anyek elegonulul senemenaʾ ara eleganenggen,” hyok.

LUKAS 18:41

”Anda hekaʾ ak nadya ansamba unuwonulul senelam do?” aboka heibuk. Benedya dara, ”Neyung o, nara heng gwelegoka eibsinya senemna,” hyok.

LUKAS 19:11

Yesus ara anam yuba salamokaʾ anasa kelemek salek, nim adya dara, Yesus ara Yerusalem heikek berem ulumokaʾ anasa, Imik Neyung adya wenyok nong sokok sam wenelemnesil senemekaʾ anasa, wera onoʾ ban sununaʾ enyek hnon sunuwoka lebsukaʾ ara,

LUKAS 22:24

Yesus adya alja yuba doro diriga ban nang edya dara, sik gangganek ara heknyek eimik era, nunja dubnya ulumnesil aboka waldanaʾ lanawok.

YOHANES 15:7

Ugunda nablaboka kwebdangoka ulumeibyekanya, nadya lelesin yub era, ugunja ganya lomok sam ulusilya dara, ugunda yokaʾ-yokaʾ dobsibya senelelumaʾ anyek, elegeisilom aboka mololomun dara, ugunuk eleganesil.

RASUL 1:6

Wera onoʾ, Yesus ab, alak diriga ban nang eb, neikaʾ longomek sum enyek, alja mab edya, ”Neyung Wenelesilimnya o, wen gom, eimik ek gom, Israeli soko ara, dub soko dangiyiwanalam de?” aboka heimek.

ROMA 12:10

Ugunda nadyaʾ hem senewoka wanaʾ uldalamunukanya, perob aboka gibildanaʾ ak dara, anja hem bek men nonokdangoka gibildalamnelum.

ROMA 8:34

Kristus Yesus, seleb somogokaʾ ara, onoʾ imik soʾ dara, alda seleb embengaʾ subuk, dara onoʾ al alak Imik Neyung adyaʾ sirik sam bulumla, wera onoʾ alja nusamba yuba ligiwoka sanya danamla ara heknya do?

KOLOSE 3:1

Dara, ugunda Kristus ab ganya neikaʾ subuka bukiyiwosuk anasa, Kristus ara, Imik Neyung alja sirik soruk imik bulumla ak, imik sam ululanya nenyek elelulum.