MATIUS 20:19 - PERJANJIAN BARU NALCA YUBA

¹⁹ Hnon ara, Yahudi gom nim ek doboka eleganamak. Dara, sikja alak derewoka waboka, saboka oboka, gal ak sam glabnemak. Bok winilinya sum era, alda embengaʾ suboka bukiyiwanamla,” hyok.

MATIUS 20:19 ပူးပေါင်းရင်းမြစ်များ

MATIUS 12:40

Yunus bera senenggom hadyaʾ mon lomok sam inimnek yubyek lika winilya mabmorumok. Anasonya neikek, eimik era onoʾ nimi dibaʾ me neneba soko lomok sam inimnek yubyek lika winilya mabmoruwanamla.

MATIUS 16:21

Ban sum enyek moruwoka, Yesus ara alja yuba doro diriga ban nang ek, nara Yerusalem heikek binimnekanya, Yahudi dub nang eb, Imik Neyung yuba wa gakaʾ dub nang eb, yuba neksin nang edya nauba igin kweiyiwoka, oboka dibnenyak dara, winilinya sum era, embengaʾ suboka buknamna aboka laga poboka leb einiwousuk.

MATIUS 17:23

Alda oboka dibnemak bok, winilinya sum era, onsok embengaʾ suboka buknamla,” hyok. Danyek alja yuba doro diriga ban nang era, ganya suguwoka, engenaʾ ganya beibsuk.

MATIUS 27:26

Dara Pilatus bera, Barabas bera henga lob lobookanya, nimi nauba wekemekaʾ ak Yesus ara saboka ololulum aboka orugookanya, oboka gal ak glabnelum aboka doboka elegosuk.

MATIUS 27:63

lebekja, ”Neyung o, youmaʾ sondaʾ hwamnya bera anam embengaʾ ulumok salek era, hnon seleb wenyalamokaʾ ara, Liga winilya seleb mablye dara, embengaʾ suboka buknamna, alamok.

MARKUS 14:65

Dara nimi wene nim era, Yesus ak gamalaʾ solob goluwoka, alja heng ara, akleng adya norowoka soruk adya olomeekanya, lelemekaʾ ara, ”Wei, ununumnaʾ lenya o, anara heknedya olonggel do?” aboka lelemek. Anya, yin bonaʾ nang edyaʾ anaba, soruk wabnaʾ adya olomek.

MARKUS 15:1

Hyak lugunaʾ nong dara, yuba wa gakaʾ dub nang eb, Yahudi dub nang eb, yuba neksin nang eb, yuba yana lelesin nanga nidyaʾ, ban nang dara, unuwanamab aboka yuba seleb sabek. Dara, sikda Yesus ak henga geregoka bo balameknya nera, Pilatus bek bo elegel byik.

MARKUS 15:15

Anasa, Pilatus bera nimi ganya hekiyiwosunun senewoka, alda Barabas benyek siksamba henga lob lobsuk. Bok Yesus bek dara, legebnaʾ adya legeb-legeba obeekanya, oboka gal ak glabnelum aboka doboka elegousuk.

LUKAS 18:32

Nimi dibaʾ me nera alda doboka Yahudi gom nim ek eleganamak dara, wera alak lobaʾ nenewoka derewoka waboka, gamalaʾ solol golulumnemak. Dara ban nang edya alak nauba malya uboka oboka dibnemak dara,

LUKAS 23:11

Dara, Herodes beb, alja yin bonaʾ dub nang eb dadya, Yesus ak hyak nauba eirigala nenewoka malya uboka saboka oboka, nauba derewoka walamekaʾ ara, sene dub nang akleng ongiyiwok dara, onoʾ Pilatus dubnya bek onsok saaboka bo bulululum aboka orugusuk.

LUKAS 24:46

Onoʾ hnon Yesus adya sikenek, ”Imik Neyung yuba bukuk lomok sam ara lero momnya dobokja, Kristus, nimi blebsinaʾ dubnya bera nauba igina kweboka gweknamlakanya, winilinya sum era somoklomakaʾ ak ab onsok embengaʾ suboka buknamla.

RASUL 2:23

Imik Neyung adya al orowek ella unuboka unuwonun senewoka seinimok sok, alja me Yesus ara ugunuk seleb elek losuk. Dara, ugunda malya nang ak elegoka, sikda alak doboka galak glabekaʾ adya, ugunda alak olum.

RASUL 21:11

Alda nuk sam yeiniboka, Paulus bedya gouka noronaʾ ek domok. Dara, Paulus bek ab dobok gouka noronaʾ adya, alja yan eb, soruk ab norobdangoka lebokja, ”Imik Neyung Geisinya bedya nak wenyanel ara, Ban gouka noronaʾ damnya bera, Yerusalem heikek ab, Yahudi nim edya henga goubijekanya, Yahudi gom nim edya sorukuk eleganamak,” wenyaboka lemok.

RASUL 4:27

”Aldib, wen ara Herodes beb, Pontus Pilatus beb, Wenelesilimnya o, yok soko yok soko nim eb, heik enyegan ulumak Israeli nim eb, seleb mamagoka, sikda anja geisa me Yesus bek anja nimi blebsinaʾ dubnya sekiyilumnya bemba, mala weboka obdanob aboka samek.