MATIUS 2:13 - PERJANJIAN BARU NALCA YUBA

¹³ Guraʾ kemero yeilimek nang era, sikja mok seleb lanawoka balamek dara, Imik Neyung lero ara Yusuf bek lendar dib yeiniboka, ”Herodes dubnya bera me nenyek obnunaʾ aboka elemnamla anasa, anda bukoka me ab eilinggeb doboka bobmenekanya, Mesir sokok sam berra bo bilom. Wera anyagono ulumunaʾ ara, nadya anak wera or yoululum henya dara, yanalum,” hyok.

MATIUS 2:13 ပူးပေါင်းရင်းမြစ်များ

MATIUS 1:20

Yusuf bera wen senewoka anam unu seinibgiga balamok salek, alda lendara mabok. Wera lendara pik uboka, Imik Neyung lero adya alak, ”Anda Yusuf Daud nang yilaʾanya o, Maria gedyaʾ mon lomok sam mamla me nera Imik Neyung Geisinya adya me bomlaʾ anasa, dobdanarumaʾ ak, lok ganya bonggom, mem.

MATIUS 10:23

Ugunda yok heikek ab, yana lelewoka obnesak dara, men yok heikek berra binilum. Nara ugunda ban dib lebnesin, Ugunda Israeli nim ulumak heikek nidyaʾ ara, anam kemero yibinggumun salek, nimi dibaʾ me nera men yanamla.”

MATIUS 2:12

Dara, Imik Neyung adya, Herodes bek saaboka binggunulum aboka lendar pik wenewosuk dara, sikda yok pik uboka sikja mok byik.

MATIUS 2:14

Dara Yusuf bera bukok dara, al sumen inimnek enyek, me ab eilinggeb doboka, Mesir sokok sam bo murugul busuk.

MATIUS 2:16

Wera Herodes bera guraʾ kemero yeilimek nang edya, alak sondaʾ lebekaʾ eibuk dara, alda hyak yu ganya bobok. Anya alda Betlehem heikek memabo gibnaʾ penya uboka onu sam beibsik mab era nidyaʾ obnelum aboka orugosuk. Ban unuwoknya nera guraʾ kemero yeilimek nang edya, ban salek eiyimoub aboka alak wenyameknya nenesa sunuwoka unuwok.

MATIUS 2:22

Bok onoʾ, Herodes bedya yando me Arkelaus bera eilibe lunuwoka Yudea sokok sam dubnya dangoka ulumla an yuba kebok enyek, alda lok ganya boboka, Yudea sam banaʾ ara lobok. Bok onoʾ Wenelesilnya bedya lero edya lendar pik ab anaso unuwanalam aboka lebok dara, alda Galilea sokok sam leiboka byuk.

RASUL 10:22

Dara, sikja Petrus bek lebekja, ”Nunja neyung bera Imik Neyung ak lok ganya boboka ulumla dara, Yahudi nimi nidyaʾ ara alak dubnya senewoka alak perob aboka lelemaknya. Geisa Imik Neyung lero enedya, anja lelelamnya nenyek keblul aboka, Simon Petrus anja ek youlul aboka youblom aboka orugomok,” hyek.

RASUL 10:7

Wera Kornelius beblaboka yuba salarek lero era seleb bilimok dara, Kornelius bera, alja wa wen nang penya nang uboka, onoʾ yin bon nang ben hnon hyak pe uboka alak diri bo ulumoknya hnon ak, ”Yoululum,” hyok.

RASUL 12:11

Wera ban nidyaʾ seleb unubgogobok danyek, Petrus bera ella dangoka lebokja, ”Wera wenyek Wenelesilnya bedya alja lero bokol yeiniboka Herodes bedya soruk migib ak ab hnon, Yahudi nim edya nak yokaʾ-yokaʾ unuwanamab senelenyakaʾ anyek, blebnelaʾ ak ara ella dan,” hyok.

RASUL 12:7

Dara, al wene sab-sab enyek, Wenelesilnya bedya lero be hnon, nimi henga gouboka beillilisik ek sekok dara, alja dilinaʾ edya henga gouboka beillilisik e yeboka lomok. Dara, lero enedya Petrus be mamokaʾ ak warawoka gaawoka bukiyimok. Dara, lero enedya Petrus bek, ”Wei Petrus o, men berra aboka buklom,” aboka orugumok. Wera wene salek enyek, gasa heng edya Petrus bek gouboka beiyimek ara albeyok alja sorukuk ab loboka mamagemok.

RASUL 16:36

Wenyal bilimek seleb dara, nimi henga gereksinaʾ dubnya bedya Paulus bek, ”Neyung yab o, Roma dub nang edya ugunuk or henga loblulum amak anasa, wera henga lobsin anasa, or neyung yab o, bururum e, perob e,” hyok.

RASUL 5:19

Bok, inimnek enyek, Wenelesilnya bedya lero edya yeiniboka, henga gereksin e pik sereknaʾ nidyaʾ bakoka, yuba len nang nidyaʾ eboka beiyek bo yibilisuukanya, sikenek lebsuk ara,

RASUL 7:19

Wera ban sum enyek, Firaun nunja nimi yilaʾ ek igin yakaʾ kweiyiwoka malya nenellilisuk. Dara alja lelemok ara, nim edya wenyok beilinaʾ me nera beiyik gwab loboka somoklenok aboka dukaʾ lolowoka bologollilisuk.

WAHYU 12:14

Bok ban gel genyek ara, naga bagaʾ adya berewanamla danyek, hwalek mok, egenyaʾ ak sokok, lak-laka biniboka, pe murugoululaʾ aboka, senenggom weidya wining edya oll enyek ongiyiwok. Dara anyaganara gibnaʾ winilya uboka, walaʾ hnabbadya bo ublul aboka unu mememok.

WAHYU 12:4

Anya, alja amo edya imik umok guraʾ ololaʾ era, winilya geboka hnon sam legewoka sokok boroboublinggok. Anya, ban naga bagaʾ era, alda me beillil yabelya salek enyek, doboka menegounun senewoka, gel gen saramek oka diri seklemok.

WAHYU 12:6

Dara gel gera Imik Neyung adya anyagan ulumnamla senewoka orowek mememlyaʾ ak, egenyaʾ ok maro lomlya sokok yeiri bilimok. Dara, alda anyeganara liga seribu dua ratus enam puluh sum arawoka bo ublul aboka bilimok.