MATIUS 2:1 - PERJANJIAN BARU NALCA YUBA

¹ Herodes dubnya dangoka ulumok salek enyek, Yesus ara, Yudea sokok Betlehem heikek beibuk. Dara ban salek enyek, guraʾ beknaʾ ubnaʾ damokaʾ ella ulumek nang era, yali sam abaʾ ara Yerusalem heikek yek.

MATIUS 2:1 ပူးပေါင်းရင်းမြစ်များ

MATIUS 1:25

Bok Maria gera Yesus anam beibnenggumok salek, Yusuf bera Maria gek ara mekaʾ bokaʾ denewanggumok. Anya wera Maria gera bomok me nera beibuk dara, Yusuf bedya me si ara Yesus aboka sibuk.

MATIUS 2:16

Wera Herodes bera guraʾ kemero yeilimek nang edya, alak sondaʾ lebekaʾ eibuk dara, alda hyak yu ganya bobok. Anya alda Betlehem heikek memabo gibnaʾ penya uboka onu sam beibsik mab era nidyaʾ obnelum aboka orugosuk. Ban unuwoknya nera guraʾ kemero yeilimek nang edya, ban salek eiyimoub aboka alak wenyameknya nenesa sunuwoka unuwok.

MATIUS 2:19

Yusuf bera anam Mesir sokok ulumok salek enyek, Herodes bera seleb somogok dara, Wenelesilnya bedya lero era Yusuf bek lendar dib yok.

MATIUS 2:3

Herodes dubnya bera alda ban wenyan yuba kebok dara, alab nimi nidyaʾ Yerusalem heikek ulumek nim era, ganya sam-samab menegosuk.

MATIUS 2:5

Dara sikja Herodes bek ara, ”Ununumnaʾ lelemoknya bedya ban wenyaro momnya dobokaʾ ara, Wei, anda Betlehem o, Yehuda sokok sam, Yehuda sokok nauba heik ulumak bok, anak ab dubnya ben hnon lanawanamla dara, benedya Israeli nimi bleboka bo diri ulumnesilaʾ anasa, anak dara, gobdo mek heik geknebaʾ unggulumnelam, aro momnya dobokaʾ anasa, wera me nera Yudea sokok Betlehem heikek sam beibnamla,” aboka nekek.

MATIUS 2:7

Wera Herodes bera seleb wenyaboka lelewoka nekekaʾ kebok dara, guraʾ beknaʾ ubnaʾ damoka kemelemek nang ek gelelenga yoululum husuk. Anya sikenek, ”Guraʾ eiblumaʾ ara, hek sum ek laga dangamok ak okoka eiblum do?” aboka heibsuk.

LUKAS 1:5

Wera Herodes bera Yudea sokok sam wenesin dubnya dangoka ulumok sum enyek, Imik Neyung yuba wa gaknya hnon alja si Zakharia, Abia nang yilaʾ ak abnya bek ulumok. Alja gel gedya si nera Elisabet, albabya Harun nimi yilaʾ ak ab gel gek ulumok.

LUKAS 2:11

Sumen era ugunsamba, nimi blebsinaʾ dubnya, Wenelesilnya Kristus benyek, Daud bedya heikek beibla.

LUKAS 2:15

Wera lero gong dara sikenek loboka imik heikek saaboka byik dara, pam beilin nang era sik moumen, ”Wenelesilnya bedya Betlehem heikek hekaʾ humlaʾ anyek, nuk wenyasilaʾ anyek kemel binimab,” wenyabdek.

YOHANES 7:42

Imik Neyung yuba momnya dobokaʾ ara, soko nimi blebsinaʾ dubnya Kristus bera, Daud nang yilaʾ ak bok anasa, Daud ulumok heik Betlehem heik ab ara yanamla hyok,” aboka lelemek.