MATIUS 19:22 - PERJANJIAN BARU NALCA YUBA

²² Wenyek goubenenya bera, alda bonaʾ dubnya ulumok bok adya, Yesus adya alak an wenyaboka lebok anyek kebok dara, ganya igina daboka ek byuk.

MATIUS 19:22 ပူးပေါင်းရင်းမြစ်များ

MATIUS 13:22

Alda yinaʾ giriknaʾ hnoum yama yinggilimoknya nera, damok ara, nim Imik Neyung yuba kelemak bok, denaʾ unuruwaʾ amba leboka, bonaʾ garana denaʾ garan amba gangganaʾ gokoldal yabanakanya, sikda bonaʾ dub nang ulusibya senen ganya edya, Imik Neyung yuba sikja seklama darawoka, sikjaʾ ganya lomok sam pe doka mounggulusil.

MATIUS 14:9

Gelma enedya wenyaboka molowok yub enyek, Herodes be kebok dara, alja ganya angoo senewoka soloma dabok. Bok nimi hnoum ab laga yokaʾ nidyaʾ molowamenaʾ ara hyak eleganenggen amoknya nenesa leboka, wera Yohanes bedya huk era or dakoka bo yanok aboka orugosuk.

MATIUS 16:26

Nimi ben hnon sokok ulumlaʾ nidyaʾ ara, nadyaʾ aboka dobnamso bok, aljaʾ nonga weiningganamso dara, alak ara hekaʾ perob danamso do? Goma, nim alja nong unaʾ amba hekaʾ ak amamaʾ ubnamso do?

MATIUS 19:21

Danyek Yesus adya alak, ”Anda munaʾ pe ulumnamna aboka dara, anjaʾ ek biniboka, anjaʾ bonaʾ nidyaʾ ara rupiah amba beibnelam. Dara, anedya imik heikek perob bonaʾ dobnelamaʾ anasa, anjaʾ unu dobmen rupiah era bonaʾ garan ulumak nim ek eleganesilim. Unubgogowamen dara, anda nak or diriga yananelem!” hyok.

MATIUS 19:23

Dara onoʾ Yesus ara alja yuba doro diriga ban nang ek, ”Nara ugunuk dib lebnesin, Bonaʾ dub nang enyek, Imik Neyung wenesin heikek sam weknaʾ ara okna ulumla.

MATIUS 6:24

”Hnonnya bek ara nauba wanaʾ uboka yoknya bek ara lek senewanamsoʾ anasa, goma hnonnya bek ara malya senewoka, yoknya bek ara pe bojam ubnamsoʾ anasa, nimi ben hnon alda nimi penya nang emba aboka neikewenyek wa webnenggunumso. Anasonya neikik, ugunda Imik Neyung amba wa we, onoʾ bonaʾ amba wa we, ubnenggunusom.”

MARKUS 10:22

Wera ban dubnya bera alda hyak bonaʾ dubnya ulumokaʾ anasa, Yesus adya alak banaso wenhyok dara, angoo senewoka hyak ganya obdangoka ek byuk.

MARKUS 6:26

Dara, alda dubnya bedya ganya era, hyak angoo senewok. Bok, alja nimi hnoum ab hekaʾ ok nidyaʾ molowanalamaʾ ara, eleganenggenaʾ ok amokaʾ adya, alda nenegom henggubuk.

LUKAS 18:23

Dubnya bera ban yub en kebok dara, alda hyak bonaʾ dubnya ulumokaʾ anasa, nauba igin ganya bobok.

YOHANES 16:20

Nara ugunuk dib lebsin, Ugunda engewoka bonggeliklimnelum bok, soko ak dara, eiya hlaboka glolomnamla. Ugunuk sugunaʾ ganya bolomnulum bok, ugunja sugunaʾ ganya era eimik ei-ei ganya danamla.

EPESUS 5:5

Ugunda ban nong anyek pe beknelumaʾ ara, Nimi gela salyaʾ salalamak nang eb, malya unaʾ hwam ok ulumak nang eb, hman ganya bonaʾ ara, bisaʾ gibnaʾ anaso dangalamlaʾ anasa, ganya en bolomak nim eb dara Kristus ab Imik Neyung ab dadya wenewoka bo ulusirik sokok nimi mekaʾ danggunumak.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.