MATIUS 19:21 - PERJANJIAN BARU NALCA YUBA

²¹ Danyek Yesus adya alak, ”Anda munaʾ pe ulumnamna aboka dara, anjaʾ ek biniboka, anjaʾ bonaʾ nidyaʾ ara rupiah amba beibnelam. Dara, anedya imik heikek perob bonaʾ dobnelamaʾ anasa, anjaʾ unu dobmen rupiah era bonaʾ garan ulumak nim ek eleganesilim. Unubgogowamen dara, anda nak or diriga yananelem!” hyok.

MATIUS 19:21 ပူးပေါင်းရင်းမြစ်များ

MATIUS 16:24

Dara onoʾ Yesus adya, alja yuba doro diriga ban nang ek, ”Nimi nak diriga yanenyak aboka dara, alak perob danasonya nera hibigalyekanya, aljaʾ igin yakaʾ doboka, nak diriga yalanulul.

MATIUS 19:20

Dara goubenenya benedya Yesus ak, ”Ban yub en nidyaʾ ara, seleb gigiwoka unulamnaʾ anasa, har nerek hnon lolomna do?” aboka heibuk.

MATIUS 19:22

Wenyek goubenenya bera, alda bonaʾ dubnya ulumok bok adya, Yesus adya alak an wenyaboka lebok anyek kebok dara, ganya igina daboka ek byuk.

MATIUS 19:28

Wenyek Yesus adya sikenek, ”Ugunda hyak dib senewanalum: Imik Neyung bedya heikek ara, nimi dibaʾ me nera, alak imik nenemlyaʾ adya hyak perob nang ekla bunaʾ ak buknamla. Ban sum enyek, ugunda nadya yubaʾ donaʾ dibaʾ ululum nim era, senenggom obadya nang yilaʾ bun ekla bunaʾ ak sam bukoka, obadya Israeli nang yilaʾ ak yana lelelemnelum.

MATIUS 4:19

Dara Yesus adya sik penya nang ek, ”Nara ugunuk nimi donaʾ nang nenewanesin anasa, ugunda nak diriga yoururum,” aboka ebsuk.

MATIUS 5:48

Ugunja neyung be imik heikek ululanya bera, hyak perob ok unulamla anasa, ugumbabya pe ganya kaboka perob ok unulumnulum,” hyok.

MATIUS 8:22

Bok Yesus adya alak lebnemokaʾ ara, ”Somoklomak nim era, sik moumen soko lokoldalanok, alda anda nak diriga yanenelem,” hyok.

MATIUS 9:9

Wera Yesus ara anyaganyebaʾ ara loboka byuk. Wera anam balamok salek, nimi ben hnon alda rupiah mok soko amba molowoka dolosuknya, alja si nera Matius, alja wa wen ek sam bulumokaʾ ak eibuk. Dara Yesus adya alak, ”Anda nak diriga yalom!” hyok. Dara Matius bera sekoka, Yesus ak dobol byuk.

MARKUS 10:21

Wenyek Yesus adya dubnya bek an kemeboka yadyek senewoka lebokaʾ ara, ”Nidyaʾ ara pe unululam bok, hnonok lololam. Anasa anda wera bimenekanya, anja bonaʾ nidyaʾ ulumlaʾ ara yok nang ek dekoka, deknaʾ dobmenekanya, bonaʾ garan nim ek eleganalam. Dara nenesemba lunuwoka, imik heikek beillilisil bonaʾ enyek dobnelam. An unuwamenek ab danyek, wera anda nak yamenekanya, diriga yalamnanelem,” hyok.

MARKUS 2:14

Wera Yesus ara kemero yabalamok enyek, mok soko amba leboka rupiah molowoka dolosuknya, Alfeus bedya me Lewi bera, rupiah deklemekaʾ ak bulumokaʾ ak eibuk. Dara Yesus adya benyek, ”Anda nak an dobol yanelom,” hyok dara, Lewi bera sekoka Yesus ak dobol byuk.

MARKUS 8:34

Dara Yesus ara anyagan nauba longomek nim eb, alja yuba doro diriga ban nang eb, ”Wei, keblulum!” hyookanya sikenek, ”Nimi be hnon nak diriga yananel aboka dara, alak perob danamlyaʾ digumaʾ ara, hyak gobdo loboka, aljaʾ igin yakaʾ doboka, nak diriga yalalul.

LUKAS 12:33

Ugunja bonaʾ rupiah dekoka doboka, dobmun rupiah era, bonaʾ garan ulumak nim ek elegolulum. Ban unulumun dara, ugunja songa leboka blobnenggunumla rupiah beilinaʾ memelelum, nera imik heikek beillilesil bonaʾ dibaʾ ara an. Ban bonaʾ era hokaʾ donaʾ orok uboka, gereremaʾ denggunumla.

LUKAS 14:33

Anya onoʾ Yesus adya dara, ”Anasonya neikek ugumba unuwanalum. Nimi ben hnon ugun gangganek ara, alda yokaʾ-yokaʾ nidyaʾ aljinya nek ara, loboka ubnenggunumla dara, alda nadya yuba doro diriga bannya danggunumla,” hyok.

LUKAS 16:9

Dara onoʾ Yesus adya hnon lebokaʾ ara, ”Ugunda pe keblulum! Sokok an bonaʾ era malya dalya sum era, ugunda pe embengaʾ ulumak heikek doro beibsululaʾ aboka, wera nadya hemyabo nauba donulul senewoka, sokok bonaʾ enyek doboka bololulum,” hyok.

LUKAS 18:22

Yesus ara ban nenyek kebok dara, alja lebnemokaʾ ara, ”Hyak hnonok anam or anaso unuwanalamaʾ ara, anja bonaʾ nidyaʾ ara dekoka rupiah dobmen dara, rupiah era bonaʾ garan ulumak nim ek boknesilim. Dara anda imik heikek ulumla bonaʾ enyek dobnelam. Ban unubgogowamen dara, anda nak diriga yananelem,” hyok.

LUKAS 5:27

Dara onoʾ, Yesus ara goboka yibiniboka kemelemok enyek, mok soko amba rupiah molowoka dolomoknya, alja si Lewi bek, aljaʾ wa wen ek ab eiyimok. Dara Yesus adya alak, ”Anda nak an yalom,” hyok.

LUKAS 6:40

Sekolah me hnon ara anam dolomna salek era, neklesilnya be hwiboka geremseng so unggululabok, heknyek dobgiga balamnaʾ ara dobdakna danyek, wera neikek neklesilnya beneso dangalamla.”

LUKAS 9:23

Dara alda sik nidyaʾ ak, ”Nak diriga yanalenya bera, alak perob danamsoʾ digum ara loboka, li sobaʾ aljaʾ igin yakaʾ doboka, nak diriga yalanulul.

YOHANES 10:27

Nadya pama yokaʾ ak dara, nara sikenek ella ulusinekanya, sikda nadya yuba keboka nak diriga yalanyak.

YOHANES 12:26

Heknedya nak aralenelnya bera, or nak diriga yeiniboka, na ulumnyaʾ ak anaba, alba anyagan ulumnamla. Nak arawoka welelanya bera, nadyaʾ neyung bedya gigiwanamla.

RASUL 2:45

Sikja yok-yok bonaʾ bolomek ara, rupiah dekoka dobna dara, nara anyek dobsinya senemna sok ellaʾ gigiro pe lelewoka bokol dalamek.

IBRANI 10:34

Nimi henga geregoka beillilesik nang edya engelemeknya nera ugumbabya unululum. Ugunja dara, nunda eimik era songa leboka blobnenggunumla perob so bonaʾ Imik Neyung adya eleganesilaʾ seleb ella ululumaʾ anasa, ugunja bonaʾ nidyaʾ hokaʾ nang edya doluwoka dolosik dara, or unulunok senewoka dogom alum.