MATIUS 19:16 - PERJANJIAN BARU NALCA YUBA

¹⁶ Dara onoʾ yok sum enyek, nimi ben hnon Yesus ak yok. Anya alja dara, ”Neklesilimnya o, nara dib embeng ulmoubnaʾ dobnamna aboka dara, hek perob unaʾ ak ubnyaʾ adya dobnamna do?” aboka heibok.

MATIUS 19:16 ပူးပေါင်းရင်းမြစ်များ

MATIUS 19:15

Dara Yesus adya mabo danyek an sikja hukuk sam alja soruka diyiboka, perobaʾ leboka onobgogowosuk dara, alda anyaganyebaʾ ara loboka yokok sam byuk.

MATIUS 19:26

Anasa Yesus adya sikenek keeboka lebokaʾ ara, ”Nimi ak dara, nera okna nong! Bok Imik Neyung ak dara, nidyaʾ ara or unuwanamso ok,” hyok.

MATIUS 19:29

Nimi nidyaʾ nasamba leboka, alja e gom, al nang yilaʾ nengmabo gom, gelewa gom, genong neyung gom, memabo gom, wa masa gom, nasamba leboka loboka nak yalalanya bera, lunuwoka dengaʾ yubaʾ dombadya anaso dobnamla. Anya hyak sidyaʾ nong ara, eimik era embengaʾ ulmoubnaʾ damoka dobnamla.

MATIUS 25:46

Dara ban malya unulumek nim era, sobaʾ oka deregoka gweknaʾ ulmoubnaʾ heik ak weknamak bok, alda Imik Neyung ak pelemak nim era, embengaʾ ulmoublemnemak heikek wekel binimak,” aboka Yesus adya wenyhusuk.

YOHANES 10:28

Nara sikenek sobaʾ ulmorulunokaʾ aboka embengaʾ unaʾ eleganesin dara, sikda hyak somoganggunumak. Nimi yok nim edya nadya soruk ak ab hyak bleboka dobnenggunusak.

YOHANES 12:25

Heknedya alja nong unaʾ ek wanaʾ nauba uldalamla dara, eimik alja nong unaʾ weiningdowanamla. Bok, heknedya meneng nong ek sokok an wanaʾ uldanggulumla dara, eimik alak bo beiyiboka pe ulmoublemnamla.

YOHANES 4:14

nadya elegeisinya mek enyek delenya bera, eimik saaboka mek ok ubnenggunumla. Bok saaboka, nadya elegeisinya mek ek dara, alja nong lomok sam ara sob-sobaʾ yabalmorulamla mek anaso dangoka, dib embengaʾ ulmoubnaʾ eleganamla,” hyok.

YOHANES 5:39

Ugunja dara, Imik Neyung yuba momnya dobokaʾ einiwoka ulumeibya adya embengaʾ unaʾ dobnemab senewoka nauba einililum. Wera, ban bukuk sam anaba nasamba geklewoka yuba lelelabok,

YOHANES 6:47

Nara ugunuk dib lebsin, dib senewoka dololenya bera, seleb dib ulmoubnaʾ ganya, alja ganya lomok ulumla,” hyok.

YOHANES 6:68

Dara, Simon Petrus bedya Yesus ak, ”Neyung o, nunda heknya ak binisibya do? Embengaʾ ulmoubnaʾ yub ara anak danyek ulumla.

RASUL 16:30

Wera Paulus Silas ak henga gereksinaʾ dubnya bedya bo goubuka, ”Neyung yab o, nara hekaʾ huboka nimi blebsinaʾ damok ara dobnamna do?” aboka molomok.

ROMA 2:7

Wera an unuwanesilaʾ ara, sik pe ganya gouluwoka perobaʾ digumaʾ ak unulumakaʾ ara, perobaʾ senenggomaʾ ak elemakaʾ hnon, si imik nenenaʾ ak hnon, giginaʾ elemak nim ek hnon somoganggunumlaʾ digumaʾ ak elemakaʾ hnon, anasa sik an nim ek ara, embengaʾ unaʾ ak eleganesil.

ROMA 5:21

Anedya, malya unaʾ ara soko me nidyaʾ ob lelewok sok, nunjaʾ Wenelesilnya Yesus Kristus pik uboka, wanaʾ uboka eleksinaʾ anaba, perob nenesin pik uboka, embengaʾ ulmoubnaʾ amba ob lelewanamla.

1 TIMOTIUS 1:16

Bok ban nak malya unaʾanya bek an ununyoknya nera, Yesus Kristus adya nim ek angoo yadyek senewoka arasinaʾ anyek aawosululaʾ aboka nak unyok. Nak dara, hyak malya unaʾ hwamnya ulusebok anasa, Imik Neyung ak dib senewoka embengaʾ unaʾ dobnemak nim enyek eiyiwoka unuwanokaʾ aboka, nak men ununyok.

1 TIMOTIUS 6:12

Anda Imik Neyung yuba donaʾ amba nimi mala yeiriwoka oldalamak sok, yeiriwoka amba unu welelom. Anda men danyek, nara yuba dib dobna aboka nimi nauba longomekaʾ gangganek ab pe laga lelumaʾ anasa, Imik Neyung adya anak youbunjokaʾ anasa, embengaʾ ulmoubnaʾ pik enyek salabmoublom.

1 TIMOTIUS 6:19

Wera sikda ban nenyek unulumeijaʾ adya, eimik danasa orowek munaʾ gobdo dobnemab senewoka sunuwoka beilimeijaʾ ara, an. Wera ban adya, sikda hyak dib embengaʾ ulmoubnaʾ ara dib dobnemak.

TITUS 1:2

Ban nunja dolomab yuba damok enyek sunuwoka, dib embengaʾ ulmoubnaʾ ara or dobnemab senewoka ella ulumab. Imik Neyung ara hyak sondaʾ lenggululanya bek adya, men youmaʾ enyek moruwoka, embeng unaʾ damoka nuk eleganesin, wenyasuk.

TITUS 3:7

Wera alja wanaʾ uboka eleksinaʾ adya, nuk perobaʾ neniyisuukanya, onoʾ nunja dib embengaʾ ulmoubnaʾ damok ara, nunja seiniwoka diri ulumabnya nenyek, dobnamak aboka blebsuk.

1 YOHANES 1:2

Ban embengaʾ unaʾ en laga dangal yabok sum era, nunda alak okoka eiyimouba. Anasa wera, nunda anasemba leboka ban embenga unaʾ anyek ugunuk lero yabalamab. Wera ban dib embengaʾ ulmoubnaʾ ara, Neyung beblaboka neikaʾ ulurekaʾ ara, alda nuk hogung ak seleb laga dangamok.

1 YOHANES 2:25

Anya wera, al ban damok enyek, Imik Neyung adyaʾ anaba orowek nuk seleb eleganesin husukaʾ ara, dib embengaʾ ulmoubnaʾ damok ak eleganesin, hyok.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

YUDAS 1:21

Ugunja Wenelesilnya Yesus Kristus adya gouluwom aboka angoo yadyek senewoka arasinaʾ anadya uboka, dib embengaʾ ulmoubnaʾ anyek, ganya weboka diri ulumunukanya, Imik Neyung adya wanaʾ ulusilaʾ lomok sam sobaʾ ulumnelum aboka, pe kemero ulululum.