MATIUS 18:31 - PERJANJIAN BARU NALCA YUBA

³¹ Wera ban nidyaʾ unuwokaʾ anyek eiyiboka, yok wa wen nim edya hyak angoo senewoka soloma dabsuukanya, soko dubnya bek unuwal aboka nekel byik.

MATIUS 18:31 ပူးပေါင်းရင်းမြစ်များ

MATIUS 14:9

Gelma enedya wenyaboka molowok yub enyek, Herodes be kebok dara, alja ganya angoo senewoka soloma dabok. Bok nimi hnoum ab laga yokaʾ nidyaʾ molowamenaʾ ara hyak eleganenggen amoknya nenesa leboka, wera Yohanes bedya huk era or dakoka bo yanok aboka orugosuk.

MATIUS 18:28

Wera ban wa wenaʾanya alda goboka yabok dara, onoʾ yok wa wenaʾanya bek alak an rupiah hnon deblomoknya bek eibuk. Wera benyek nganga weneb salawoka ol yabookanya, lebokja, Nadya rupiah deb lobnulumaʾ ara men deknenelem! hyok.

MATIUS 18:30

Bok benedya dara, anjinya nera kebnenggunenggen aboka lek hyok. Dara, alja rupiah deblomokaʾ ara, hyak nidyaʾ senenya loboka deklul aboka, bera henga gereksin ek sam doronggok.

MATIUS 18:32

Dara dubnya bedya, ban malya umoknya bek yalom aboka, Anda hyak malya unaʾ hwam wa wenya bek ululam! Anja nadya rupiah deb lobnulumaʾ ara, eimik lunuwanenggenaʾ anasa, diri ululom wenyalalumaʾ amba dara, nadya deknenggununelem hegesa.

MARKUS 3:5

Dara Yesus ara yu ganya boboka gokgoba nidyaʾ keeb ganagoka ubok bok, Parisi nanga nong anyek, hyak gasa ganya bolomekaʾ anasa, alda angoo senewoka ganya sugumok. Dara Yesus adya soruka somogomoknya bek lebokaʾ ara, ”Anja soruka nginigalom,” hyok. Wera bera, soruka nginigok dara, al wene salek enyek merewok.

LUKAS 14:21

Wera oruknaʾanya bera alja neyung bek nidyaʾ nang wenhyak aro yok. Dara aljaʾ neyung bedya hyak yu ganya boboka, oruknaʾanya bek lebokaʾ ara, Anda hyak berra aboka pik gwandanyaʾ pik, nauba heik erem pik biniboka, bonaʾ garan nang eb, yana soruka mum delelanya neb, nong heiboka henga luma yalamla nang enyek e yanasilim, hyok.

LUKAS 19:41

Yesus ara Yerusalem heikek lanal binibmookanya, heik era oka danggiga balamok dara, kemelemookanya, alda engenaʾ sala bukok.

ROMA 12:15

Eiya ganya bolomeija nang eb dara, neikaʾ eiya hlalalulum, bok engelemeija nang eb dara, neikaʾ engelelulum!

2 KORINTUS 11:21

Bok nuk dara, unurubnya nek ara, hmeng so uboka unuwanggumsaʾ adya, alya ulunel. Bok, yok nim edya yokaʾ ak nonggo heneseng dara, nababya or asaʾ ganya boboka unuwanasinya! (Nara dongdang anaʾ anya beneso bok lebna.)

IBRANI 13:17

Dara ugunjaʾ dub nang era, ugunuk bo un nang nenebdangoka, sikda ugunjaʾ ganya nong anyek, Imik Neyung kemelesil senewoka, pe keeboka bo ulusakaʾ anasa, ugunda sikenek pe keboka ganya imik doro dillilisululum. Wera ugunda sikenek igina nenewanalum dara, ugunuk perob damok lanawanggunumla anasa, sikda eiya daboka welesinokaʾ aboka, ugunda sikenek pe keboka unulululum.

IBRANI 13:3

Wera yok igina dolomak nim ulumak sok, ambabya sikeneblaboka neikaʾ ulumnaʾ anasoʾ ganya enyek boboka, anda sikenek beklesilom. Anya, sik yok nim edya malya nenelesak nim ek, anda sikeneblaboka neikaʾ unulusinaʾ anasoʾ ganya enyek boboka, anda sikenek beklesilom.