MATIUS 18:10 - PERJANJIAN BARU NALCA YUBA

¹⁰ ”Ban unurub mekmab enyek, malye dolbalek senewoka unaʾ ara hyak mem nong! Anasa ugunda banyek beknelum, sikja lero era nadyaʾ neyung be imik heikek ululanya bedya aljaʾ saramek sam sobaʾ ulumak.

MATIUS 18:10 ပူးပေါင်းရင်းမြစ်များ

MATIUS 1:20

Yusuf bera wen senewoka anam unu seinibgiga balamok salek, alda lendara mabok. Wera lendara pik uboka, Imik Neyung lero adya alak, ”Anda Yusuf Daud nang yilaʾanya o, Maria gedyaʾ mon lomok sam mamla me nera Imik Neyung Geisinya adya me bomlaʾ anasa, dobdanarumaʾ ak, lok ganya bonggom, mem.

MATIUS 12:20

Gokoka eleklamla leiya eneba leboka dobnenggunumla, dara saranggonunaʾ aboka delemlya uk eneba sarangganggunumla. Bok, jong uboka pe ununaʾ anyek oblamaganggunumla salek era, alda anaso ulumnamla.

MATIUS 18:14

Anasonya neikek, nadya neyung be imik heikek ululanya bedya dara, nimi nidyaʾ nak an wenyek dib senelenyak nim era mek nim bok, hnon weiningdeijek senelamla,” hyok.

MATIUS 18:6

”Heknedya ban unurub so mekmab enyek, Yesus ak dib seneweijek senewoka pika garawoka malya nenelamla dara, unululanya bera, dabom girik adya aljaʾ ngang ak geregoka senenggom mek gwanek sam dal biniseng dara, perob so.

MATIUS 2:13

Guraʾ kemero yeilimek nang era, sikja mok seleb lanawoka balamek dara, Imik Neyung lero ara Yusuf bek lendar dib yeiniboka, ”Herodes dubnya bera me nenyek obnunaʾ aboka elemnamla anasa, anda bukoka me ab eilinggeb doboka bobmenekanya, Mesir sokok sam berra bo bilom. Wera anyagono ulumunaʾ ara, nadya anak wera or yoululum henya dara, yanalum,” hyok.

MATIUS 2:19

Yusuf bera anam Mesir sokok ulumok salek enyek, Herodes bera seleb somogok dara, Wenelesilnya bedya lero era Yusuf bek lendar dib yok.

MATIUS 24:31

Dara nimi dibaʾ me nedya alja lero bedya poo anaʾ benggong yuba edya senenggomaʾ lebnamla dara, nim Imik Neyung mab ulumak nim era, im gokgoba nidyaʾ eboka bob mamaganalum aboka oruganesil,” hyok.

LUKAS 1:19

Dara onoʾ on lero enedya Zakharia bek, ”Na anera Gabriel, Imik Neyung al dam uboka aranaʾanya ulumna. Dara Imik Neyung adya Zakharia bek wenyal bilom aboka bokdo dorogonelaʾ ak, ban perob yub enera wenyal yeilinggen.

LUKAS 10:16

Anya Yesus ara alja yuba doro diriga ban nang ek, ”Nim ugunja yuba kelesak nim era, sikda nadya yub ek kelenyak. Alda ugunuk lek alasak nim era, sikda nak lek alanyak. Anya wera, nak lek alanyak nim era, sikda nadyaʾ neyung be na bokol yeilinyoknya bek, lek alamak,” hyok.

LUKAS 16:22

”Yok eimik sum enyek, bonaʾ garanya bera somogok dara, lero nang edya bobmekja, imik heikek Abraham bedyaʾ eibukuk sam bo beil byik. Dubnya beneba somogok dara, alda soko lokek.

RASUL 10:3

Dara yok sum enyek, hyak yubyek henga dalnenelamla wenyek, yok so ak amamookanya, Imik Neyung lero ara Kornelius bek yeiniboka alak, ”Kornelius o, Kornelius o,” aboka youblumok ak okoka kebok.

RASUL 12:15

Dara, longowoka heng uboka lelemek nang edya, Rode gek, ”Anda serema salenggel gom?” aboka lemek. Bok Rode gedya, hyak dukaʾ lolom-lolom aboka, ”Nara Petrus bedya yuba okoka kemna,” aboka lelemok. Dara onoʾ longomek nang edya, ”Nera Petrus bedya alja ganya yamaʾ ak lemla,” alamek.

RASUL 12:23

Dara, wene salek enyek, Herodes bera Imik Neyung si ak imik nenewoka gibnenggulumokjok anasa leboka, Wenelesilnya bedya lero adya Herodes bek obok dara, Herodes bera besa adya delemeekanya somogok.

RASUL 27:23

Anasa wera ousa inimnek enyek, nadya giblamna Imik Neyung alja lero edya nak yeiniboka lenelja,

RASUL 5:19

Bok, inimnek enyek, Wenelesilnya bedya lero edya yeiniboka, henga gereksin e pik sereknaʾ nidyaʾ bakoka, yuba len nang nidyaʾ eboka beiyek bo yibilisuukanya, sikenek lebsuk ara,

ROMA 14:10

Bok anak dara, anda hekaʾ amba anjaʾ hem bek yana lelelelam do? Anya anda hekasa anjaʾ hem bek waboka derelelam do? Unululam bok, nunda nidyaʾ ara Imik Neyung adya pe yana lelewoka ubnesil ekla berem neikaʾ bo beildal binimab.

ROMA 14:21

Anasa pam soub gom, anggur mek gom, or yokaʾ anyek, anjaʾ hem bek ouluk diknaʾ girik danemlya ara anda denaʾ lobnesom dara, hyak perob.

ROMA 15:1

Nunda migib ulumab nim era sik hmeng ulumak nim ek sikja hmeng enyek nunja dob salalemnemabakanya, nunja perob senelemabnya nok ganya dobom-dobom yok-yok enaʾ mem.

1 KORINTUS 11:22

Ban unululumaʾ ara hekasa unululum do? Ugunja gwaneng den damba meka den damba, e dibaʾ unggulusil de? Meka deregoka ululum de? Goma, ugunda Imik Neyung yuba donaʾ nim ek malya nenewoka, bonaʾ garan ulumak nim ek alya nenewanobaʾ aboka, sene ululum de? Ban unululumnya nenesa, nara hekaʾ ak ugunuk lebnesin do? Ban nenyek sikda pelemak aboka ugunuk gigiwanasisinya de? Hyak orok. Nadya dara, ugunuk hyak gibnenggunusisinya.

1 KORINTUS 16:11

Ugunja dara, Timotius bek ara, alda meksonya senenaʾ ara hyak mem. Nara Timotius beb yok yuba len nang eb yanamakaʾ anyaʾ senewoka diri ulusinaʾ anasa, ugunja pe arawoka ubmunaʾ adya, alda men pe nak yoululul.

1 KORINTUS 9:22

Dara, onoʾ yuba doboka ganya kanaʾ orok nimi sik gangganek anaba, na ulumna dara, nara yuba doboka ganya kabnenggunanya benesoʾ ak ulumna. Nera sik nong anyek, Kristus ak sam doboka bo younunaʾ aboka, sene uro yabalamna. Anasa al ban nadya nidyaʾ unulunanya dara, yokaʾ-yokaʾ nidyaʾ unulamnya pik anyeb uboka, sik nong anyek, Kristus ak hnon bleboka bo yousununaʾ aboka, nidyaʾ ara uro yabalamna.

2 KORINTUS 10:1

Wera na, Paulus bedya ugunuk yokaʾ unuwanalum gom aboka lebnamna. Ugunub neikaʾ ok ubna dara, namenaʾ ulumna bok, naba yok mok sam ubna dara, asaʾ ganya boboka wenyalasil alanyak. Hnon yok nim era, sokok an ununaʾ enyek perob senelemak nim era nuk wensenelesak. Anasa, ban nim enyek asaʾ ganya boboka alamaʾ lebnesin bok, nara ugunuk yanya danyek, anaso wenyhesinyek aboka, wenyok nara Kristus adya namen ganya pik uboka lelesin.

2 KORINTUS 10:10

Nim adya ok dara, Paulus bedya momnya doboka beillilesil yub era, pe gasaʾ migib nongaʾ lelemla. Bok al nong anyek, oka nu gangganek ulumla dara, alda hmeng so ulumlakanya, alja yub era, dolbalek so dangalamla, alanyak.

GALATIA 6:1

Hemyabo nang o! Ugun gangganek ara, ben hnon meknemlaʾ ak eibmun dara, ugun Imik Neyung berem ululum nang edya, pe ganya namenaʾ anyek, bera perob pik doro dibnelum. Unuwanalum bok, ugunuk hnon sikbabya malya ubnok senewoka sunuweisilyek anasa, ugumba diri uldalalulum.

1 TESALONIKA 4:8

Anasa, ben hnon ara ban yuba blekoka lolomla dara, nimi yub ak gom, alja Geisinya eleklesil Imik Neyung bedya yub ak blekoka lolomla.

1 TIMOTIUS 4:12

Anda goubenya ululamaʾ anasa, yok nim edya anak, alda mek goubenenya benyaʾ seneweigijek. Bok alda saawoka, Imik Neyung mab adya anja unulumennya nenyek diliwagenokaʾ aboka, anja yuba sanaʾ maka hnon, anja ununaʾ hnon, nim ek wanaʾ unaʾ hnon, ganya geisa uboka Yesus Kristus ak dib senen ganya hnon boboka bojam ululom.

IBRANI 1:14

Wera anaso dara, lero nang era, dib nongaʾ ara hek nang ek ulumak do? Lero nang ek dara, sikda Imik Neyung bedya wa welemak nang ek uboka, nim Imik Neyung adya blebnamla nim ek ganya arasinaʾ amba ulumak nang ek ulumak.

IBRANI 9:24

Anasa Kristus ara, nim adya munaʾ solomekaʾ dibaʾ imik heikek ulumoknya sununaʾ amba solomeknya nek weknenggubuk bok, alda imik heikek Imik Neyung ak nuk pen danasa, wekel byuk.

WAHYU 8:2

Dara sekbadya lero nang Imik Neyung saramek seklemek nang ek, poo anaʾ benggonga sekbadya elegosukaʾ ak eibsa.