MATIUS 17:5 - PERJANJIAN BARU NALCA YUBA

⁵ Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

MATIUS 17:5 ပူးပေါင်းရင်းမြစ်များ

MATIUS 12:18

Momnya dobokaʾ ara, ”Nadya weboka doboka bokol bilimsa me nera an. Nadya alak wanaʾ ulumnakanya, alja nadya ganya hekel eleklenel. Nadyaʾ ganya era alak gologanamlakanya, jong unaʾ damok ara, alja yok-yok mok soko nim ek lero binimla.

MATIUS 17:6

Wera Yesus adya yuba doro diriga ban nang era, Imik Neyung adya Yesus ak wenyal yabok yub enyek kel yabeekanya, hyak loka daboka sik nonga gololong aboka sokok sam malyinggyik.

MATIUS 3:17

Anya imik sam ab yub adya Yesus anasa, ”Nadyaʾ wanaʾ me nera ban e, alja nadya ganya hekellilinel,” hyok.

MARKUS 1:11

Danyek, imik heik ab yub era, ”Anak danyek nadyaʾ wanaʾ nong me ululam. An nong adya nadya ganya heklenel,” hyok.

MARKUS 9:7

Wera debaʾ yalamokaʾ ara siklewosuukanya, ana lomok anyeb, yuba hnon sal yabokaʾ kebekaʾ ara, ”Nadyaʾ wanaʾ nong ulumna me nera ban. Alak pe kelelulum!” hyok.

LUKAS 3:22

Dara, Imik Neyung Geisinya ara yalma wining uruma anasoʾ anyek, lak-lak aboka, Yesus eilib ak bul yinggyuk. Anya, imik ab yuba hnon kebekaʾ ara, ”Anda nadya hyak wanaʾ nong ulunggen me, an nong adya nadya ganya heklenel,” hyok.

YOHANES 3:16

”Al Imik Neyung adya nimi soko nim ek, hyak wanaʾ ulusuukanya, alja me hyak hnonok bok, nimi soko nim amba bokol yeilisuk. Nimi nidyaʾ hnonok-hnonok alak dib senewoka dobnamak dara, somoganggunumak bok, embengaʾ unaʾ dibaʾ dorowanamak aboka, alja me bokol yeilisuk.

YOHANES 3:35

Imik Neyung adya alja me nek nauba wanaʾ uboka, yokaʾ-yokaʾ nidyaʾ ara, al adya salawolulaʾ aboka elemok.

YOHANES 5:37

Imik Neyung be na bokol yeilinyoknya beneba, alda nasamba geklewoka yuba lelemla. Bok, ugunda alja yuba kenggululumukanya, onoʾ alja nong hogung eneba mekaʾ eilinggululum.

RASUL 1:9

Yesus ara ban seleb wenyaboka lebgogomok dara, onoʾ alda sikja hogunguk ak sam uboka, henga kemelemek bok, imik heikek welok dara, kemelemekaʾ gangganek debaʾ adya sereklemok.

RASUL 7:37

Dara al neik Musa bedya, Israeli nim ek, Ugun gangganek ab nak gaboka donyok sok, eimik ununumnaʾ lenya be hnon doboka sekiyiwanamla, amoknya bera alan.

EPESUS 1:6

Aljaʾ wanaʾ nong ulumok me Kristus pik uboka, nuk aljaʾ senenggomaʾ wanaʾ uboka elegousukaʾ anasa, Imik Neyung imik ululanya bek giblenob.

KOLOSE 1:13

Anya, alja nunda gunaʾ migib ak ab seleb lobsuukanya, nunda alja wanaʾ ulumla me nedya heikek doro dibsuk.

IBRANI 5:9

Dara Yesus ara, munaʾ gobdo pe meebdakok dara, nimi nidyaʾ alak pe keboka unulumak nim emba, dibaʾ blebsinaʾ gaknya dok.

WAHYU 1:7

Wera, Yesus ara debaʾ hnoumung sam uboka yalamlyeʾ anyek kendululum e! Nimi nidyaʾ soko nim eibnemak dara, onoʾ alak gamaʾ adya gondowoka orob nim eneba eibnemak. Dara, nimi mok soko yok-yok nidyaʾ ara, alak eiyiwoka nauba engenaʾ salawanamak. Anasa aldib nera hyak dib unuwanamla! Amin!

WAHYU 14:14

Nen seleb dara, hyak geisa nong debaʾ enyek laga dokaʾ ak, nara hnon eibsa. Dara, ban debaʾ en dubuk ara, nim anasoʾ ak, be hnon bulumok. Wera alja hukuk ara, dub nang edya huk goulunaʾ emas adyok mememekaʾ ak goulumookanya, aljaʾ sorukuk ara, holaʾ hlen parang hyak hleb aleng-aleng arobaʾ ak salamok.