MATIUS 17:3 - PERJANJIAN BARU NALCA YUBA

³ Wera unumok sab-sab, Musa beb Elia beb laga dangarek dara, Yesus ab, sikda penya nang eb neikaʾ yuba salamek.

MATIUS 17:3 ပူးပေါင်းရင်းမြစ်များ

MATIUS 17:2

Anyaganyeb dara, Yesus ara sikja kemenaʾ edya dara, yokaʾ dok. Alja hogung era heng senedyaʾ anaso uboka, alja ongomok akleng era dilinaʾ anasoʾ ok dangamok.

MATIUS 17:4

Dara, Petrus bedya Yesus ak, ”Wenelesilimnya o, nunda anyagan ulumabaʾ ara hyak perob nongaʾ ak ulumab. Wera anda or perob senemen dara, nara anyagan lubna e winilya sobnamna, hnonda ansamba, hnonda Musa bemba, onoʾ hnonda Elia bemba,” hyok.

MARKUS 9:4

Wera sikja kemelemek enyek, Elia beb, Musa beb, laga neneb dangoka, sikda Yesus ab neikaʾ yuba saldalamek.

LUKAS 1:17

Anya alda Wenelesilnya bek ab dara, alak men yuba lero bokol yangganya danamla. Dara alda Elia be ulumok sok, eili bera alaʾ me ak ganya dangawoka, ganya malya nim era pelemak nimi ganya ak dangawoka unuwanokaʾ aboka, hyak migibnya senenggomnya ulumnamla. Ban unuwanamlaʾ adya, Wenelesilnya bemba nimi nauba orowek meewoka beibnamla,” hyok.

LUKAS 16:16

Musa bedya pe ulumnelum aboka unuwanalum an yuba elegesukaʾ ab, ununumnaʾ lelemek nang edya elegesik yub era, or lelemekaʾ ara, Yohanes Pembaptis be ulumok salek sidyaʾ ubdakok. Ban lebna salek ebaʾ moruwoka, Imik Neyung ara dubnya uboka wenelemnesil aro perob lero yanggan yub era, sobaʾ leldibilloklomak. Dara nim ara, Imik Neyung adya wenelemnesilaʾ ak weknob senewoka nauba dulumak.

LUKAS 24:27

Dara onoʾ Yesus adya sikenek sam, men danyek Musa bedya hnon, nidyaʾ ununumnaʾ len nang edya alsamba leboka momnya dorob yub enyek lelewoka neksuk.

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.

LUKAS 9:33

Wera penya nang dara, Yesus ak loboka sikda barek dara, Petrus bedya Yesus ak, ”Neklesilimnya o, nunda anyagan ulumabaʾ ara hyak pemab. Nunda anyagan ara lubna e winilya, hnonda neyung ansamba, hnonda Musa bemba, hnonnya nera Eli bemba sobnemab,” hyok. (Petrus bera ban wenhyoknya nera alja lelemokaʾ ara damok ara anyek lebnamnaʾ elgom bok salyaʾ lebok.)

YOHANES 1:17

Imik Neyung adya unuwanalum an yub ara Musa bedya elegesuk bok, wanaʾ uboka eleksinaʾ hnon, dib yub damoka hnon dara, Yesus Kristus adya bo yeilisuk.