MATIUS 17:22 - PERJANJIAN BARU NALCA YUBA

²² Wera Yesus adya yuba doro diriga ban nang era, sikda Galilea moka ulumek sum enyek, Yesus adya sikenek, ”Nimi dibaʾ me doboka nimi soruk ak eleganamak sum era, wera mabdabnenggunumla.

MATIUS 17:22 ပူးပေါင်းရင်းမြစ်များ

MATIUS 16:21

Ban sum enyek moruwoka, Yesus ara alja yuba doro diriga ban nang ek, nara Yerusalem heikek binimnekanya, Yahudi dub nang eb, Imik Neyung yuba wa gakaʾ dub nang eb, yuba neksin nang edya nauba igin kweiyiwoka, oboka dibnenyak dara, winilinya sum era, embengaʾ suboka buknamna aboka laga poboka leb einiwousuk.

MATIUS 16:28

Ugunuk hyak dib lebsinaʾ anyek ella danalum: Ugun an ublum nim enera, nimi dibaʾ me yeiniboka, wenelemnesilaʾ ara eibnenggumun salek somoganggunulum nimi hnon ululum,” hyok.

MATIUS 17:12

Bok, nara ugunuk dib lebsin, Elia bera seleb yok bok, nim adya alak elgom ulumek, anya alak obneboka, sikja dara sangaʾ geblemek. Anasonya neikek, nimi dibaʾ me nek anaba unuwanamak,” hyok.

MATIUS 17:23

Alda oboka dibnemak bok, winilinya sum era, onsok embengaʾ suboka buknamla,” hyok. Danyek alja yuba doro diriga ban nang era, ganya suguwoka, engenaʾ ganya beibsuk.

MATIUS 17:9

Wera sikda meinik abaʾ ara yanggek dara, Yesus adya sikenek, ”Nimi dibaʾ me nera somoknaʾ damokok anam suboka bukiyiwanggulyebok dara, men ugunja eiyilumaʾ ara, yok nim ek salyaʾ nekdo yabanaʾ ara mem,” aboka wenewosuk.

MATIUS 24:10

Dara ban salek era, nimi nauba yuba domeija bok dib senenaʾ ara dengaboka, waboka malya nenebdangoka obnelum aboka yuba dibdangdo yibinemak.

MATIUS 26:16

Dara ban sum enyek moruwoka, Yudas bera hek sum ek Yesus ara or obnemak aboka yuba dil binimna senewoka pik elemok.

MATIUS 26:46

Wera, binimabaʾ anasa, buklulum. Nak oblulum aboka yuba dil bilinelnya bera, seleb oka yanggalaʾ anyek, kendululum,” hyok.

MARKUS 8:31

Nen seleb dara, Yesus ara alja yuba doro diriga ban nang ek, ”Nimi dibaʾ me nera hyak nauba oka deregoka gweknamla. Anya Yahudi dub nang eb, yuba wa gakaʾ dub nang eb, yuba neksin nang eb dadya, alak malya gebija dara, dibaʾ obnemak, bok winilinya sum era embengaʾ suboka buknamla,” aboka neksuk.

LUKAS 24:26

Kristus, nimi blebsinaʾ dubnya bera, men dara, hyak nauba igina kweboka gweknamlakanya, eimik era alda imik senenggomnya dubnya nenewanamla henggubuk de?” hyok.

LUKAS 24:46

Onoʾ hnon Yesus adya sikenek, ”Imik Neyung yuba bukuk lomok sam ara lero momnya dobokja, Kristus, nimi blebsinaʾ dubnya bera nauba igina kweboka gweknamlakanya, winilinya sum era somoklomakaʾ ak ab onsok embengaʾ suboka buknamla.

LUKAS 9:22

Anya Yesus ara lebokja, ”Nimi dibaʾ me ara, nauba gweknamlaʾ ara, Yahudi dub nang eb, Imik Neyung yuba wa gakaʾ dub nang eb, yuba neksin nang eb dadya, malya nenewanamak. Alda hyakaʾ obnemak bok, winilinya sum yenewalya dara, onoʾ embengaʾ subnamla,” hyok.

LUKAS 9:43

Nimi nidyaʾ ara, Imik Neyung adya senenggom migib unulamlaʾ anyek eiyimek dara, hyak lok ganya bomek. Nimi nauba ara, Yesus adya lok so unulumokaʾ anyek eiyiboka, anam lok ganya boboka ulumek salek, Yesus adya alja yuba doro diriga ban nang ek lebokaʾ ara,

RASUL 7:52

Ununumnaʾ dib Imik Neyung yuba lelemek nang nidyaʾ ugunja neyung yabo edya olomek. Imik Neyung me pelelanya bera eimik yanamla aboka, men yub lero yalamek nang anaba olomek. Bok wenera, Imik Neyung bedya jong ganya ulumla me nek ugunja yuba sonda adya miniwoka oblum.

1 KORINTUS 11:23

Nadya ugunuk nekesisaʾ ara, nara Wenelesilnya bek ab domsaʾ ak nekesisaʾ ara an. Nunja Wenelesilnya Yesus bek obnemab aboka, yuba dil bilimok sum enyek, inimnek enyek, Yesus ara gwanenga dobok dara,