MATIUS 16:28 - PERJANJIAN BARU NALCA YUBA

²⁸ Ugunuk hyak dib lebsinaʾ anyek ella danalum: Ugun an ublum nim enera, nimi dibaʾ me yeiniboka, wenelemnesilaʾ ara eibnenggumun salek somoganggunulum nimi hnon ululum,” hyok.

MATIUS 16:28 ပူးပေါင်းရင်းမြစ်များ

MATIUS 10:23

Ugunda yok heikek ab, yana lelewoka obnesak dara, men yok heikek berra binilum. Nara ugunda ban dib lebnesin, Ugunda Israeli nim ulumak heikek nidyaʾ ara, anam kemero yibinggumun salek, nimi dibaʾ me nera men yanamla.”

MATIUS 16:13

Yesus ara Kaisarea Pilipi heikek sokok sam byuk. Anyaganyeb dara, Yesus ara alja yuba doro diriga ban nang ek lebsukaʾ ara, ”Nimi yok nim edya dara, nimi dibaʾ me nera heknya alamak do?” aboka heibsuk.

MATIUS 24:3

Wera Yesus ara Zaitun meinik biniboka bulumok dara, alja yuba doro diriga ban nang era alab neikaʾ sikbeyokaʾ yuba sabnobaʾ aboka yek. Dara sikda alak, ”Neyung o, nidyaʾ ban lelelamnya nera hek sum ek unuwanamlaʾ ak aboka neksilom,” hyek. Anya, ”Neyung, an yanalamaʾ beknaʾ dibaʾ ab, sidyaʾ daknamlaʾ beknaʾ ab dara, hek lok so beknaʾ ak lanawanamla do?” hyek.

MATIUS 24:34

Ban wen an likoka ulumak nim enera, nidyaʾ anam dengaboka somoganggumeija bok, unuwanamlaʾ nidyaʾ ara lanawanamlaʾ anyek, an wenyhenaʾ anyek, ugunda ella ulumnalum!

MATIUS 24:42

Wenelesilnya be yanggan sum era, ugunda elgom ululumaʾ anasa, hyak pe keeboka diri ulululum.

MATIUS 26:64

Anasa Yesus adya sikenek, ”Ugunja yub edya alan seleb wenyhelum an. Nara ugunuk dib lebnesin, Ban sum enyek moruwoka, nimi dibaʾ me nera Imik Neyung migibnya bedyaʾ sirikek sam bukla, anya alda imik sam debaʾ hnoum pik yanamla ak, eibnelum!” hyok.

MATIUS 8:20

Wenyek Yesus adya dara, ”Bei gam ara selengaʾ e ulumlakanya, wining ara eʾ ululabok, nimi dibaʾ me ak dara, huka beilinaʾ amba ekla hnon unggulumla,” hyok.

MARKUS 13:26

Ban ane sum enyek, nimi dibaʾ me nera im pik ubok, aljaʾ senenggom migib senedyaʾ gebman si imik nenenaʾ ab, yanggalyaʾ ak eibnemak.

MARKUS 8:38

Yu hwam uboka malya unaʾ lomok an unulumak salek wen, na nong ab, nadya neklesin yub eb danyek, ugunda alya amba nim ak laga lel eleknenggulumun dara, alda alja neyung bedya nong unaʾ lomok senenggomaʾ ab, geisa ulumak lero nang eblaboka yanamla sum era, sik hogung ak nimi dibaʾ me ara naba alya anasa, albabya lobnamla,” hyok.

MARKUS 9:1

Dara onoʾ Yesus adya hnon sikenek, ”Nara ugunuk dib lebsin! Ugun anyagan weklum nang era, Imik Neyung adya wenelemnesilnya nera, hnon anam somoganggumun bok, eibnelum nang ek hnon seklum,” hyok.

LUKAS 18:8

Imik Neyung ara sikenek mala doboka arawanasilaʾ anyek ugunda dib senewanalum! Bok nimi dibaʾ me yanggalya sum era, alak dib senemeija nim era, anyagan sokok anam ulumeijaʾ ak eibnesil gom, orok gom,” hyok.

LUKAS 2:26

Dara alda Imik Neyung Geisinya adya orowek alak men, anda Imik Neyung adya nimi blebsinaʾ dubnya, Wenelesilnya bedya sekiyiwoknya Mesias benyek, anam eibnenggumem bok dara, anda men somoganggunulam.

LUKAS 9:27

Nara ugunuk lebnesin, Ugun ban ublum nang enera, hnonda Imik Neyung adya wenelemnesilaʾ eibnenggumeija bok dara, somoganggunulum nanga hnon ululum,” hyok.

YOHANES 21:22

Dara, Yesus adya Petrus bek, ”Nadya alda or embengaʾ ululul senemnya dara, alda or moruwoka ulumlyaʾ ara na eimik yanamna. Anasa nera, anjinya gomaʾ, loblom. Bok, anda nak diriga yalanelom,” hyok.

YOHANES 8:51

Nara ugunuk dib lebsin, nadya yub ek dib senewoka unululanya bera, alda somoknaʾ hyak loboka ulmoublumnamla,” hyok.

YOHANES 8:52

Dara Yahudi nang edya, ”Nunjaʾ neyung Abraham beb, yok-yok senenggom ununumnaʾ lelemek nang enebabya, seleb somogek bok anasa, anja dara, nadya yub ek dib senewoka unululanya bera hyak dib somoganggunumla alamaʾ adya, wera aldib anda bisaʾ gologonjoknya ululamaʾ ella ulunjab.

RASUL 1:11

Dara sik penya nang edya, Yesus alak diriga ban nang ek, ”Wei, ugunda Galilea nang o, ugunda hekasa anyagan ok sekoka imik sam kemelelum do? Yesus imik welemla eiblum sok, onoʾ eimik era hyak onnya benyek neikso unuwoka yanamlaʾ ak eibnelum,” arek.

1 KORINTUS 15:23

Bok, nimi nidyaʾ munaʾ gobdo yok-yok elaʾ gigiro embengaʾ suboka bukiyiwanasil. Kristus ak men embengaʾ suboka bukiyibok. Dara, onoʾ eimik al Kristus yanggalya sum era, alja ak ulumak nim era, embengaʾ suboka bukiyiwanasil.

1 TESALONIKA 1:10

Dara onoʾ al ugunsamba yok nim edya dara, imik ululanya Imik Neyung bedya, nera Yesus anyek, Imik Neyung adya nimi somoknaʾ ak ab embengaʾ suboka bukiyiwoknya benyek, al yanamlaʾ amba leboka, ugunja ganya nebom aboka diri ululumnya nenesa unulumak aboka neklesak. Dara ban Yesus anedya, Imik Neyung adya yu ganya boboka obnesilaʾ ak ab nunda blebnesil.

IBRANI 2:9

Bok Yesus ara, seʾ salek amba mek sokok so geboka, lero ara imik geboka, Imik Neyung adya wanaʾ uboka eleksinaʾ adya, nimi nidyaʾ amba somogousululaʾ aboka umok bok, wera alda somogousukaʾ adya, alak si imik nenenaʾ ab, giginaʾ ab gouluwokaʾ ara nunda eillilemab.

YAKOBUS 5:7

Wera anasa, nadyaʾ hemyab o, ugunda ganya siklewoka ulumunaʾ moruwoka Imik Neyung yanamla. Nimi wa weboka melelanya bera, wa weboka meb lomnaʾ ara moka yeiniboka nong ubna dara doboka delemlaʾ amba diri ulumlaʾ anyek, ugunda sunuwoka kendululum. Dara bera alda siklewoka ulumnaʾ ara, esaʾ uruklamla salek hnon, nong ulumna salek hnon diri ulumla.

2 PETRUS 1:16

Nunjaʾ Wenelesilnya Yesus Kristus migibaʾ eimik yanamla aboka neklesubaʾ anyek, nim adya geremseng adya, meka lelewoka salamak yub ek neknenggusuba. Kristus anyek Imik Neyung adya imik nenewokaʾ ara, nu nong adya ok ab okoka eibuba.

1 YOHANES 2:28

Najabo yab o! Anasa wera, ugunda Kristus ab neikaʾ sobaʾ kwebdangoka ulululum. Anadya wera, asaʾ ganya boboka al yalyaʾ ak binobaʾ aboka, alya anasa lomok doknoweibyek aboka pe keeboka ulululum.