MATIUS 16:20 - PERJANJIAN BARU NALCA YUBA

²⁰ Seleb wenyabgogowok dara, Yesus ara onoʾ alja yuba doro diriga ban nang ek, benera Kristus, nimi blebsinaʾ dubnya benyaʾ aboka, nimi ben hnonok sibin anaba nekdo yabanaʾ ara, mem aboka wenewosuk.

MATIUS 16:20 ပူးပေါင်းရင်းမြစ်များ

MATIUS 1:16

Yakub bedya me nera Yusuf. Dara, Yusuf bedya gel gera Maria. Anya ban Maria gedya danyek, Yesus ara beibuk. Yesus ara onoʾ Kristus aboka si silimek.

MATIUS 16:16

Dara Simon Petrus bedya, ”Neyung, anda Kristus, nimi blebsinaʾ dubnya ululam. Anda Imik Neyung embengaʾ ululanya bedya me ululam,” hyok.

MATIUS 17:9

Wera sikda meinik abaʾ ara yanggek dara, Yesus adya sikenek, ”Nimi dibaʾ me nera somoknaʾ damokok anam suboka bukiyiwanggulyebok dara, men ugunja eiyilumaʾ ara, yok nim ek salyaʾ nekdo yabanaʾ ara mem,” aboka wenewosuk.

MATIUS 8:4

Dara onoʾ Yesus adya benyek an, ”Wei, neyung o! Yok nim ek nara unuwanel aboka nekdo yabanaʾ ara mem. Bok alda Imik Neyung yuba lenaʾ gaknya bek amal dal bilom. Anya, anda aldib merewalamaʾ amba dara, Musa bedya unulululum aboka momnya dobok sok sunuwoka, Imik Neyung amba giboka elegel binilam,” hyok.

MARKUS 8:30

Dara Yesus adya sikenek, ”Alda benyaʾ aboka, yok nang ek neknaʾ ara mem,” aboka yuba sekok.

MARKUS 9:9

Wera sikda mok soko meinik abaʾ ara yanggek ek ab dara, Yesus adya sikenek lebsukaʾ ara, ”Nimi dibaʾ me nera somoknaʾ ak ab anam suboka embengaʾ bukiyiwanggumlya salek era, ugunja ban eiblumaʾ ara, anasoʾ ak eibab aboka, nimi yok nang ek salyaʾ nekdo yabanaʾ ara hyak mem,” hyok.

LUKAS 2:11

Sumen era ugunsamba, nimi blebsinaʾ dubnya, Wenelesilnya Kristus benyek, Daud bedya heikek beibla.

LUKAS 9:21

Dara Yesus adya alja yuba doro diriga ban nang ek lebsukaʾ ara, ”Ban yub era yok nim ek salyaʾ nekdo banaʾ ara mem,” husuk.

LUKAS 9:36

Wera yub era seleb saro dakdowok dara, sikja dara, anyagan ara Yesus ok albeyok ulumokaʾ ak eiyimek. Yesus aljaʾ winilya yuba lenaʾ gak nang era, sikda yuba sanaʾ loboka, gelegemek, dara onoʾ ban salek enyek, sikja eiyimekaʾ ara, yok nim ek unu eiyimab aboka, nekdo yibinggumek.

YOHANES 1:41

Alda men unumokaʾ ara, alja dong Simon be eboka alak wenhyok, ”Nunda Mesias seleb eiyimab,” hyok. (Kristus anasa lebok).

YOHANES 1:45

Pilipus bedya Natanael be eiyiboka alak, ”Musa bedya unuwanalum an yub sam alak weboknya bera, ununumnaʾ lelemek nang alak wemeknya bera, eiyimab. Nazaret heik nang Yusuf bedya me Yesus alak eiyimab,” hyok.

YOHANES 11:27

Dara, Marta gedya Yesus ak, ”Wenelesilimnya o, nera nara dib senelamna. Anda aldib Imik Neyung bedya me ululamakanya, nimi blebsinaʾ dubnya Kristus eimik sokok yanamla wenyameknya bera alan dib nong ululam,” hyok.

YOHANES 20:31

Bok, ban nidyaʾ anyagan momnya dorobnya nera, ugunja Yesus ara aldib Kristus nimi blebsinaʾ dubnya uboka, Imik Neyung me dibaʾ senewoka seiniwolulumaʾ aboka, dara alak dib senelemunaʾ adya, alja si nenesa leboka, ugunda embengaʾ unaʾ dibaʾ dobnelum aboka, ban yub era momnya dorob.

RASUL 2:36

Anasa wera, Yesus ugunja oboka gal ak glablumnya bera, aldib Imik Neyung adya or ban Yesus anyek, nimi wenesinaʾ ab blebsinaʾ ab, dubnya Kristus jaboka sekiyimok, ara Israeli nimi nidyaʾ pe ella danasom,” hyok.

1 YOHANES 2:22

Sondaʾ lelelanya bek dara, Yesus ara Imik Neyung adya soko nimi blebsinaʾ dubnya anggulumla, alalanya bera sondaʾ lelelanya bera an. Ban wenyalalanya bera, Kristus bedya isaʾ anya ulumlakanya, Neyung beb alja me neb dak, bol nenelamla.

1 YOHANES 5:1

Yesus ara Imik Neyung adya sokok blebsinaʾ dubnya Kristus aboka lesuk aboka dib senelelanya bera, alda aldib Imik Neyung alja me ulumla. Nimi hnon ben hnon ak wanaʾ ulumla dara, wera alaʾ me ak anaba wanaʾ ulumla.