MATIUS 15:11 - PERJANJIAN BARU NALCA YUBA

¹¹ Sibamaʾ ak sam weklelanya nedya nim ara sembejaʾ gebnenggulusil bok, alda sibamaʾ ak ab ara goboka beiyik yabalelanya nedya danyek hnonok, nim ara sembejaʾ geblesil,” hyok.

MATIUS 15:11 ပူးပေါင်းရင်းမြစ်များ

MATIUS 15:10

Dara onoʾ Yesus adya nimi nauba ak yoululum aboka sikenek lebnesukaʾ ara, ”Ugunda pe ella danalum aboka kebnelum!

MATIUS 15:12

Dara Yesus adya yuba doro diriga ban nang edya, Yesus ak yeiniboka, ”Neyung o, anja ban wenyaro lelelam yub era, Parisi nimi kelemak dara, sikja ganya malya ulusilaʾ ara, ella ululam de?” aboka heimek.

MARKUS 7:15

Nimi malya nenelesilaʾ ara, sembejaʾ gebman denaʾ delemak adya malya nenenggulusil. Alda nimi ganya lomok sam ab goblelanya nedya, ganya malya nenelesil.

ROMA 14:14

Nara Yesus pik ab uboka ella ulumnekanya hyak aldib senelamnaʾ ara, yok-yok denaʾ ak dara, malyaʾ ara hnon unggulumla. Bok ban yokaʾ-yokaʾ ara sembejaʾ ak ulumla senelemak nang enyek, sikenek danyek, sembejaʾ dibaʾ ara an ulumla.

ROMA 14:17

Anasa Imik Neyung adya wenesinaʾ era, denaʾ mek arabaʾ ak unggulumla, bok Geisinya adya pik uboka perobaʾ nenenaʾ ab, ganya pe namenaʾ unaʾ ab, ganya eiya daboka unaʾ ab, danyek ulumla.

ROMA 14:20

Anda denaʾ anasa leboka Imik Neyung wa wenaʾ malya nenenggom, mem! Yokaʾ-yokaʾ nidyaʾ ara geisaʾ ak ululabok, denaʾ anasa leboka yok nang ek ouluk diknaʾ girik dangalalanya benyek hyak omom nong ak ulumla!

1 TIMOTIUS 4:3

Sondaʾ amba bobnenewoka lelesak nim era, sikja dara, gela donaʾ ara mem, alamak. Hnonda denaʾ ara salyaʾ dero yabanaʾ ara mem, alamak. Ban wenyalamakaʾ anaba, denaʾ ara Imik Neyung ak dib senewoka dib yub ella ulumak nim edya, denaʾ ara perob aboka Imik Neyung ak giboka delenokaʾ aboka uyimok bok, lelemak.

TITUS 1:15

Nimi ganya geisa ulumak nim ek dara, yokaʾ-yokaʾ nidyaʾ ara geisa deng ok ulumla. Bok nimi yuba okoka ganya goluwoka donaʾ loboka, ganya sembejaʾ adya ok goluwoka ulumak nim era, sikja sobaʾ seininaʾ ab, sikja mek ganya seininaʾ ak ara, seleb sembejaʾ ok dokaʾ anasa, geisa unaʾ ara mekaʾ me anaba unggulusil!

IBRANI 13:9

Wera ugunda yok beiyik sam ab neknaʾ edya ganya bob neneweisilyek mem. Dara perobnya nera ban, ugunja ganya era wanaʾ uboka eleksinaʾ edya migibaʾ geblesilaʾ anyek hnonok. Alda ban yok-yok denaʾ edya sik ban denaʾ enesa lelemlaʾ sunuwoka gigiwoka delemak nim ek perobaʾ nenenggulusilaʾ anegom.

2 PETRUS 2:18

Sikda umeng-ameng aboka, hyak salyaʾ nong yuba hnon, dengdang ganya bon yub enyek nekdo yabalasak. Sikda nimi ganya oka desinaʾ anyek unuwolulum aboka wenewoka, nimi wenyek malya unaʾ ak abaʾ ganya dangawanob senen ulumak nim ek wenewoka gliboka bo malya nenelemak.