MATIUS 14:31 - PERJANJIAN BARU NALCA YUBA

³¹ Dara Yesus adya men soruka dorogoka Petrus bek dobsalawoka, lebokja, ”Petrus o, anda mek dib senelelamnya bek ululam. Anda hekasa dib senenaʾ loboka ganya daldom-daldom alam do?” hyok.

MATIUS 14:31 ပူးပေါင်းရင်းမြစ်များ

MATIUS 14:30

Bok Petrus bera mek eilib pik bokjok, kaboʾ ak kemelemok enyek, alda loka dabookanya, al nonga meka si dununaʾ aboka ul yabok dara, ”Wenelesilimnya o, men arawanelom!” aboka lel yabok.

MATIUS 14:32

Wera onoʾ sik penya dara, mek ekla bunaʾ dubuk sam onsok welewoka bukdek dara, mek ara namenaʾ dok.

MATIUS 16:8

Danyek Yesus ara sikja leldalamek yuba damok era seleb ella ubsuk. Anasa alja sikenek ara, ”Ugunda hekasa nunda roti gwaneng orok bar aboka leldalalum do? Ugunja dib senenaʾ era mekaʾ me ulusil.

MATIUS 17:20

Wenyek Yesus adya, ”Ugunja dib senenaʾ ara mek ok adya. Ugunda pe beknelum! Ugunja Imik Neyung ak dib senelelumaʾ anyek, geibya dok anasoʾ ulumsoʾ anaba, ban mein enyek lebnesomja, Ono sam gokoka bilom! wenyhenesom dara, mein era gokoka bul binimso. Yokaʾ-yokaʾ nidyaʾ ugunja unuwanggunusomnya hnon unggulumnamla!” hyok.

MATIUS 6:30

Beiyek sam seklamlaʾ nidyaʾ ara, sumen pe uruganaʾ ara, ampum dan dara, busaʾ dinilimak. Bok anyek babya Imik Neyung adya beiyek seklamlaʾ ak perob hogunga kemenaʾ meewoka beillilamla dara, ugunuk dara, wera ongiyiwanggunusil de? Bok ugunuk dara, dib senenaʾ ara mek ok.

MATIUS 8:26

Wera anasa, Yesus adya sikenek ara, ”Ugunda hekasa lok ganya bolum do? Ugunda mekaʾ ok dib senelelum nang ululum!” hyok. Dara onoʾ Yesus ara sekoka, kaboʾ ab mek ab dara, namenaʾ dolul aboka lebok enyek, wera mek gwan era hyak namenaʾ dok.

MARKUS 1:31

Dara Yesus ara, Petrus aldogol gedyaʾ ekla ak sam biniboka, soruka gliboka bukiyiwok. Dara al wene salek enyek, alak salamok poba neiknaʾ era denghyok dara, gera bukoka bilimek nang emba arawoka ubsuk.

MARKUS 1:41

Dara Yesus ara benyek an hyak angoo yadyek senewookanya, alda benyek an soruka diyiboka lebokaʾ ara, ”Nadya dara, merewolul senemnaʾ anasa, or bokaʾ doblom,” hyok.

MARKUS 11:23

Hnon ban ugunuk dib lebsin, Nimi hnon ban mein enyek an, Anda lokoka senenggom mek gwan lomok bul bilom! henemso dara, alda ganya eb menegoka, unaʾ loboka, ban wenyhenaʾ ara, aldib unuwanamlaʾ ak senewoka ganya dib senewanamla dara, alsamba unuwanamla.

MARKUS 16:7

Bok ugunda wera biniboka, alja yuba doro diriga ban nang eb, Petrus beb, ban yub enyek, sikenek wenyhenelum, Alda men Galilea sokok sam bilimla. Ugunuk men orowek seleb wenyhusuk sok, ugunda anyagonob eibnelum, wenyhenelum,” hyok.

MARKUS 4:40

Dara Yesus ara alja yuba doro diriga ban nang ek, ”Ugunda hekasa lok ganya bololum do? Ugunda anam dib senewanggublum de?” wenyhesuk.

MARKUS 5:41

Wera Yesus adya gelma enedya soruka glib salawoka, ”Talita kum,” hyok. Nunja yub edya dara, ”Gelma enya o, nara anak buklom, hegen!” hyok.

LUKAS 24:34

Dara nang danadya sikenek, ”Alda Wenelesilnya bera aldib seleb embengaʾ suboka bukumla! Alda Simon bek seleb nara embengaʾ subna aboka laga aabdangamla!” herek.

RASUL 4:30

Anja geisa me Yesus si adya uboka, neiknaʾ nimi hweboka, yokaʾ-yokaʾ lok so beknaʾ senenggomaʾ lok so anyek unuwanobaʾ aboka anja arasinaʾ ara nuk elegeisilom,” wenyaboka molomek.

1 TIMOTIUS 2:8

Anasa wenera, or yokok-yokok sam anaba nengmab ara, sembejaʾ manaʾ orok soruka yangawoka molowanokaʾ aboka, banara lebsin. Dara, yok nim ek gorogoka yu ganya bonaʾ waldanaʾ ara loboka, mololonokaʾ aboka lebsin.

1 PETRUS 1:5

Ugunda Imik Neyung migib adya bo ulusil nim ek, ban bonaʾ era ugunsambaʾ ak beillilesil. Yokaʾ-yokaʾ nidyaʾ denghenemla sum enyek, al laga danamla, Imik Neyung nimi blebsinaʾ damoka beibukaʾ anyek, dibaʾ dobnokaʾ aboka, ugunja dib senenaʾ adya, ugun nonga migiba geboka bo ulusil.