MATIUS 14:19 - PERJANJIAN BARU NALCA YUBA

¹⁹ Wera Yesus adya nimi nauba ulumek nim ek, ”Holaʾ eilib buklulum,” hyok. Dara Yesus adya lambadya roti gwaneng eb, penya hadyaʾ eb dara, imik keeboka, Imik Neyung ak perob aboka giboka molowok. Seleb molobgogowok dara, roti gwaneng era Yesus adya soboka alja yuba doro diriga ban nang ek, nimi nidyaʾ ak boknelum aboka elegosuk.

MATIUS 14:19 ပူးပေါင်းရင်းမြစ်များ

MATIUS 14:18

Dara Yesus adya, ”Wera an nera nak an bo yoululum” hyok.

MARKUS 6:39

Dara Yesus adya nimi nidyaʾ holaʾ eilib pik bokoka bokoka yok-yok buru yibilulum hululum aboka, alja yuba don nang ak orugosuk.

MARKUS 6:41

Seleb dara, Yesus ara gwaneng ab penya hadyaʾ danyeb dob salawoka, imik keebweininggoka, Imik Neyung ak perob aboka gibuk. Seleb dara, gwaneng soboka alja yuba doro diriga ban nang ek, nimi nidyaʾ ak bokdo yibinelum aboka elegosuk. Dara onoʾ penya hadyaʾ danaba gwaneng elegeisik sok, anaso bokdo yibek.

MARKUS 7:34

Anya, Yesus ara imik sam keeb weininggoka, hina doboka, o ounugumoknya bek an lebokaʾ ara, ”Efata,” nunja yub edya dara, ”Wera, pika baklul,” andanasa lebok.

LUKAS 22:17

Ban nen wenyabgogowok dara, Yesus ara alda mek hmeiya doboka Imik Neyung ak perob aboka giboka molowok dara, delemek nang ek lebokja, ”Ugunda banyek dobmunukanya, bokdangoka denelum e.

LUKAS 22:19

Seleb dara Yesus ara roti gwaneng doboka, Imik Neyung ak perob aboka giboka molobgogowok dara, roti gwaneng neikaʾ delemek nang ek soboka elekgogowosuk dara, lebokja, ”Nadya nong ugunsamba doboka elegeisinaʾ ara an. Ugumba ban unu delemnelumaʾ adya nak beklemnenulum.”

LUKAS 24:30

Wera neikaʾ bukoka delemeekanya, Yesus ara gwanenga doboka, Imik Neyung ak perob aboka giboka molowok dara, gwaneng era alja soruk adya soboka, sikenek bokoka elegosuk.

LUKAS 9:14

(Anyaganera nengmab ok anyek denga yubaʾ lambadya nang (lima ribu orang) ulumek.) Yesus adya alja yuba diriga ban nang ek, ”Ban nimi danara nimi buma yok-yok sunuwoka buklulum aboka orugosululum. Hnonok oulyang era denga penya uboka buknelum aboka orugosululum,” hyok.

LUKAS 9:16

Dara Yesus ara gwaneng ab hadyaʾ danyeb dara doboka, imik keeboka Imik Neyung ak perob aboka molowok. Seleb molobgogowok dara, gwaneng ab hadyaʾ ab dara, Yesus adya seleb sob menegemok dara, alja yuba doro diriga ban nang ek, nimi bukumek nimi nidyaʾ ak boknesulum aboka elegosuk.

YOHANES 11:41

Dara, Lazarus diyimek girika jaboka laga beiyimek dara, Yesus adya imik keeb weininggoka, ”Imik Neyung ak, anda nadya molonaʾ kebnelemaʾ anasa, perob aboka gibgen.

YOHANES 6:23

Bok, onoʾ yok mek ekla bunaʾ hnon Tiberias heikek ab yeiniboka Yesus gwanenga soboka Imik Neyung ak molomok enyek demek oulyang berem mal yalamek.

RASUL 27:35

Paulus bedya ban seleb wenyaboka lebgogomok dara, alda roti gwanenga doboka, sikja saramek sam Wenelesilnya bek molowoka, soboka deb einiwok.

ROMA 14:6

Heknedya ban yok hnonoknya nok salabmoubnamla dara, alda Imik Neyung amba unulumnamla. Anya heknya denaʾ denemna dara, alda Imik Neyung ak perob aboka giblamla anasa, alda Imik Neyung amba unulamla. Dara onoʾ heknedya alda denaʾ denggunumnekanya, albabya Imik Neyung ak perob aboka giblamla anasa, albabya Imik Neyung amba unulamla.

1 KORINTUS 10:16

Nunda beknaʾ meka delemab sum enyek, Imik Neyung ak perob aboka giblemab dara, wera nunda Kristus alja eneng adya, hnonok nonga dangiyisukaʾ ak sunulumab de? Dara onoʾ, gwanenga soboka elekdangoka delemabnya nera, Kristus ab neikaʾ hnonok nong seleb danggumoubaʾ ak sunulumab de?

1 KORINTUS 10:31

Ugunja yokaʾ-yokaʾ nidyaʾ unululumaʾ ara, ugunda gwaneng deregoka meka deregoka, Imik Neyung si imik danalenya nenyek ok unulululum.

1 KORINTUS 11:24

Alda perob aboka, Imik Neyung ak molobgogomok dara, gwaneng soboka lebokja, ”Nadya nonga ugunsamba elegeisinaʾ ara an. Nak beklenumunukanya, or delelulum,” hyok.

KOLOSE 3:17

Dara, ugunja yokaʾ-yokaʾ nidyaʾ, yuba sanaʾ adya gom, soruk adya wenaʾ gom, unuwanalum dara, ban nidyaʾ ara, nunja neyung Imik Neyung ak, al pik uboka perob aboka giboka, nunja Wenelesilnya Yesus bedya si sibuka unulululum.