MATIUS 14:14 - PERJANJIAN BARU NALCA YUBA

¹⁴ Wera Yesus ara mek ekla bunaʾ ak ab uboka, sokok yingginiboka nimi mandebnaʾ enyek an kemelemok dara, angoo hyak yadyek senewousuk. Dara onoʾ, sik ganggan pik hnon neikdo balameknya nera hwebsuk.

MATIUS 14:14 ပူးပေါင်းရင်းမြစ်များ

MATIUS 14:15

Sin dangal yabok dara, alja yuba doro diriga ban nang edya Yesus ak yeiniboka, ”Neyung o, seleb sin dangoka onoʾ anyagan ara salyaʾ gakdenaʾ ak anasa, nimi danara biniboka denaʾ eboka dekdowanokaʾ aboka, binilum aboka orugesilom,” hyek.

MATIUS 4:23

Galilea sokok ara Yesus nidyaʾ heikek yibiniboka, Yahudi nim edya yuba don ek sam yuba nekoka ura yabalesuk. Yesus adya Imik Neyung adya eimik era wenewanesil an perob yub enyek nekdo yabalesuk. Dara onoʾ hnonda nimi malya ulusuk nim eb, neiklemek nim eb, nauba hwelesuk.

MATIUS 9:36

Nimi ganya hmeng uboka, ganya eb menegoka, bo usin nang orokaʾ anasoʾ ak eibuk dara, alda angoo yadyek senewousuk.

MARKUS 6:34

Wera Yesus ara mek ekla bunaʾ ak ab yingginiboka kemelemok enyek, nimi nauba ara seleb longomekaʾ ak eibok. Sikda domba pam yakoka bo usinya orokaʾ anasoʾ ak ulumekaʾ eibok dara, alja ganya era sikenek angoo hyak yadyek senewok. Dara, Yesus ara sikenek yokaʾ-yokaʾ nauba neklesuk.

MARKUS 9:22

”Anya bisaʾ ara, li sobaʾ, ukuk gom, mek inik gom, doronggoka obnunaʾ ulumla. Anasa wera, anda unuwanesom migib ulunggel dara, nuk angoo yadyek senewoka arayiwanasilim,” wenyaboka molowok.

LUKAS 19:41

Yesus ara Yerusalem heikek lanal binibmookanya, heik era oka danggiga balamok dara, kemelemookanya, alda engenaʾ sala bukok.

LUKAS 7:13

Wera Yesus ara me dam gel genyek eibuk dara, hyak angoo yadyek senewookanya alak lebokja, Genong o, anda engenaʾ ara mem!

IBRANI 2:17

Ban nenesa leboka, Yesus ara gobdo nimi nonga dangoka, nim adya ununaʾ dobnunaʾ aboka ubuk. Wera anadya Yesus ara Imik Neyung amba bojam uboka, angoo yadyek senewoka arasinya dangoka, yuba wa gakaʾ dubnya ulununaʾ aboka ubsuk. Dara, nidyaʾ nim adya malya unaʾ doboka bobogosululaʾ aboka ubsuk.

IBRANI 4:15

Nunja senenggom yuba wa gakaʾ dubnya bera, alda nuk an igina kweboka malya nenelesilaʾ ara, alda elgom uboka, alba ununaʾ oroknya bek unggulumla. Bok, albabya numba ulusil sok, seleb bisaʾ adya sunubyaawoka uboknya bok, alda malya unaʾ ak hnonok mekaʾ oroknya bek ulumla!

IBRANI 5:2

Albabya nim ak adya hmeng ulumlaʾ anasa, yuba wa gak nang ulumna nang era, nimi yokaʾ-yokaʾ elgom uboka, yokaʾ-yokaʾ adya geregoka meknelemak nang ek ara, namenaʾ pe ganya goluwoka aralesil.