MATIUS 13:7 - PERJANJIAN BARU NALCA YUBA

⁷ Alda yinaʾ hnonda giriknaʾ hnoum yama yinggyuk. Wera giriknaʾ anaba bongowoka welelemokaʾ adya, yinaʾ ara neikaʾ bongowok bok, bong adya somogok.

MATIUS 13:7 ပူးပေါင်းရင်းမြစ်များ

MATIUS 13:22

Alda yinaʾ giriknaʾ hnoum yama yinggilimoknya nera, damok ara, nim Imik Neyung yuba kelemak bok, denaʾ unuruwaʾ amba leboka, bonaʾ garana denaʾ garan amba gangganaʾ gokoldal yabanakanya, sikda bonaʾ dub nang ulusibya senen ganya edya, Imik Neyung yuba sikja seklama darawoka, sikjaʾ ganya lomok sam pe doka mounggulusil.

MATIUS 13:6

Bok henga welok dara, yarenga sokok pe eleknaʾ orok adya bongowok bok, yalawoka somogok.

MATIUS 13:8

Bok yinaʾ perob sokok sam yama yingginiboka bongowoka welewoka doka moulumok dara, hnonda denga dombadya moulumok, hnonda denga penya moulumok, hnonda denga yubaʾ hnonok anaso moulumok!” aboka lelemok.

MARKUS 4:7

Yinaʾ hnonda giriknaʾ hnoum malyinggyuk. Wera yinaʾ era bongon dara bongowok bok, giriknaʾ bong adya seklama darawoka objokaʾ adya, alda doka moubnenggubuk.

LUKAS 8:7

Yinaʾ hnonda giriknaʾ hnoum yama yinggyuk. Wera yinaʾ era giriknaʾ ab neikaʾ pe bongowarekjok, giriknaʾ adya aragokaʾ adya somogok.