MATIUS 13:54 - PERJANJIAN BARU NALCA YUBA

⁵⁴ Dara aljaʾ heikek sam byuk. Aljaʾ heikek sam uboka, Yesus ara Yahudi nim edya yuba donaʾ ek sam biniboka, Imik Neyung yuba lel eleklesuk dara, alak kelemek nim era hyak ganya loka dasuk. Anya sikja dara, ”Ban benera hekmok ab banaso ella danganaʾ dobok do? Alda yokaʾ senenggomaʾ lok so damoka memen damba dara, senenggom migibaʾ ara hekmok eb dobok do?” aboka lelemek.

MATIUS 13:54 ပူးပေါင်းရင်းမြစ်များ

MATIUS 2:23

Wera Galilea sokok ara, Nazaret alamek heikek sam ulumek. Ban unumoknya nera, Yesus amba leboka ununumnaʾ lelemek nang edya, ”Alda Nazaret mok ebnya,” henemak ameknya nenyek gigiwolulaʾ aboka umok.

MATIUS 4:23

Galilea sokok ara Yesus nidyaʾ heikek yibiniboka, Yahudi nim edya yuba don ek sam yuba nekoka ura yabalesuk. Yesus adya Imik Neyung adya eimik era wenewanesil an perob yub enyek nekdo yabalesuk. Dara onoʾ hnonda nimi malya ulusuk nim eb, neiklemek nim eb, nauba hwelesuk.

MATIUS 7:28

Yesus ara Yahudi yuba neksin nang edya neklesik sok neknenggusuk. Alda senenggom nongaʾ ak nekesukaʾ anasa, wera Yesus ara seleb yuba leboka nekgogowousuk dara, anya alak kelemek nim era, hyak nauba loka dasuk.

LUKAS 2:47

Dara, nidyaʾ alak kelemek nim edya dara, alja yuba dam nang heiboka lelemok ab, alak heibnanya neneba pe lelemok geremseng enesa, salya lelemla me senewoka hyak loka dasuk.

YOHANES 1:11

Aljinya nek yeilimok bok, alja meneng mok nim edya dara, alak perobaʾ leboka dobnenggumek.

RASUL 13:46

Bok Barnabas beb, Paulus beb dara, danyek nauba so asaʾ ganya boboka yeiriwoka lelerek. Dara sikja lelerek ara, ”Imik Neyung adya yub enera ugunuk men seleb leb eleganesiseng senelelabok, ugunda lek senewoka wekdo doroklolumukanya ugumba yok nunda dib embengaʾ ulmoubnaʾ era dobnenggunusibya senen ululum anasa, wera nunda ugun Yahudi nim ek loboka, yok sokok nim ek Imik Neyung yuba lebnom aboka balanam.

RASUL 4:13

Dara, nimi nauba henga gereksin ek yuba sabnobaʾ aboka longomek nim era, Petrus beb Yohanes beb, sikja asaʾ nong anyek yuba saboka, sikda sekolah hnon nauba donaʾ orok bok, nauba pe lelerek eiyimek dara, hyak loka nauba dasuk. Dara wera, sik penya dara, Yesus yuba doro diriga balarek nang era alan senewoka, bekoka ella dangamek.