MATIUS 13:25 - PERJANJIAN BARU NALCA YUBA

²⁵ Wera yok sum inimnek enyek, nimi nidyaʾ seleb hogunga maro lobek enyek, yok isaʾanya bedya yeiniboka, gandum doka yamamokaʾ ak sam walenja yinaʾ hnon yamawok dara, byuk.

MATIUS 13:25 ပူးပေါင်းရင်းမြစ်များ

MATIUS 13:24

Wera onoʾ Yesus adya yok sununaʾ hnon nimi nauba longol yeilimek nim ek nekoka lebsukaʾ ara, ”Imik Neyung adya wenelemnesilaʾ ara, hogung ara banaso ulumlaʾ ara, nimi ben hnon alja wak sam perob yinaʾ yamamok.

MATIUS 13:26

Wera gandum dokomokaʾ bongowoka urubya lanal yabok dara, walenja anaba laga dok.

MATIUS 13:27

Dara onoʾ wa damnya bedyaʾ deknaʾ amba wa wenaʾ nang edya wa damnya bek yeiniboka, Neyung o, neyung anda perob yinaʾ ok anjaʾ wak sam ara yaawanggublum de? Hekaʾ adya wera walenja ara hnon neikaʾ hiboka ulumla do? al yek.

MATIUS 13:29

Wa damnya bedya dara, Wera walenja anyek gwenel yabumunuk ab dara, gandum anaba gwenewomunuk anasa, orok, mem.

MATIUS 13:30

Gandum ab walenja ab neikaʾ hiboka lomunaʾ ara, gandum nonga daknemeija sum ok meewanamab. Nara nong dakal yabija nim ek ara, Walenja anyek men gweneb mamagoka gouboka uka dabnelum. Seleb dara, gandum nonga dakoka, masa beilin ek sam beibnelum henemna hyok,” wenyaboka sunuwok.

MATIUS 13:39

Walenja yinaʾ yamal yeilimoknya isaʾanya bera Iblis ara an. Nonga dakne sum era, soko sidyaʾ daknamla sum; alda nonga daknamak nang era, imik ab lero nang era an.

MATIUS 25:5

Uka wesaʾ diniwoka bo diri ulumek bok, gela dobnamoknya bera mandewoka, men yangganaʾ orok adya, gelewa dara hogung ok uboka dibaʾ mabek.”

GALATIA 2:4

Hnon nang edya dara, or unuwanamla aboka lelemek bok, unuwolul aboka yo henggumek. Wera an wenyalamek nang era, yuba dib doboka ununaʾ orokjok, nunjaʾ Kristus Yesus ak dib senemoubaʾ adya, gobdo ganya doboka unaʾ ak gelelenga kemero yeilimek. Sikja dara, nu yuba dobnenggoma wenyek unulumoubaʾ anyek, neik so unulunokaʾ aboka pik nekoka igina kweiyiwanobaʾ aboka yeilimek.

IBRANI 12:15

Dara nimi nauba malya nenewoka, sembejaʾ gebnesilya damok yu nongaʾ sikaʾ anyek lanawalyek aboka, ugunda nimi be hnon Imik Neyung bedya perob eleksinaʾ ak ab mok gebdalyek aboka pe diri ulululum.

1 PETRUS 5:8

Bisaʾ dubnya Iblis ara alda ugunjaʾ senenggom isaʾanya ulumlaʾ anasa, ugun nonga pe diri ubdangoka mala websiniwoka ulululum. Iblis ak dara, bei gam adya denaʾ eibnenggumnekanya ngouboka ero yabalamla sok, ero yabalesilaʾ anasa keeboka uluulum.

2 PETRUS 2:1

Youmaʾ dara, nimi yuba dolomekaʾ hnoum ara, sondaʾ amba yuba len nang aldalamek nimi hnon lanalemek. Anaso neikek weneba ugun gangganek ara sondaʾ amba bobnenewoka yuba lesin nim abdangoka hnon lanawanamak. Ban nang enedya dara, ugunuk ara dib gom yuba, nim ek malya gebellilimnesak yub enyek, bo lanawanasak. Dara sikja malya unaʾ emba dekesuknya senenggom Imik Neyung benyek unggulumla aboka bobnenewoka lebnesak. Unu Imik Neyung ak yaab lobnemakaʾ adya, senenggom somoknaʾ damok ara sik dam nang ek bo lanawanasil.

WAHYU 12:9

Dara ban senenggom naga bagaʾ era sokok yakdo boblenggok! Wera ban wisa youmaʾ bagaʾ era, nidyaʾ sokok an sondaʾ leboka malyaʾ geblamlaʾ, alja si nera Iblis hnon, Satan hnon aboka si silimak ara an. Alab, nidyaʾ alak aralemek lero eb dara, sokok an unu boublinggosuk.

WAHYU 13:14

Dara, ban eimik yu nongaʾ enedya, lok so beknaʾ dibaʾ alak elegok adya, men yu nongaʾ amba leboka, loka dabsinaʾ unuru yabalamok adya, ban sokok an ulumeija nimi nidyaʾ ara, bobnenewoka ubsuk. Hnonda, ban men yu nongaʾ era, oldan gab edya menengaʾ diligaʾ hwam bok, or ulumlyaʾ anyek, alja nonga sunuwoka memenaʾ ara, galak girikek gom meewoka sekiyiwolulum aboka orugosuk.

WAHYU 2:20

”Bok nara anak igin ganya bolenggenaʾ ara, Imik Neyung adya lelemla aboka laga sondaʾ amba lelemla gel Izebel gek, eil lololamaʾ ak, banyek hnonok ulumla. Nimi nadya wa wen nang ek sondaʾ leboka, gela salanaʾ nauba unuwoka, bisaʾ ak beil balamak denaʾ bukoka dero yabalemakaʾ ak, bobnenewoka malya pik bo ablesil.