MATIUS 13:24 - PERJANJIAN BARU NALCA YUBA

²⁴ Wera onoʾ Yesus adya yok sununaʾ hnon nimi nauba longol yeilimek nim ek nekoka lebsukaʾ ara, ”Imik Neyung adya wenelemnesilaʾ ara, hogung ara banaso ulumlaʾ ara, nimi ben hnon alja wak sam perob yinaʾ yamamok.

MATIUS 13:24 ပူးပေါင်းရင်းမြစ်များ

MATIUS 13:19

Yinaʾ pikek sam yama yinggilimoknya nera, damok ara nim Imik Neyung adya wenelemnesil yub era kelemak bok, pe ella danganggulumak. Sikjaʾ ganya ak doklomak yub era malya unaʾ damoknya bisaʾ adya yeiniboka gwenelamla.

MATIUS 13:25

Wera yok sum inimnek enyek, nimi nidyaʾ seleb hogunga maro lobek enyek, yok isaʾanya bedya yeiniboka, gandum doka yamamokaʾ ak sam walenja yinaʾ hnon yamawok dara, byuk.

MATIUS 13:31

Wera onoʾ Yesus sununaʾ hnon nimi nauba longomek nim ek sunuwoka lebsukaʾ ara, ”Imik Neyung adya wenelemnesilaʾ ara, hogung ara ban anaso ak ulumla: Ben hnon ara geibya yinaʾ doboka, aljaʾ wak sam doka dokol bilimok.

MATIUS 13:33

Anya onoʾ Yesus ara yok sununaʾ yuba hnon lebsukaʾ ara, ”Imik Neyung adya wenelemnesilaʾ ara, gela hnon roti gwanenga werewanamna aboka, roti aso ara oulyanga winilya beiyiboka, roti welenaʾ doronggoka, nauba dangalamla anaso ulumla,” hyok.

MATIUS 13:37

Anasa Yesus adya sikenek ara, ”Nimi perob yinaʾ bo yamal bilimoknya bera, nimi dibaʾ me ara an.

MATIUS 13:47

”Imik Neyung adya wenelemnesilaʾ ak dara, hogung ara, mek gwanek sam hadyaʾ oumaʾ akleng bobogoka yok-yok hadyaʾ nidyaʾ dolomak sok ulumla.

MATIUS 18:23

”Anasa Imik Neyung adya wenelemnesilaʾ ara, hogung ara ban sununaʾ enesoʾ ak ubnamla ara, Nimi soko dubnya ben hnon, alja wa wen nang edya deblomek bonaʾ amba meewanamna sum eneso ubnamla.

MATIUS 20:1

”Imik Neyung adya wenelemnesilaʾ ara, hogung ara banasoʾ ak ubnamla: Nim anggur dok wa damnya ben hnon, alja wak sam webnenyak aboka, lugunaʾ nong enyek goboka el yibilemok.

MATIUS 21:33

Dara Yesus ara, ”Ugunda ban sununaʾ enyek hnon kebnalum. Nimi ben hnon anggur wa soko meboka ninimok. Dara nidyaʾ lekaʾ dob ganagoka, dok meka londenaʾ amba, soko mek si pika weiliwoka, diri bun damba e im nong ok somok. Anya alda yok nim ek, ugunja weboka meewoka ulumnenulum abgogowok dara, alda yok heikek byuk.

MATIUS 22:2

”Imik Neyung adya wenelemnesil salek era, hogung ara banaso ak ubnamla, Mok soko dubnya alja me gela dobnamla bar aboka masa youmok.

MATIUS 25:1

”Imik Neyung wenesin heikek weknaʾ ara, mok soko hogung ara ban sununaʾ eneso ubnamlaʾ ara, nimi gobenya gelewa sagobadya, nenya dobnenggumek nim, wesaʾ diniwoka boboka gela dobnamoknya yanggalyaʾ ak pika dibnemab aboka bilimek.

MATIUS 3:2

Alja lelemokaʾ ara, ”Imik Neyung adya mek anam wenelemnesilaʾ ara oka yal bok anasa, ugunja malya unaʾ ak ab ganya dangawolulum,” alamok.

MATIUS 4:23

Galilea sokok ara Yesus nidyaʾ heikek yibiniboka, Yahudi nim edya yuba don ek sam yuba nekoka ura yabalesuk. Yesus adya Imik Neyung adya eimik era wenewanesil an perob yub enyek nekdo yabalesuk. Dara onoʾ hnonda nimi malya ulusuk nim eb, neiklemek nim eb, nauba hwelesuk.

LUKAS 13:18

Yesus adya heibsukaʾ ara, ”Imik Neyung adya wenelesilaʾ ara, hekaʾ anasonya ulumla do? Nadya dara, hekaʾ anaso ulumlaʾ seiniwoka sunuwanamna do?

LUKAS 13:20

Yesus adya onoʾ saaboka heibsukaʾ ara, ”Imik Neyung adya wenelemnesilaʾ ara, nara hekaʾ ak sunuwanamna do?

KOLOSE 1:5

Ban dib senenaʾ hnon wanaʾ unaʾ hnon ara, imik heikek ugunsamba beillilisilaʾ ak ganya welelumaʾ ak ab lanalamla. Ban ganya wenaʾ ara, ugunda men dib nong yuba kelum adya ella dangalum. Ban perob lero yanggan yub ara,

1 PETRUS 1:23

Wera embengaʾ uboka, pe migibaʾ ulumla Imik Neyung pik anyeb uboka, ugun nong ak dara, nim adya beillilesak nong unaʾ ek gom, alda imik sam sobaʾ pe ulumla Imik Neyung ek ab wenyok nonga nenewosuk.