MATIUS 12:34 - PERJANJIAN BARU NALCA YUBA

³⁴ Ugunda malya unaʾ hwam nim ek ululumaʾ anasa, ugunda malya unaʾ nim ululum bok dara, perob yuba goboka sabnesom de? Sibamaʾ ak ab laga salamakaʾ ara, ganya lomok sam seleb ulumlaʾ ara an.

MATIUS 12:34 ပူးပေါင်းရင်းမြစ်များ

MATIUS 12:35

Nimi nidyaʾ perob yub ok saro ulumak nim era, sikda perobnya nok deknewoka ulumak adya pe saro ulumak. Dara onoʾ malya unaʾ adya ok deknewoka ulumak nim era, sikjaʾ sibamaʾ ak abaʾ anaba malya yub ok saro ulumak an.

MATIUS 15:18

Bok hekaʾ ok sibamaʾ ak ab goblelanya nera, ganya lomok ab ak goblamla; anya ana nong adya nim ara sembejaʾ nenelesil.

MATIUS 23:33

”Ugun nong ara bagaʾ anaso malya unaʾ nim ululumukanya, onoʾ ugunja neyung yab eneba anaso nim ulumek! Uka delesil heikek oboka uka desin heikek ab hekadya nunda blebdanamab senelelum do?

MATIUS 3:7

Parisi nim eb, Saduki nim eb, nimi Yohanes bek meka dabsululaʾ aboka yalamek. Bok Yohanes bedya kemelemok enyek, nang enyek yekaʾ ak eibuk dara sikenek, ”Ugunda hyak malya unaʾ hwam nim ek ululum! Ugunuk ara heknedya Imik Neyung adya obnesilaʾ ak sam ab dara, blebdanalum asuk do?

LUKAS 3:7

Dara, alda nimi nauba alja meka dabsululaʾ aboka yalamek nim ek wenyaboka lelemokaʾ ara, ”Wei, ugunda wabaʾ keeblo nimi osin bagaʾ edya mengerob nang yilaʾ o! Heknedya ugunuk Imik Neyung adya yu ganya yanamla ak ab merebdanga beiyi binilum alasil do?

LUKAS 6:45

Dara nimi pe ulumak nim era, ganya lomok ara perobnya nok ulumlaʾ adya yuba salamakaʾ ara, sikja ganya ak ab dara, perobnya nok lanalamla. Bok malya ulumak nim era, ganya lomok ara malyinya nok ulumlaʾ adya, sikja ganya ak ab dara, malyinya nok lanalamla. An nenera alja yuba salamlaʾ ara, ganya ak ab lanalamla anasa, unulamla.

YOHANES 8:44

Ugunda bisaʾ dubnya bedya mab ululum. Ugunjaʾ neyung Iblis dubnya bera hyak youmaʾ ek moruwoka dib osinaʾanya ulumlakanya, alda hyak dib unaʾ alak mekaʾ unggulumla. Dib yub ak sam mekaʾ uruma doboka neikaʾ unaʾ ara hyak unggulurak. Alda sondaʾ lenaʾ hwam dubnya ulumlakanya, sondaʾ lelemlaʾ ara aljinya nenesa, doumdigum dangalamla.

EPESUS 4:29

Ugunda yuba sabnemun dara, malya yub enyek geregoka salyaʾ sanaʾ ara mem. Nimi perob yuba ok salamakaʾ adya, nimi kelemak nim era, perobaʾ dousululaʾ aboka, nimi keboka perob danamlya yub ok sunuwoka saldalalulum.

EPESUS 5:4

Anya onoʾ ugunuk dara, Imik Neyung mab unuwanggunuseng anasa, nimi ganya malya nenelesil yub eb, salyaʾ dolbalek yub eb, gela salanaʾ yuba, yok-yok kenaʾ perob danggunumso yub eb dara, mekaʾ sanggulumnulum. Alda ugunuk dara, Imik Neyung ak anyek sobaʾ perob aboka gibelmorulumnulum.

YAKOBUS 3:2

Nunda nidyaʾ, hnon sum era malya ulumab. Bok alda yuba sanaʾ adya malya unaʾ hnon unggululanya bera, alda pe ganya kaboka ulumlakanya, al nonga nidyaʾ pe diri uldalamnamso.

1 YOHANES 3:10

Anara Imik Neyung mab ulumak, nenera Iblis mab ulumakaʾ aboka, beknaʾ damoka ella dangalamabaʾ ara ban adya. Heknedya Imik Neyung seinilamlaʾ ak ununggulumla gom, al kab ek wanaʾ unggulumla gom dara, wera bera alda Imik Neyung alja me unggulumlaʾ ara an.