MATIUS 12:32 - PERJANJIAN BARU NALCA YUBA

³² Nimi ben hnon nimi dibaʾ me nek malya leboka walamla dara, wenyamso malya unaʾ era, or alja sobaʾ memelamla bok, alda Imik Neyung Geisinya ak walamla dara, wene salek gom, soko sidyaʾ daknamla sum eneba, benedya malya unaʾ era alak ab dibaʾ meewanggunumla!” hyok.

MATIUS 12:32 ပူးပေါင်းရင်းမြစ်များ

MATIUS 11:19

Wenyek dara, nimi dibaʾ me nera, alda yeiniboka gwanenga deregoka, meka deregoka ulumla dara, nim adya dara, Ugunda benyek kendululum! Denaʾ hwamnya, malya meka salyaʾ denya, mok soko amba rupiah molowoka don nang eb, malya unaʾ nim eb dadya sikjaʾ hem benyaʾ, alamak. Ban wenyalamakaʾ anyek, perobaʾ uboka geremsengaʾ ara unulumakaʾ damokok onob laga geknel balamla,” hyok.

MATIUS 12:31

Anasa wera, ugunda pe ella danalum, nimi ben hnon yok-yok malya unulamlakanya, yok nimi si ak malyaʾ nenewanamla dara, alja malya unaʾ era or alja sobaʾ meewanamla bok, alda Imik Neyung Geisinya bek malya nenewanamla malya unaʾ era alak ab dibaʾ meewanggunumla!

MATIUS 12:8

Anasa nimi dibaʾ me ara, Sabat mem sum emba dubnya ulumla,” hyok.

MATIUS 13:22

Alda yinaʾ giriknaʾ hnoum yama yinggilimoknya nera, damok ara, nim Imik Neyung yuba kelemak bok, denaʾ unuruwaʾ amba leboka, bonaʾ garana denaʾ garan amba gangganaʾ gokoldal yabanakanya, sikda bonaʾ dub nang ulusibya senen ganya edya, Imik Neyung yuba sikja seklama darawoka, sikjaʾ ganya lomok sam pe doka mounggulusil.

MATIUS 13:39

Walenja yinaʾ yamal yeilimoknya isaʾanya bera Iblis ara an. Nonga dakne sum era, soko sidyaʾ daknamla sum; alda nonga daknamak nang era, imik ab lero nang era an.

MATIUS 13:40

Anasa walenja ak gwenewoka, neikaʾ henga gouboka uka damek sonya nera, soko sidyaʾ daknamla sum era neik so unuwanasil.

MATIUS 13:55

”Alda e sonaʾanya bedya me gom de? Aljaʾ genong gera Maria ge uboka, alja weisab era Yakobus, Yusuf, Simon beb, Yudas beb, unggulumak de?

MATIUS 8:20

Wenyek Yesus adya dara, ”Bei gam ara selengaʾ e ulumlakanya, wining ara eʾ ululabok, nimi dibaʾ me ak dara, huka beilinaʾ amba ekla hnon unggulumla,” hyok.

MARKUS 10:30

benera ban wene salek eneba onsok lunuwoka, Imik Neyung adya eleklamlaʾ ara, denga sal-salyaʾ anyek, denga yubaʾ dombadya anaso, ek nimi gom, weisabo gom, alja hmal gelewa gom, alja genong gom, alja mabo gom, alja gwaneng wa gom, anya igin kwenaʾ anaba, dolomla. Anya onoʾ eimik sidyaʾ daknamla sum eneba, bera hyak dib embengaʾ ulmoubnaʾ dobnamla.

MARKUS 3:28

”Nara ugunuk hyak dib lebnesin, nim ara malya uboka, yok-yok yuba edya derewoka wabnemak malya unaʾ anaba, ban nidyaʾ ara sikenek ab sobaʾ meewanasil.

MARKUS 3:29

Bok nimi hnon Imik Neyung Geisinya bek derewoka walamla dara, alja anaso malya unaʾ era, sobaʾ ulmoublamla malya unaʾ anasa, alja ban unuwanamla malya unaʾ era alak ab meewanggunumla,” hyok.

LUKAS 12:10

Nimi dibaʾ me nek nim adya si malya nenewanamaknya nera or malye aboka, malya unaʾ era sikenek ab memewanasil bok, Imik Neyung Geisinya bek malya lebnemak dara, malya unaʾ era perobaʾ leboka sikenek ab meewanggunusil.

LUKAS 16:8

”Dara rupiah wa sala ulumoknya ben alja dubnya bedya dara, geremseng nongaʾ anyek hyak pebdangalam aboka gigiwok. Dilinaʾ ak ulumak nim era, anaso ununggulumak bok, sokok an salyaʾ lelem ulumak nim era, sik moumen ak, yokaʾ ubnaʾ ara, hyak geremsengaʾ anyek unuldalamak,” hyok.

LUKAS 18:30

ban unuwalenya bek ara, wene salek ek dara, yokaʾ-yokaʾ nauba lunuwoka doboka eleganemlakanya, eimik era dib embengaʾ ulmoubnaʾ damok eleganamla,” hyok.

LUKAS 23:34

Dara Yesus ara lero mololomokja, ”Neyung o, ban nang enedya unulumakaʾ ara, damok ara elgomjok ulumakaʾ anasa, sikja malya unaʾ era sikenek ab memelesilom,” hyok. Yesus adya ongolomok akleng era, heknedya dobnamla aboka, yina bomdewoka bokol dalamek.

LUKAS 7:34

Dara ono, nimi dibaʾ me nera yeiniboka, alda gwanenga meka deregoka ulumla enyek, ugunja dara, Ugunda benyek kendululum! Denaʾ hwamnya, yu meka deregoka ganya uu anaʾ hwamnya, rupiah donaʾ nang eb, malya unaʾ hwam nang edyaʾ sikjaʾ hem benya, alalum.

YOHANES 7:12

Dara, ban perob sum enyek, Yesus amba o lomok yuba nauba saro yabalameekanya, hnon nim edya dara, ”Alda perobnya,” alamek. Bok onoʾ hnon nim edya dara, ”Orok, alda nimi malya nenewoka sondaʾ amba bobnenewoka lelesilnya,” alamek.

YOHANES 7:39

Yesus adya ban wenhyoknya nera, Imik Neyung adyaʾ Geisinya benesa lemok. Ban salek era, Yesus si anam imik nenewanggumekaʾ anasa, Geisinya bera anam eleganggusukjok, Yesus alak dib senewanamak nim era Geisinya dobnamak aboka lelemok.

YOHANES 7:52

Sikda alak, ”Wei, ambabya Galilea mok ebnya de? Nidyaʾ Imik Neyung buku sam lelewoka einiwanalamakanya, ununumnaʾ lelelanya bera, Galilea mok ebaʾ ara, yanggunumlaʾ eibnelam,” hyek.

RASUL 3:19

Wera anasa, ugunja malya unaʾ Imik Neyung adya lublul aboka, ugunja malya unaʾ ak ab ganya dangawoka saaboka, Imik Neyung ak yoululum.

EPESUS 1:21

Wenewoka bo usinaʾ gom, senenggom dub unaʾ gom, yok-yok migibaʾ gom, wenewoka oruksinaʾ gom, nidyaʾ yok-yok si sinaʾ dub unaʾ gom, wene salek gom, eimik yanamla salek gom, nidyaʾ migib era mek bok, Kristus ak Imik Neyung adya elegok migib era, hyak senenggomaʾ lok soʾ ak elegok.

1 TIMOTIUS 1:13

Men dara, nara alak dib senewanggumsaʾ adya, nadya alak malya lelemsa, alja mab olomsa, yu ganya boboka ulusebok, elgom adya unulamsaʾ anasa, nak angoo yadyek senewoka arawanyookanya, ban wa nen welelom aboka elegenyok.

1 TIMOTIUS 1:15

Ban yuba nong enyek, hyak dib nong anasa, doboka dib senewanamakaʾ ara ban: ”Yesus Kristus sokok an yeilimokaʾ ara, malya unaʾ nim enyek blebsununaʾ aboka yeilimok.” Dara sik unulumakaʾ gangganek ara, na nong anyek hyak okoka yu hwam malya unaʾanya bek ulumna.

1 TIMOTIUS 4:8

Nong amba migiba nenendamba dara, or mek perob so dangalamla bok, yuba doboka un ganya migiba neneldamba dara, nauba perob nonga dangalamla. Nera seleb wen salek amba hnon, eimik yanamla salek amba hnon, perob dangalamla an yuba hnon orowek ulumla.

1 TIMOTIUS 6:17

Anda sokok sam bonaʾ dub nim ek sobaʾ ulmoubnenggulumla bonaʾ emba leboka dengdang ganya boboka, bonaʾ ak ganya dib beiliwomunuk aboka, wenyaboka neklesilom. Bok saawoka, alda Imik Neyung nuk yokaʾ-yokaʾ nauba gigiwosulul senewoka, eleklesilnya bek ok ganya kweboka welenokaʾ aboka, neklesilom.

2 TIMOTIUS 4:10

Demas bera sokok anyek wanaʾ uboka, nak ara seleb lo binyok. Alda seleb Tesalonika heikek byuk. Kreskes bera alda seleb Galatia moka byuk. Dara, Titus beneba Dalmatia heikek byuk.

TITUS 2:12

Ban Imik Neyung adya wanaʾ uboka eleksinaʾ adya, nunda sokok an ganya oka denaʾ ulumlaʾ digum unaʾ hnon, yokaʾ-yokaʾ Imik Neyung adya perob gom senelelanya nek hnon, hyak loblulum aboka nuk neklesil. Nunda sokok an ulumeibya danyek, pe ganya siklewoka, geisa uboka, Imik Neyung ak pe bojam ulunobaʾ aboka, alja wanaʾ unaʾ era neklesil.

YAKOBUS 1:27

Imik Neyung adya nim ek yuba donaʾ ara, yuba pe dib senenaʾ ganya ab, neyung Imik Neyung bek dib senewoka bojam unaʾ damok alja perob senelelanya nera, genonga neyung orok mab ek pe arawoka, onoʾ nenya orokaʾ yamen nim unuruwaʾ oka kwelesil nim ek pe arawoka, sokok anyeb malya ub eleganelyek senewoka, pe diri uldalamak nim era pelemakaʾ ara an.