MATIUS 12:3 - PERJANJIAN BARU NALCA YUBA

³ Dara, Yesus adya sikenek lebsukaʾ ara, ”Ugunda Daud beb alab neikaʾ ulumek nang eb, sikda gwaneng ok usukaʾ amba umekaʾ momnya dobokaʾ ara ugunda seleb einiwanggulum de?

MATIUS 12:3 ပူးပေါင်းရင်းမြစ်များ

MATIUS 12:2

Parisi nim edya ban unulumekaʾ anyek eiyiboka, sikja Yesus ak, ”Kendelom! Anja yuba doro diriga ban nang era, sikda nunja yub ek sam momnya dobokaʾ yuba blekoka, Sabat mem sum ununggom mem hyoknya nenyek blekoka unulumak,” hyek.

MATIUS 12:4

Daud bera Imik Neyung ek sam wekoka, Imik Neyung amba aboka beillilemek roti gwaneng era doboka delemok. Alda nunja yub ak sam momnya dobokaʾ ara, Daud beneba, alab neikaʾ ulumek nang eb dara, gwaneng era denggunuseng, alda Imik Neyung yuba lenaʾ gak nang edya ok deneseng gwaneng enyekaʾ, anyek delemek.

MATIUS 12:5

Goma, Musa bedya unuwanalum an yub ek sam momnya dobokaʾ ara, Imik Neyung yuba wa gak nang era, sikda Imik Neyung gibnaʾ ek sam Sabat mem sum wa welemna dara, Sabat mem sum yuba blekoka, Imik Neyung ek sam wa welemak bok, sikenek ara malya ululum anggulumakaʾ ara einiwanggulum de?

MATIUS 19:4

Wenyek Yesus ara sikenek, ”Men soko uyimoknya bera, men sum era, nengma ab gel ab uyisuk aro momnya dobokaʾ ara, ugunda anam einiwanggom de?

MATIUS 21:16

Dara sikja Yesus ak, ”Sikda an wenyalamakaʾ ara, anda kelam de?” hyek. Wenyek Yesus adya, ”Yo, naba kenadyok umna,” hyookanya, ”Mab ab, momden mab eb dara, perob senewoka giblenokaʾ aboka, anda unusulum, an momnya dobokaʾ ara, ugunda eininggululum de?” hyok.

MATIUS 22:31

Bok nimi somoklomak nimi nidyaʾ embengaʾ suboka buknemak an yub era, bukuk sam momnya dobokaʾ ara eininggululum de? Imik Neyung adya lebokaʾ ara:

MARKUS 12:10

Ugunda ban yub en Imik Neyung yuba momnya dobokaʾ ara, hnon eininggululum de? Nim e son nang edya lorob girik era, men beiyiboka sunun girika dangoka ulumla.

MARKUS 12:26

Alda nimi somogamna nim embengaʾ suboka bunaʾ ak sam amba dara, ugunda Musa bedya gel ek uk bokaʾ ok singilimokaʾ amba leboka, momnya dobokaʾ ara hnon eininggululum de? Dara ban momnya dobokaʾ ara, Nara Abraham bedya Imik Neyung, Ishak bedya Imik Neyung, Yakub bedya Imik Neyung ulumna, aboka lebok.

LUKAS 10:26

Danyek Yesus adya benyek an lebokaʾ ara, ”Imik Neyung adya unuwanalum an yuba bukuk sam ara, hekaʾ aro momnya dobok do? Anja dara, nera hekaʾ ak lebok senelelam do?” aboka saaboka heibok.

LUKAS 6:3

Wenyek Yesus adya sikenek lebokaʾ ara, ”Ugunda Daud bedya unumokaʾ ara, alab neikaʾ balamek nang eb dara, gwaneng ok ubsuk dara, alja unumokaʾ anyek, Imik Neyung yuba bukuk momnya dobokaʾ ara, ugunda einiwanggublum de?