MATIUS 11:22 - PERJANJIAN BARU NALCA YUBA

²² Ugunda banyek pe seiniwoka beknelum! Soko sidyaʾ daknamla sum era, Tirus mok nim eb, Sidon nim eb dara, or sikenek mek so obnesil bok, ugunuk dara, hyak nauba obnesil!

MATIUS 11:22 ပူးပေါင်းရင်းမြစ်များ

MATIUS 10:15

Ban dib lebsin, Soko sidyaʾ daknamla sum era, Sodom heik nim eb, Gomora heik nim era, Imik Neyung adya dara, sikenek igina kwesinaʾ ara mek so bok, ugunuk lek henesak nim ek dara, igina nauba danamla!” hyok.

MATIUS 11:21

Dara, ”Korazim heik o, anda hyak omom nongaʾ ak ululam! Onoʾ Betsaida heik amba hyak omom nongaʾ ak ululam! Ugun gangganek an unulamna senenggomaʾ lok soʾ ara Tirus mok eb Sidon mok eb seleb unusinya dara, anasa sikda nidyaʾ sikja hukuk sam aso lob golubdangoka, seleb malya unaʾ ak ab loboka ganya dangamnaseng.

MATIUS 11:24

Ugunda banyek seiniwanalum, soko sidyaʾ daknamla sum era, Sodom nim ek dara, Imik Neyung adya sikja malya unaʾ amba mek so obnesil bok, ugunuk dara, nauba so obnesil!” hyok.

MATIUS 12:36

Anasa ugunda pe seiniwoka beknelum: Soko sidyaʾ daknamla sum era, nimi wen salyaʾ yuba saro ulumaknya nidyaʾ amba, Imik Neyung adya, anaso lelemek aboka, laga yana lelewanasil.

LUKAS 10:14

Soko denghenemla sum era, Sidon nim eb, Tirus nim eb dadya, malya unaʾ amba mek so obnesil bok, ugunuk dara, nauba obnesil.

IBRANI 2:3

nunda senenggom blebsinaʾ damok ek, dolbaleka gebnesibya dara, igin eleknaʾ lobnesusu de? Ban blebsinaʾ damok enera, Wenelesilnya bedya men leb elegesuukanya, alak ab kemek nim edya, nuk aldib an beknaʾ elegesik.

2 PETRUS 2:9

Anasa ban eini lebmanaʾ adya eillilemab. Imik Neyung ara alak ella uboka, pe ulumak nim era, sikenek yokaʾ-yokaʾ adya geregoka malya nenelesil sum era, har so blebnamnaʾ ara pe ella ulumla. Dara onoʾ Imik Neyung ara, nimi malya ulumak nim era sidyaʾ daknamla sum ek henga geregoka yana lelewanamna senewoka, ban amba bo unaʾ ara alda ella ulumla.

2 PETRUS 3:7

Bok wen an ulumla im eb soko ab dara, Imik Neyung yub adya bo ulumlaʾ ara onoʾ eimik uka dabnamlaʾ ak ulumla. Wera soko ab im ab dara, Imik Neyung adya or bo ulumlyaʾ ara, nimi malya unaʾ hwam ok ulumak nimi yana lelewanesil sum enyek, uka dabnamla.

1 YOHANES 4:17

Sokok anyeb, numba Kristus ulumla sok, unu ulumeibya anasa, Yesus adya yana lelewanasil sum era, wera asaʾ ganya bobnemab aboka, wanaʾ unaʾ ara nu lomok kalasil.

WAHYU 20:11

Dara onoʾ eimik so era, yok hyak senenggom geisa ekla bunaʾ ek, ana dubuk ara, alak bukumokaʾ ak eibsa. Dara, im ab soko ab, benedyaʾ hogunguk ak ab dengaro lobok adya, ban danedya oulyang era, orokaʾ dok.

WAHYU 20:12

Dara onoʾ nimi nidyaʾ, mek nimi, nauba nimi, seleb somogorobnya nera, senenggom ekla bunaʾ beremek sam seklemekaʾ ak eibsa. Anya, momnya dolomok buku gong era, pika bakloro yibuk. Dara onoʾ yok buku hnon, nim embengaʾ un buku enyek, hnon bakok. Wera nimi nidyaʾ somogomek nim, embengaʾ ulumeka wenyek, sikja unulumek ununaʾ gong era, buku enyek an momnya dolosukaʾ sunuwoka, sikenek yana lelewosuk.