MATIUS 11:14 - PERJANJIAN BARU NALCA YUBA

¹⁴ Anasa ugunda alak or dib senewanamna senewomun dara, Yohanes bera Elia be an lunuwoka ulumla an, al yanamokaʾ amba dara, ununumnaʾ lelemek nang edya orowek lebgogomek.

MATIUS 11:14 ပူးပေါင်းရင်းမြစ်များ

MATIUS 11:13

Anya Yohanes be yanggom salek era, Musa bedya unuwanalum an yub ab, ununumnaʾ lelemek nang edya neksik yub eb dara, eimik yokaʾ unuwanamla yub ok leboka neklesik.

LUKAS 1:17

Anya alda Wenelesilnya bek ab dara, alak men yuba lero bokol yangganya danamla. Dara alda Elia be ulumok sok, eili bera alaʾ me ak ganya dangawoka, ganya malya nim era pelemak nimi ganya ak dangawoka unuwanokaʾ aboka, hyak migibnya senenggomnya ulumnamla. Ban unuwanamlaʾ adya, Wenelesilnya bemba nimi nauba orowek meewoka beibnamla,” hyok.

YOHANES 16:12

Nara yok-yok yuba nauba ugunuk lebnesisinya bok, wenyek dara, ugunuk hyak igin ubnesuso.

1 KORINTUS 3:2

Men dara, gasa denaʾ demenggom ululumaʾ anasa, nauba nimi delemak denaʾ ek gom, alda moum den mabo delemak denaʾ ek elegeisisa. Bok, ugunda weneba okoka ganya kanaʾ loboka anam salyaʾ lelem ululum.

WAHYU 20:4

Dara onoʾ, nara perob ekla bunaʾ mandebnaʾ enyeb, an eilibik bulumek nang eb, hnon eibsa. Wera ban nang danyek, nimi yana lelen migib elegosukaʾ ak hnon eibsa. Dara onoʾ al neikek anera, nimi nidyaʾ Yesus bek laga leboka Imik Neyung yuba lero yabanaʾ amba leboka, ya nganga dakoka osik nang ganya ek hnon, eibsa. Sik an nang era, ban yu nongaʾ nong ak hnon, yokaʾ ak al nong sunuwoka memenaʾ ak anyek, gibnenggulumek nang. Dara ban nang dara, bisaʾ ak giblemak nang era an aboka, beknaʾ dibaʾ asok ak gom, soruk ak gom, an beknaʾ beilinaʾ era, orok nang. Ban nenesa leboka, sikda embengaʾ subeekanya, Kristus ab neikaʾ dub nang dangoka, seribu gibnaʾ ulumlya salek era, nimi nidyaʾ sokok nim ek wenewoka bo ulumekaʾ ak eibsa.