MATIUS 11:11 - PERJANJIAN BARU NALCA YUBA

¹¹ ”Ugunda pe beknelum! Nimi nidyaʾ sokok anara hnon senenggomnya unaʾ hyak orok bok, Yohanes bek alak ok hnonok senenggomnya ulumla. Alda anaso ulumlaʾ anaba, Imik Neyung wenesinaʾ ak mekaʾ ululanya benyek senenggomnya ulumlakanya, Yohanes bera alda onoʾ mek so ak ulumla.

MATIUS 11:11 ပူးပေါင်းရင်းမြစ်များ

MATIUS 11:10

Anasa ban Yohanes benyek Imik Neyung yuba bukuk sam men momnya lero dobokja, Nadya boksenya bera ban e, anda anam bok, alak men pika yarawolulaʾ aboka bokol binimna, wenhyok ara momnya dobok,” hyok.

MATIUS 11:12

Yohanes bera alda anam yuba lelemok salek ebaʾ moruwoka, nim Imik Neyung wenesinaʾ ak ulumak nim era, yok senenggom nang dangoka ulunob senelemak nang edya malya nenewoka ol neblesak.

MATIUS 3:1

Ban salek enyek, Yohanes Pembaptis ara Yudea sokok hwalek sam yeiniboka Imik Neyung yuba lelemok.

MATIUS 3:11

”Nak dara, malya unaʾ ak ab seleb ganya dangawak anaʾ dibaʾ amba, mek dem adya ok dalasin bok, nak berem eimik yanalanya bedya dara, alda ugunuk Imik Neyung Geisinya ab uk ab dadya, mek dibaʾ dabnesil. Nak dara or mek so bok, alak dara, hyak senenggomnya bek yanamla. Alja yan ongonaʾ anaba, nak dara doboka bobnenggunusinya.

MATIUS 5:19

Anasa wera, heknedya ban momnya dobok yuba danyek, hnonok mekaʾ sibin bleklamla dara, anya yok nim ek ugumba anaso unuwolulum aboka wenelesil dara, bera Imik Neyung wenesin heikek ara hyak mek nongnya danamla. Bok alda heknedya yok nim ek anaso unuwanalum aboka nim ak neklesil dara, Imik Neyung wenesin heikek sam senenggomnya danamla.

LUKAS 1:15

Anasa alda, Wenelesilnya bedyaʾ saramek ab senenggomnya danamlakanya, yu mek gom, anggur dok mek ab dara, denggulumnamla. Anya alda anam beiblya salek ebaʾ ara moruwoka, Imik Neyung Geisinya adyok deknewoka ulumnamla.

LUKAS 7:28

Nara ugunuk wenyhenesin anyek beknelum, Nimi gelewa adya nidyaʾ sokok an beillilimakaʾ ulumak nim era, Yohanes bek senenggomnya ulumla sokaʾ ara, hnon mekaʾ alsonya bera hnon unggulumek. Bok, alda nim Imik Neyung wenesin heikek ara, hyak mekaʾ anyek ululanya benyek ara, Yohanes bera mek so bok, alak danyek senenggomnya bek ulumla,” hyok.

LUKAS 9:48

Anya onoʾ sikenek, ”Heknedya nadya si, nasamba leboka banaso me nenyek dolomla dara, alda nak dolonel. Wera nak dolonelnya bera, alda na bokol yeilinyoknya bek dolomla. Anasa wera, ugun gangganek anyek hyak mek sonya ululanya benyek alda senenggom so ulumla,” hyok.

YOHANES 1:15

Yohanes bedya alsamba geklewoka nekesuk. Hnon wenyaro lelemokaʾ ara, ”Nak dara eimik, alda orowek men ulumokaʾ anasa, al eimik yanalanya bera, alak dara senenggomnya, nak dara meknya, wenyamsaʾ ara, ban benyek lemsa,” hyok.

YOHANES 1:27

Alda eimik nak yanalanya bera, alda senenggomnya bek anasa, nara meksonya bedya dara, alja yan ongonaʾ henga loboka gwiriwanggunusinya,” hyok.

YOHANES 10:41

Dara, nimi nauba Yesus ak yalamek. Wera onoʾ sikja dara, ”Yohanes Pembaptis bera alja dara, yokaʾ-yokaʾ hnon lok so beknaʾ dibaʾ ununaʾ orok bok, alda yub adya ok benesemba nekoka unuwanamla alamokaʾ ara aldib lelemok,” alamek.

YOHANES 3:30

Alak dara, hyak nauba danggiga balamnelabok, nak dara mek danggiga balamnenel,” hyok.

YOHANES 5:35

Yohanes Pembaptis bek, alda wesaʾ yebnaʾ dibaʾ ulumok. Dara alda yeblemok salek era, li hnonok perob senelum.

YOHANES 7:39

Yesus adya ban wenhyoknya nera, Imik Neyung adyaʾ Geisinya benesa lemok. Ban salek era, Yesus si anam imik nenewanggumekaʾ anasa, Geisinya bera anam eleganggusukjok, Yesus alak dib senewanamak nim era Geisinya dobnamak aboka lelemok.

1 KORINTUS 15:9

Wera nak dara, Imik Neyung yuba donaʾ nim ek nauba olosisaʾ anasa, nak dara, hyak soko nong ok an Wenelesilnya bedya yuba lenaʾ gaknya ulumnakanya, wera Imik Neyung yuba lenaʾ gaknya hengguneneseng senelamna.

1 KORINTUS 6:4

Dara wera, ugun yuba dololumaʾ gangganek an yokaʾ-yokaʾ lanawanamso dara, wera ugunub neikaʾ yuba donaʾ orok nim ek, nunsamba yana lelewanesulum aboka molowanasom de?

EPESUS 2:3

Nunda nidyaʾ anaba, youmaʾ dara, bleklemak nimi gangganek uboka, malya unaʾ hwam ok uboka, nunja ganya adya hnon, nong adya unuwonun senemnaʾ ok perob daso senewoka nenyek ok unulumouba. Dara, ban unulumoubaʾ adya, nunda yok nim ulumek sok, Imik Neyung adya yu ganya boboka obnesusoʾ ak sam ulumouba.

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.

2 TIMOTIUS 1:10

Anya wera, Imik Neyung adya alja wanaʾ unaʾ era, nuk blebsinaʾ dubnya Yesus Kristus laga dangamokaʾ adya laga amasuk. Yesus adya somoknaʾ migib era seleb yugoma nenewoka, alja perob lero yanggan yuba pik uboka dib embengaʾ ulmoubnaʾ damok ara, alja bo yeiniboka laga amasuk.

IBRANI 11:40

Anasa Imik Neyung ara nusamba dara, hyak perob nongaʾ anyek meewoka beillilisil. Anya nuk orok dara, sikda pe munaʾ pel daknaʾ ak ara binggunuseng.

1 PETRUS 1:10

Ban ugunja ganya blebsinaʾ nong anasa leboka, youmaʾ ununumnaʾ len nang era ella ubsibya senewoka eboka dulumek. Hnonda ugunja ganya blebnesilaʾ anyek, sikda orowek lelemek.