MATIUS 10:4 - PERJANJIAN BARU NALCA YUBA

⁴ Wera hnonda asaʾanya alameknya Simon beb, eimik Yesus ak obnelum aboka yuba dil bilimoknya Yudas Iskariot beb, ulumek.

MATIUS 10:4 ပူးပေါင်းရင်းမြစ်များ

MATIUS 26:14

Dara onoʾ Yesus adyaʾ obadyaʾ alja yuba doro diriga ban nanga, ben hnon alja si Yudas Iskariot bera, Yahudi nim edyaʾ Imik Neyung yuba wa gakaʾ dub nang ek byuk.

MATIUS 26:15

Wera Yudas bera, nang enyek an, ”Yesus anyek, nadya ugunuk doboka eleganesin dara, ugunja nak ara, hekaʾ ak eleganenulum do?” wenyaboka heibok. Wenyek dub nang era, rupiah einiwoka perak rupiah denga hnonok, Yudas bek elegek.

MATIUS 26:2

”Li penya sum ublya dara, welenaʾ orok roti gwanenga den sum danamlaʾ ara, ella ululum. Anya nimi dibaʾ me nera oboka gal ak glabnokaʾ aboka doboka eleganemak!” hyok.

MATIUS 26:47

Yesus anam wenyaboka yuba salamok salek, alja obadya yuba doro diriga ban nang ben hnon, alja si Yudas beb, nimi yok nim nauba hnon, oldan gab eb doluknaʾ gal mal ab bomek nang edya, neikaʾ alablaboka yek. Wera nang dara, Imik Neyung yuba wa gakaʾ dub nang eb, mok soko dub nang eb dadya, orugeisik nang.

MATIUS 27:3

Wera Yesus amba yuba dil bilimoknya Yudas bera, Yesus ara seleb oboka dibnemak an yuba kebok dara, alda angoo salya ubsa senewok. Dara yuba dil bilimokaʾ amba aboka perak rupiah dengaʾ hnonok elegemekaʾ ara, Imik Neyung yuba wa gakaʾ dub nang eb, Yahudi soko dub nang ek sik dam nang lolonggol busuk.

MARKUS 14:10

Dara, Yesus adya yuba doro diriga ban nang, obadya nang ek ab, be hnon alja si nera Yudas Iskariot bera, yuba wa gakaʾ dub nang ek, Yesus amba, sikenek yuba diringgel byuk.

MARKUS 14:43

Yesus ara anam yuba salamok sab-sab, alja obadya yuba doro diriga ban nang ek ab, ben hnon Yudas alameknya bera lanawok. Dara parang ab, doluknaʾ gamaʾ ab, bomek nang enera, sikda yuba wa gakaʾ dub nang eb, yuba neksin nang eb, Yahudi soko dub nang eb dadya, henga goubnelum aboka orugeisik nang eb, Yudas beb neikaʾ yek.

LUKAS 22:3

Wera Satan ara Yudas yok si nera Iskariot alameknya, Yesus adya alja yuba doro diriga bannya bek wekel yok.

LUKAS 22:47

Yesus ara wenyaboka anam yuba salamok sab-sab, nimi buma hnon lobmekja oka yek. Yesus yuba doro diriga bannya, Yudas bedya huka bosuk nang ek yek. Dara onoʾ Yudas bera Yesus ak oka biniboka u meka hmobnunaʾ aboka ul yabok.

YOHANES 13:2

Yesus ab, alja yuba don nang eb, inimokaʾ anasa delemek. Iblis adya, Simon bedya me Yudas Iskariot bek, Yesus bek yuba dil bululaʾ aboka, ganyek seleb orugomok.

YOHANES 6:64

Bok ugun gangganek an, nimi hnon dib senenggululum,” hyok. Ban wenhyokaʾ ara, hek nang dib senewanggunumakaʾ hnon, al nong ak obnelum aboka yuba dil binimoknya benyek hnon, orowek ella ulumokaʾ anasa, lebok.

YOHANES 6:71

Ban wenhyoknya nera, Simon Iskariot bedya me Yudas bera, obadya nang ulumekjok, al hnonok yuba dil binimoknya benesa lemok.

RASUL 1:13

Dara, sikda Yerusalem heik ara sik ulumek ek biniboka, hyak imik somek ek dub nong ok biniboka welewoka ulumek. Dara, ban ulumek nim era, hnonda, Petrus, Yohanes, Yakobus, Andreas, Pilipus, Thomas, Bartolomeus, Matius, Alfeus bedya me Yakobus, Simon Patriot, Yakobus bedya me Yudas beb, ulumek nim era an.