MATIUS 10:38 - PERJANJIAN BARU NALCA YUBA

³⁸ Anya heknedya aljaʾ igin yakaʾ doboka, nak diriga yanggananaʾ oroknya bera, alda nadya yuba donaʾanya henggunuseng.

MATIUS 10:38 ပူးပေါင်းရင်းမြစ်များ

MATIUS 16:24

Dara onoʾ Yesus adya, alja yuba doro diriga ban nang ek, ”Nimi nak diriga yanenyak aboka dara, alak perob danasonya nera hibigalyekanya, aljaʾ igin yakaʾ doboka, nak diriga yalanulul.

MATIUS 27:32

Dara Yesus oboka dibnobaʾ bo bek salek, Kirene mok ebnya alja si Simon bek eibek. Dara sikda benyek an dukaʾ lolom-lolom aboka, Yesus adya oboka glabnemek gal era, alak boblom aboka boyiwek.

MARKUS 10:21

Wenyek Yesus adya dubnya bek an kemeboka yadyek senewoka lebokaʾ ara, ”Nidyaʾ ara pe unululam bok, hnonok lololam. Anasa anda wera bimenekanya, anja bonaʾ nidyaʾ ulumlaʾ ara yok nang ek dekoka, deknaʾ dobmenekanya, bonaʾ garan nim ek eleganalam. Dara nenesemba lunuwoka, imik heikek beillilisil bonaʾ enyek dobnelam. An unuwamenek ab danyek, wera anda nak yamenekanya, diriga yalamnanelem,” hyok.

MARKUS 8:34

Dara Yesus ara anyagan nauba longomek nim eb, alja yuba doro diriga ban nang eb, ”Wei, keblulum!” hyookanya sikenek, ”Nimi be hnon nak diriga yananel aboka dara, alak perob danamlyaʾ digumaʾ ara, hyak gobdo loboka, aljaʾ igin yakaʾ doboka, nak diriga yalalul.

LUKAS 14:27

Heknedya aljaʾ igin yakaʾ loboka, nak yanggananaʾ oroknya bera, alda nadya diriga bannya danggunumla.

YOHANES 19:17

Wera, Yesus ara alak oboka glabnemek gala, al damnya doboka bobok dara, nimi huk yanggol meinik, Ibrani yub adya dara, Golgota mein aboka silimek meinik sam bo byik.