MATIUS 10:2 - PERJANJIAN BARU NALCA YUBA

² Ban obadya yuba lenaʾ gak nang dadya sikja si nera, mennya bera Simon (yok si nera Petrus alamek), hnonda alja weis Andreas, anya hnonda Yakobus, onoʾ alja weis era Yohanes, sikda penya dara, Zebedeus bedya mabo.

MATIUS 10:2 ပူးပေါင်းရင်းမြစ်များ

MATIUS 17:1

Wera lika hnabbadya sum seleb ubek dara, Yesus ara Petrus beb, Yakobus beb, Yakobus bedya weis Yohanes eb, neikaʾ senenggomaʾ imik welemok meinik sam welewek. Anyagan ara sikbeyok ulumek.

MATIUS 20:20

Wera Zebedeus alaʾ gel ara alja mab eblaboka Yesus ak yek. Yesus adyaʾ saramek sam oumuwoka giboka yokaʾ hnon molowanamna hyok.

MATIUS 26:37

Dara Petrus beb, Zebedeus bedya mabo moumenaʾ penya uboka bo busuk. Anya Yesus ara ganya igina berewoka, engenaʾ ganya beibuk.

MATIUS 4:18

Yesus ara Galilea meka gem pik dongora yabalamok dara, nimi penya hadyaʾ dolorek nang eibsuk. Wera nang dara, ben hnonda Simon (yok si nera Petrus) beb, alja weis Andreas beb eibsuk. Sik penya nang era hadyaʾ dolorek nang ulurek anasa, hadyaʾ oumaʾ aklenga mek ak doroklorekaʾ ak eibsuk.

MATIUS 4:21

Wera neik mek gem era, Yesus ara anam yabalemookanya, onoʾ yok noungusuk penya nang hnon eibsuk. Nang dara, Zebedeus bedya mabo moumenaʾ Yohanes beb Yakobus beb eibsuk. Ban penya nang dara, sikjaʾ neyung beblaboka hadyaʾ oumaʾ aklenga mek ekla bunaʾ ak sam memelemek. Dara Yesus adya, ugunda nak yoururum aboka ebsuk dara,

MARKUS 1:29

Wera Yesus ab alja yuba doro diriga ban nang eb dara, Yahudi nim edya yuba don ek ab gobek dara, Yakobus beb, Yohanes beb, sikda neikaʾ Simon Andreas, sikja ek sam byik.

MARKUS 13:3

Yesus ara onoʾ Zaitun meinik sam biniboka, Imik Neyung ek sam kemero bulumok salek, Petrus beb, Yakobus beb, Yohanes beb, Andreas beb dara, sikbeyokaʾ Yesus ak heibek,

MARKUS 6:30

Dara Yesus alja yuba doro diriga ban nanga bokosukaʾ ara, onoʾ saaboka mamagel yek dara, nidyaʾ sikja yuba leboka, unulumeknya nera, Yesus ak unuwouwa aboka nekek.

LUKAS 11:49

Anasa Imik Neyung geremseng adya lelemlaʾ ara, nara eimik ununumnaʾ len nang eb, yuba lenaʾ gak nang eb sikenek bokol binisin dara, darasam obnesak dara, darasam nim era lobaʾ nenewoka malya nenewanasak! hyok.

LUKAS 22:14

Wera den salek oka dok dara, Yesus ara alja yuba doro diriga ban nang eb neikaʾ denobaʾ aboka, ekla ek buk ganagek.

LUKAS 22:8

Anasa Yesus ara, ”Denaʾ meewoka youboka beil binisurum,” aboka Petrus beb Yohanes beb dak orugosuk.

LUKAS 5:10

Wera onoʾ Simon bedya alja hemyabo neikek welemak nimi Zebedeus bedya mabo Yakobus beb Yohanes beb dara, neikso loka dasuk. Danyek Yesus adya Simon bek, ”Anda lok ganya bonggom, mem. Al wene salek ebaʾ ara moruwoka, anda hadyaʾ dololam sok, nimi dol yabalemnelam,” hyok.

LUKAS 9:10

Yesus adya yuba lenaʾ gak nang bokosuk nang era yeekanya, Yesus ak nunda ban unu welemab aboka nekdo yek. Wera dara, Yesus adya ugunda yoululum aboka eboka bobsuk dara, sikbeyokaʾ Betsaida heikek byik. Anedya alda sikeneblaboka sikbeyokaʾ anyegan ulumek.

YOHANES 12:22

Dara wera, Pilipus bedya Andreas bek yuba bo bilimok dara, sikda neikaʾ Yesus ak wenyal bilirek.

YOHANES 13:23

Yuba domoknya Yesus adya wanaʾ nauba ulumoknya hnon, Yesus berem buklingnemok.

YOHANES 20:2

Dara, Maria gera berra aboka Simon Petrus beb, Yesus adya wanaʾ nauba ulumoknya alja yuba doro diriga bannya beb, ulurekaʾ ak biniboka, ”Wenelesilnya bera nim adya hokaʾ beʾ gekman dakoka bo byaakanya, hanyagar gelelenga doknowoka beiyimakaʾ ara nunda elgom ulumab,” wenyal byuk.

YOHANES 21:2

Simon Petrus beb, Thomas benesa yok si nera Didimus aboka silimeknya beb, Galilea sokok Kana heikek abnya Natanael beb, Zebedeus bedya mabo penya, onoʾ yok diriga ban nang yok penya nang eb, mamagoka ulumek.

YOHANES 21:20

Wera, Petrus bera kemel samalemok dara, Yesus adya wanaʾ nauba ulumokaʾ yuba doro diriga bannya bera, eimik dobol balasukaʾ eiyimok. Yesus obnemekaʾ anasa, neikaʾ sidyaʾ deldaklemek sum enyek, Yesus berem bukoka delemoknya bedya, Yesus ak, ”Wenelesilimnya o, anak heknedya oblulum aboka yuba dil bilinggel do?” aboka heimoknya benyek okoka eiyimok.

YOHANES 21:24

Dara ban benyek ara, Yesus adya unulumokaʾ nidyaʾ ak laga lelemookanya, ban yuba domokaʾ momnya doboknya bera alan. Alja nidyaʾ momnya doboka lebokaʾ ara, dib nonga lebokaʾ ara nunda nidyaʾ ella ulumab.

YOHANES 6:67

Dara, Yesus adya alja obadya diriga ban nang ek, ”Ugumbabya hnon binimab senelelum de?” husuk.

YOHANES 6:70

Danyek, Yesus sikenek, ”Wei, ugunda obadya nang enera, nadya sekiyisisaʾ an anano? Bok, ugun gangganek ara, ben hnon bisaʾ me ulumla,” hyok.

YOHANES 6:71

Ban wenhyoknya nera, Simon Iskariot bedya me Yudas bera, obadya nang ulumekjok, al hnonok yuba dil binimoknya benesa lemok.

YOHANES 6:8

Wera dara, onoʾ yok yuba doboka Yesus ak diriga balamoknya Simon Petrus alja wes Andreas bedya,

RASUL 1:13

Dara, sikda Yerusalem heik ara sik ulumek ek biniboka, hyak imik somek ek dub nong ok biniboka welewoka ulumek. Dara, ban ulumek nim era, hnonda, Petrus, Yohanes, Yakobus, Andreas, Pilipus, Thomas, Bartolomeus, Matius, Alfeus bedya me Yakobus, Simon Patriot, Yakobus bedya me Yudas beb, ulumek nim era an.

RASUL 1:26

Seleb molomek dara, beknaʾ danganaʾ bobogomek enyek, Matias bek sam malyinggilimok. Dara, Matias bera goklombadya Yesus yuba lenaʾ gak nang eblaboka neikaʾ welenokaʾ aboka, Yudas be lunuwoka sekiyimek.

RASUL 12:2

Dara al onoʾ Herodes bedya orugosuk adya Yohanes bedya alja weis Yakobus bera waren gabo adya omek.

RASUL 3:1

Dara, onoʾ yok sum enyek, sinik jam tiga anaso dara, nimi mololomek salek seleb dok anasa, Petrus beb, Yohanes beb, molowanomaʾ aboka Imik Neyung ek sam wele balarek.

1 KORINTUS 15:7

Ban nen seleb aabdanggogobok dara, onoʾ Yakobus bek Kristus ara, nara seleb embengaʾ subna aboka aabdanggogobok dara, onoʾ yok-yok yuba lenaʾ gak nanga nidyaʾ ak hnon aabdok.

EPESUS 4:11

Kristus adyaʾ nim ek elegousukaʾ ara, hnonda yuba lenaʾ gak nang elegousuk, hnonda ununumnaʾ len nang elegousuk, hnon nang era Imik Neyung adya perob lero yanggan yuba len nang elegousuk, hnon nang era yuba nekoka gereja bo un nang elegousuk.

IBRANI 3:1

Wera anasa, nadyaʾ hemyabo geisa nim Imik Neyung adya youbsuk nim o! Nunja dib dolomab yuba lenaʾ gaknya bek, Imik Neyung yuba wa gakaʾ dubnya Yesus bek anyek, ugunja ganya ologoka seinilelulum.

1 PETRUS 1:1

Nadyaʾ hemyabo nim o, Imik Neyung adya weboka dobsuk nim, Pontus moka hnon, Galatia moka hnon, Kapadokia moka, Asia uboka Bitinia moka doluwoka obyakasik nim ek, nara Petrus, Yesus Kristus adya yuba lenaʾ gaknya bedya, Imik Neyung adya ugunuk perob eleknaʾ ab, pe unaʾ ab, hyak nauba eleklesulul senelamna.

2 PETRUS 1:1

Yesus Kristus ara nunjaʾ Imik Neyung uboka, blebsinaʾ dubnya ulumlakanya, alda perob nenenaʾ edya dib blebsuk. Dara, nuk dib blebsinaʾ elegosuk sok, ugun hnon ban dib senenaʾ dolum nim ek momnya donaʾ en beibsin. Ban momnya donaʾ enera, Yesus Kristus adya wa arawoka yuba lenaʾ gaknya Simon Petrus bedya ugunsamba beibsin.

2 YOHANES 1:1

Genong Imik Neyung adya an weboka donjok gel geb, anaʾ mab abdak momnya doboka beibsin. Ban momnya donaʾ enera, yuba don nimi bo usinnya bedya, dib yuba lomok uboka ugunuk wanaʾ uboka beibsin. Nera or nadyok wanaʾ unggulusin. Alda nimi nidyaʾ dib yuba ella ulumak nim edya ugunuk yadyek senewoka wanaʾ ulusak.

3 YOHANES 1:1

Hem Gayus wanaʾ nong ulunggenya o! Nara nimi yuba don nimi bo usinnya bedya, dib yuba lomok uboka wanaʾ ulunggenya bek momnya doboka beibgen.

WAHYU 1:1

Ban buku enyek an momnya dobokaʾ ara, Yesus Kristus adya eimik unuwanalanya nemba yub ek ulumla. Imik Neyung adya dara, Kristus ak onoʾ alja wa wen nim ek eimik men berra unuwanamlaʾ anyek aawosululaʾ aboka elegok. Ban nenesa leboka Kristus adya dara, alja lero pik uboka, alja wa wenya Yohanes bek nekok.

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.

WAHYU 18:20

Hnon kebsenya nera, ”Dara Imik Neyung ara, alja ugunuk unulusukaʾ ara, seleb lunuwoka alba dirigalaʾ anasa, wei, imik heik o, ganya heklom. Wei, munaʾ Imik Neyung mab o, yuba lenaʾ gak nang o, ununumnaʾ len nang o, anera hyak pewal senewoka ganya heksulul!” wenyaboka lebokaʾ ak kebsa.

WAHYU 22:8

Dara, nara Yohanes bedya, ban nidyaʾ ara, nadya seleb keboka eibsa. Anya, nara ban nidyaʾ seleb eiyiwoka kebgogowasakanya, nak an yokaʾ-yokaʾ bo amalenyok lero ek an gibnunaʾ aboka, aljaʾ saramek oumuwoka ubsabok,