MATIUS 10:16 - PERJANJIAN BARU NALCA YUBA

¹⁶ ”Ugunda banyek pe beknelumaʾ ara: Nara ugunuk bei gam hnoum domba pam anasoʾ ak boknesin. Anasa ugunda bagaʾ adya geremsengaʾ ulumla sok hnon, yalma wining namen ulumla anasoʾ ak ulululum.

MATIUS 10:16 ပူးပေါင်းရင်းမြစ်များ

MATIUS 24:25

Ban yokaʾ-yokaʾ nidyaʾ ara lanan salek era anam bok, nara ugunuk men wenyhesinaʾ anyek, ugunda keblumaʾ anasa, pe ulululum.

MATIUS 24:45

Dara Yesus ara onoʾ hnon lebokaʾ ara, ”Wera anaso dara, wa arawoka wenya bera, heknyek geremseng uboka pe bojam ulumnamla do? Anedya perob sum dalya dara, wa damnya bedya nim ek denaʾ deb elegosululaʾ aboka, dubnya bera anasonya bek sekiyiwanamla.

MATIUS 25:2

Ban gelewa gong danara, gelewa lambadya dara, geremseng bok, onoʾ yok lambadya dara, dongdang anaʾ gelewa.

MATIUS 25:4

Bok yok lambadya geremseng gelewa dara, uka wesaʾ bomeekanya, uk mek anaba bomek.

MATIUS 25:9

Bok geremseng gelewa edya dongdang anaʾ gelewa ek ara, Ousa era nunjinya nidyaʾ denghesilyek anasa, ugunuk eleganggunusab, orok! Alda ugumba deknaʾ ak eboka yok dekel bululum! hyek.”

LUKAS 10:3

Wera ugunda or bululum! Nara ugunuk domba pam eneso ak bei gam hnoum boksin.

LUKAS 21:15

Ugunjaʾ isaʾ nang edya, ugunuk malya nenewoka obneboka, ugunja lebnemun yub era sondaʾ amba lebak senen dalyek aboka, nadya ugunuk sabnemun yub eb, ella dangan geremseng eb eleganesin.

RASUL 20:29

Nak anyaganyeb ara bannya dara, yu nong bei gam anyek ugun gangganek yanamak. Dara, ugunja bo ulumun nang era, bei gam danadya sikja digin dibaʾ denaʾ danamak ara, ella ulumna.

1 KORINTUS 14:20

Nadya hemyabo nim o, ugunda mek mabo ganya seininaʾ anyek seininggom, mem. Yu ganya boboka malya unaʾ ak sam ak dara, mek moum den mab eneso ulululum. Bok, ganya seininaʾ ak sam ara, ganya kamna nim eneso ulululum.

2 KORINTUS 1:12

Nunjaʾ mek ganya edya dara, nunda sokok an ulumoubaʾ ara, onoʾ nauba so ara ugunuk ulusubnya nek dara, nunda perob ganya adya hnon, perob geisa ganya adya anara unulumoubaʾ anasa, nunda eiya dablesil. Nunja ban unulumoubnya nera, nimi ganya geremseng adya unggulumoub bok, alda Imik Neyung adya wanaʾ uboka eleksinaʾ sunuwoka unulumouba.

2 KORINTUS 11:14

Bisaʾ dubnya Satan anaba, dilinaʾ lero ulumla henokaʾ aboka samal meneklamla sok, sikba sondaʾ anasa yuba len nang abdangoka samal meneklemak dara, loka dabnenggunususo.

2 KORINTUS 11:3

Hawa gek bagaʾ geremseng adya bob geregemok sok, Kristus ak ganya gekman bojam ululumaʾ anyek, bob neneweisilyek senewoka lok ganya bolomna.

2 KORINTUS 8:20

Nunja nimi yok nang ek, ugunja senenggomaʾ bololum bonaʾ elekdo yibinimab dara, yok nim edya meknelelum heisijek aboka, keeboka unuwanemab.

PILIPI 2:15

Ugunda ban nenyek unulumnelum dara, ugun nonga gegena mekaʾ ponaʾ orok uboka, perob ganya boboka, jong ganya ok deknewoka, yu hwam nim eb, malya ulumak nim ek, perob Imik Neyung mab ulumnelum. Ugunda sikenek embengaʾ eleklesil yuba leb eleganemun dara, ugun siksamba sokok an dilinaʾ yebel eleklamla wesaʾ eneso dangoka ulumnulum. Ugunda anasonya nenyek sunuwoka ulumun dara, Yesus Kristus yanamla sum era, nadya ganya eiya dabnenelaʾ gak ara an. Wera ban adya nadya duboka welemna wa nera salyaʾ lelem danganenaʾ loboka, doka yak dal senewanamna.

KOLOSE 1:9

Anasa, an unu ulumak an yub kebub salek eb moruwoka, nunda ugunsamba sobaʾ heng uboka mololdibilloklesab. Ugunda Imik Neyung adya senelamla ganya anyek pe munaʾ gobdo ella ublulumaʾ aboka, yok-yok Imik Neyung ak ab geremseng un ganya ab, yuba domna adya ella un ganya ab, boblulum aboka nunda mololosab.

KOLOSE 4:5

Ugunda yok nim ek ara, geremsengaʾ perobaʾ adya ok ulululum, anya wen an ubla salek ululanya nera, pe salawoka unulululum.

1 TESALONIKA 2:10

Ugun Kristus ak dib senelum nimi gangganek ara, nunda geisaʾ uboka, hyak pe unuwoka, si gegena ponaʾ loboka, ulumouba. Nunja unu ulumoubnya nera, ugumba seleb eillilisulum, hnonda Imik Neyung anaba ella ulusil.

1 TESALONIKA 5:22

Yok-yok so malya unaʾ nidyaʾ leiblelulum.