MATIUS 10:1 - PERJANJIAN BARU NALCA YUBA

¹ Dara onoʾ yok sum enyek, Yesus ara alja yuba doro diriga ban nang ek yoululum aboka ebmamagosuk. Anya sikenek bisaʾ yakoka, nimi nonga malya uboka neiknaʾ salalesuknya hwen damba migib elegosuk.

MATIUS 10:1 ပူးပေါင်းရင်းမြစ်များ

MATIUS 19:28

Wenyek Yesus adya sikenek, ”Ugunda hyak dib senewanalum: Imik Neyung bedya heikek ara, nimi dibaʾ me nera, alak imik nenemlyaʾ adya hyak perob nang ekla bunaʾ ak buknamla. Ban sum enyek, ugunda nadya yubaʾ donaʾ dibaʾ ululum nim era, senenggom obadya nang yilaʾ bun ekla bunaʾ ak sam bukoka, obadya Israeli nang yilaʾ ak yana lelelemnelum.

MATIUS 26:20

Wera seleb iniwok dara, Yesus ab aljaʾ obadya yuba doro diriga ban nang eb neikaʾ bukoka delemeekanya,

MATIUS 26:47

Yesus anam wenyaboka yuba salamok salek, alja obadya yuba doro diriga ban nang ben hnon, alja si Yudas beb, nimi yok nim nauba hnon, oldan gab eb doluknaʾ gal mal ab bomek nang edya, neikaʾ alablaboka yek. Wera nang dara, Imik Neyung yuba wa gakaʾ dub nang eb, mok soko dub nang eb dadya, orugeisik nang.

MATIUS 4:23

Galilea sokok ara Yesus nidyaʾ heikek yibiniboka, Yahudi nim edya yuba don ek sam yuba nekoka ura yabalesuk. Yesus adya Imik Neyung adya eimik era wenewanesil an perob yub enyek nekdo yabalesuk. Dara onoʾ hnonda nimi malya ulusuk nim eb, neiklemek nim eb, nauba hwelesuk.

MATIUS 6:13

Nunda nauba sunulusil ak sam bo yangganggunesilim bok, alda hyak meilinya bek ab blebnesilem. Anda hyak senenggom migib dubnya uboka, anja si nera sobaʾ imik ulmorulumnamla. Amin.”

MATIUS 9:35

Wera Yesus ara nauba heikek bini, mek heikek bini, hnon heikek ebaʾ ara, onoʾ yok heikek bini ura yabalamok. Alda Yahudi nim edya yuba don e pik Imik Neyung adyaʾ perob yuba leb elegoka, hnonda Imik Neyung adya eimik wenewanasilaʾ anyek perob yuba neklesuk. Dara onoʾ hnonda nonga malya ura balasuknya neb, yok-yok neiknaʾ salalesuknya nera nauba hwelesuk.

MATIUS 9:38

Anasa wa damnya bek, gwaneng nonga yongon nanga bokol yousululaʾ aboka, mololelulum,” hyok.

LUKAS 10:19

Ugunda banyek pe kebnalum! Ugunda bagaʾ ab, siribnaʾ ab, yok isaʾ nang migib ab, ugunuk sam hnon malya nenesinaʾ orokaʾ anyek, yan ingib saboka hmenga nenelelulumaʾ aboka nadya migib era ugunuk elegeisisa.

LUKAS 21:15

Ugunjaʾ isaʾ nang edya, ugunuk malya nenewoka obneboka, ugunja lebnemun yub era sondaʾ amba lebak senen dalyek aboka, nadya ugunuk sabnemun yub eb, ella dangan geremseng eb eleganesin.

LUKAS 24:49

Nadyaʾ anaba, Imik Neyung adya ugunuk lebsukaʾ anyek, ugunuk bokol yanasin. Bok ugunda al heik enyek anyek ok ulumunaʾ ara, imik migib era ugunuk goulul yanasil,” hyok.

LUKAS 6:13

Wera dilinaʾ uboka gwelegel yabok dara, alda alja yuba doro diriga ban nang ek, mamagel youlululum aboka ebmamagosuk. Dara bokoka, obadya nang ok Imik Neyung yuba lenaʾ gak nanga danalum bar aboka weboka dobsuk. Wera weboka dobsukaʾ nang enyek, sikenek yuba lenaʾ gak nang aboka si silisak an,

YOHANES 17:2

Neyung o, anja me nek, neyung anja doboka alak elegolum nimi nidyaʾ ak, dib embeng unaʾ elegosulul aboka, migib unaʾ era nimi nidyaʾ ak unuwolulaʾ aboka seleb elegelum.

YOHANES 3:27

Wera Yohanes Pembaptis bedya dara, ”Nim ara Imik Neyung adya sikenek eleganggunususo dara, yokaʾ-yokaʾ dobnenggunuseng.

YOHANES 3:35

Imik Neyung adya alja me nek nauba wanaʾ uboka, yokaʾ-yokaʾ nidyaʾ ara, al adya salawolulaʾ aboka elemok.

YOHANES 6:70

Danyek, Yesus sikenek, ”Wei, ugunda obadya nang enera, nadya sekiyisisaʾ an anano? Bok, ugun gangganek ara, ben hnon bisaʾ me ulumla,” hyok.

RASUL 1:8

Bok, ugunda Imik Neyung Geisinya ugunuk sam seleb yeisilya dara, ugunda migibaʾ dobnelum. Dara, Yerusalem heik ab, nidyaʾ Yudea sokok ab, Samaria sam ab ara, nidyaʾ soko dagolongnaʾ me nidyaʾ, nasamba yuba bo lero yabalemnelum,” hyok.

RASUL 19:15

Bok yaklemek bisaʾ edya sikenek lebsuk, ”Nara Yesus ara ella ulumnakanya, onoʾ Paulus beneba ella ulunabok, ugunuk dara, ugunda hek nang do?” hyok.

WAHYU 12:1

Wera imik ara yokaʾ ak hyak senenggomokanya, okna so beknaʾ ubukaʾ ak eibsa. Dara, gela hnon, alda heing einira boksom dibaʾ ongowoka, walaʾ ara yan damumduk geboka seklemok. Anya alja hukuk ara, dub nang edya goulunaʾ enyek, guraʾ o badya uruwaʾ ak goulumok.