MARKUS 2:2 - PERJANJIAN BARU NALCA YUBA

² Anasa nimi nauba gong-gong longol yeilimek dara, esindamak abaʾ ara, nim ok deknewoka hnon gloʾ orok. Dara, Yesus ara Imik Neyung yuba sikinek leb elegosuk.

MARKUS 2:2 ပူးပေါင်းရင်းမြစ်များ

MATIUS 5:2

Yesus ara sikenek yuba nek einiwoka lebsukaʾ ara,

MARKUS 1:14

Wera Yohanes bera seleb henga gerekoka gasa ek sam beiyimek dara, Yesus ara Galilea sokok sam biniboka, Imik Neyung adyaʾ perob yuba neklesuk.

MARKUS 1:33

Heik enyek an nimi nidyaʾ ara, Yesus bilimok ek esindamok an kiboka mamagal yeilimek.

MARKUS 1:37

Wera sikda Yesus ak eibek dara, ”Neyung o, nimi nidyaʾ ara anak elenjak,” hyek.

MARKUS 1:45

Bok ban hwemoknya bedya dara, hyak nauba yeiriwoka yokok-yokok sam hwebnel aboka nekdo yabalamokaʾ adya, Yesus ara nauba heikek ara laga lanal yanggumok. Alda doknowoka gakdenaʾ gokgobok sam uro yabalamok. Bok anyek babya nimi nauba yok-yok mok ebaʾ ara alak yaldibilloklomek.

MARKUS 2:1

Wera lika wen ubokaʾ ara, Yesus ara saaboka onsok Kapernaum heikek yok dara, Yesus ara anyagan ulumla an yub era oboka lelemok.

MARKUS 2:13

Yesus ara onoʾ saaboka Galilea mek gwan gemek sam byuk dara, nimi nauba alak yalamek dara, Yesus ara sikenek Imik Neyung yuba neklesuk.

MARKUS 6:34

Wera Yesus ara mek ekla bunaʾ ak ab yingginiboka kemelemok enyek, nimi nauba ara seleb longomekaʾ ak eibok. Sikda domba pam yakoka bo usinya orokaʾ anasoʾ ak ulumekaʾ eibok dara, alja ganya era sikenek angoo hyak yadyek senewok. Dara, Yesus ara sikenek yokaʾ-yokaʾ nauba neklesuk.

LUKAS 12:1

Nimi denga sal-salyaʾ anyek dokol dalameekanya, yan ingib sabdangda balamek. Wera nimi dara mamagal yalamek dara, Yesus ara alja yuba doro diriga ban nang ek, ”Ugunda Parisi nang edya roti welenaʾ enyek keeboka diri uldalalulum. Nadya lebnanya nera, sikja sene or-or lelesaknya nenyek lebna.

LUKAS 5:17

Onoʾ yok sum enyek, Yesus ara anam neklesuk salek enyek, anyagan ara Parisi nanga hnon, Yahudi Imik Neyung yuba neklesik nanga hnon bulumek. Sikda Yerusalem ab hnon, Galilea sokok ab, Yudea sokok nimi heikek ab, nimi nidyaʾ yeilimek. Wenelesilnya bedya migib era, neiklemek nim ek hwebsululaʾ aboka, Yesus ak ulumok.

LUKAS 8:1

Nen seleb dara, mandewal henggonggom Yesus ara nauba heikek abaʾ ara hnon nauba heikek uboka, onoʾ mek heikek abaʾ ara hnon mek heikek sam, Imik Neyung adya wera seleb wenelemnesil aboka, perob lero yanggan yuba leb elekgiga yabalamok. Dara aljaʾ obadya yuba doro diriga ban nang eneba alab neikaʾ yabalamek.

LUKAS 8:11

”Wera yinaʾ bo bolol bilimokaʾ sununaʾ damok ara ban: Yinaʾ ara Imik Neyung yuba.

RASUL 11:19

Wera Stefanus bera seleb obek dara, Imik Neyung yuba dolomek nang era, doboka olosik. Dara yok heik yok heik bok sen-senem abgokoka ulumek. Dara, bokdangoka hnonda Fenesia sam yeiri balamek dara, hnonda Siprus sam balamek, hnonda Antiokhia sam balamek. Dara, sikda Imik Neyung adya perob lero yanggan yub era Yahudi nang yokaʾ nong ok leb elekdo yabalamek.

RASUL 14:25

Anyagan ara, Perga heikek Imik Neyung yuba seleb leb elekgogowarek dara, senenggom mek gwan berem Atalia heikek birik.

RASUL 16:6

Imik Neyung Geisinya adya Paulus beb, Silas beb dak, Asia mok era Imik Neyung yuba lel birijek aboka mem hyok dara, loboka sikda Frigia sam hnon, Galatia sam yuba lebgiga birik.

RASUL 8:25

Wera Petrus beb, Yohanes, beb, sikda Samaria nim ek seleb Imik Neyung yuba lebgogowoka, yokaʾ-yokaʾ nidyaʾ laga leboka nekoka seleb ubdek dara, sik penya dara, on pik Yerusalem heikek birik. Dara, pikik balarek ab dara, Samaria heik gokgobok pik mek heik gong pik Imik Neyung yuba leb elekgiga balarek.

ROMA 10:8

Bok alja dara, hekaʾ alamla do? Ara ban: ”Imik Neyung yub ara, ugunja si bamaʾ ak hnon, ugunja ganya ak hnon, hyak ok nong ulumla,” alamla. Wera ban ganya aldib senenaʾ anyek, nunja lero yabalamab yub era an.

2 TIMOTIUS 4:2

Anda Imik Neyung yub ara sobaʾ lel eleklelom. Perob salek gom, malya salek gom, sobaʾ meewoka ululom. Anda nimi ganya dangallilisilom, meilinya nera ban aboka wenelesilom, banyek unuwolulum aboka nimi ganya wekellilisilom. Anda hyak ganya kaboka siklewoka ulumenekanya, pe neklesilom.