LUKAS 9:51 - PERJANJIAN BARU NALCA YUBA

⁵¹ Yesus ara imik do welewanamok salek oka dokaʾ eibuk dara, nara wera Yerusalem heikek hyak binimna aboka gegewok.

LUKAS 9:51 ပူးပေါင်းရင်းမြစ်များ

MARKUS 16:19

Wera Yesus ara, alja yuba doro diriga ban nang ek seleb wenyabgogowok dara, alda imik heikek sam welewookanya, Imik Neyung adya sirik sam bukok.

LUKAS 12:50

Yokaʾ unuwanenelaʾ ak dorongganenel. Ban nidyaʾ unubdaknenggunelya salek era, nadya ganya era hyak ingmuna berelenel.

LUKAS 13:22

Yesus ara Yerusalem heikek bununaʾ aboka anam pik balamok ok ab dara, alda nauba heikek hnon mek-mek heik pik yuba leb elekgiga balamok.

LUKAS 17:11

Yesus ara Yerusalem heikek anam balamokok ab dara, alda Galilea mok eb uboka Samaria moka wiknebaʾ pik uboka balamok.

LUKAS 18:31

Yesus ara alja yuba doro diriga ban nang ek sikbeyokaʾ ak mamagiyiwoka lebsukaʾ ara, ”Ugunda pe keblulum! Nunda wenera Yerusalem heikek balamab. Dara, Yerusalem heikek ab dara, ununumnaʾ lelemek nang edya nimi dibaʾ me nemba leboka momnya dorobaʾ nidyaʾ ara, gigiwoka unuwanamla.

LUKAS 19:11

Yesus ara anam yuba salamokaʾ anasa kelemek salek, nim adya dara, Yesus ara Yerusalem heikek berem ulumokaʾ anasa, Imik Neyung adya wenyok nong sokok sam wenelemnesil senemekaʾ anasa, wera onoʾ ban sununaʾ enyek hnon sunuwoka lebsukaʾ ara,

LUKAS 19:28

Wera Yesus ara banyek nidyaʾ laga wenyaboka lebgogowok dara, alda Yerusalem heikek sam mengewoka balamok.

LUKAS 24:51

Ban unul yabok sab-sab, alda sikenek ab bokdangoka, imik heikek doboka bo welewok.

LUKAS 9:57

Wera Yesus ab alja yuba doro diriga ban nang era pikek anam balamek dara, nimi ben hnon Yesus ak yeiniboka, ”Neyung o, anda hek mok ok binimenaʾ nidyaʾ ara, nara al anab neikaʾ ok yabalemnenam,” hyok.

YOHANES 13:1

Paskah sum era ampum so dok dara, Yesus ban sokok anara loboka, aljaʾ neyung bek binimok salek era oka dokaʾ ara ella ubok. Sokok an alja yuba dolomek nim ek sobaʾ wanaʾ ulusuk sok, onoʾ sirikaʾ daknamok sum eneba wanaʾ ubsuk.

YOHANES 16:28

Nara Imik Neyung bek abaʾ ara sokok yeilimsa. Dara, onoʾ wen saaboka sokok loboka Neyung bek binimna,” hyok.

YOHANES 16:5

Nara wen na sokok bilom aboka bokol yeilinyoknya bek binimna. Bok, ugun gangganek ab ben hnonja, Anda hekmok balalam do aboka heibnenggunulum.

YOHANES 17:11

Nara sokok an loboka anak yanamnaʾ anasa, anyagan unggulumnamna bok, sikenek dara, sokok an or ulumnamak. Anasa, Neyung geisa ululamnya o, anab nab neikaʾ denewoka ulunam sok, sikbabya hnonok nong ulunokaʾ aboka, anja nak elegenulum si migib edya, sikenek bleboka bo ulumnesilim.

YOHANES 6:62

Wera nimi dibaʾ me nera onsok saaboka youmaʾ ulumsaʾ ak welewanyaʾ eibmun bok dara, hekaʾ hubnalum do?

RASUL 1:2

Yesus ara alda anam imik heik sam binggumok salek, Imik Neyung Geisinya migib adya arawoka, nadya yuba lebnokaʾ aboka yuba lenaʾ gak nang ek anyek pe unuwanalum aboka wenewoka neklesuk.

RASUL 1:9

Yesus ara ban seleb wenyaboka lebgogomok dara, onoʾ alda sikja hogunguk ak sam uboka, henga kemelemek bok, imik heikek welok dara, kemelemekaʾ gangganek debaʾ adya sereklemok.

EPESUS 1:20

Kristus nonga nimi somoknaʾ lomok ab embengaʾ suboka bukiyiwookanya, Kristus ara, Imik Neyung ab neikaʾ ulumnerak aboka beibuk. Dara ban migib enyek, nunsamba ulusil migib era anasoʾ ak ulusilaʾ anyek ella dololumaʾ aboka mololesin.

PILIPI 3:14

Ban nenesa leboka, nak men sidyaʾ eini ulumlaʾ anyek, yeiriwoka dobnun senewoka dulumna. Dara, Imik Neyung adya Yesus Kristus lomok pik uboka nuk youbsukaʾ ara, imik heikek weknokaʾ aboka youbsukaʾ anasa, nara eleganesin senelesilnya nenyek dobnunaʾ aboka dulumna.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

1 PETRUS 3:22

Wera Kristus ara imik heikek Imik Neyung sirikek sam bindewoka, lero nang ek hnon, nidyaʾ dub nang ulumakaʾ ab, senenggom migib ulumlaʾ nidyaʾ ara alja yuba kelemak.