LUKAS 9:45 - PERJANJIAN BARU NALCA YUBA

⁴⁵ Bok Yesus yuba doro diriga ban nang edya dara, Yesus adya wenhyok yuba damok era, anasa lebla senewoka ella danggumek. Sikenek dara, ganya onga lesuk. Bok onoʾ sikjaʾ anaba Yesus ak hekaʾ ak leblam aboka heinaʾ ara lok anasa, lobek.

LUKAS 9:45 ပူးပေါင်းရင်းမြစ်များ

MATIUS 16:22

Wenyek Petrus bedya Yesus anyek, al dam gliri beildil yeiniboka lebokaʾ ara, ”Wenelesilimnya o, ban era hyak unuwanggunununjak, orok!” hyok.

MATIUS 17:22

Wera Yesus adya yuba doro diriga ban nang era, sikda Galilea moka ulumek sum enyek, Yesus adya sikenek, ”Nimi dibaʾ me doboka nimi soruk ak eleganamak sum era, wera mabdabnenggunumla.

MARKUS 9:10

Anasa, sikda Yesus adya an wenyaboka lebokaʾ ara, ganya lomok bobekjok, sik moumen, ”Somoknaʾ ak ab embengaʾ suboka bukiyiwanamla, helaʾ anyek, damok ara, hekaʾ ak lemla do?” aboka heibdangdo yabalamek.

MARKUS 9:32

Bok sikda alda anyek lelemla senenaʾ ara, elgom umek bok, lok anasa, alak heibnenggumek.

LUKAS 18:34

Ban nidyaʾ wenyalamokaʾ ara, Yesus alja yuba doro diriga ban nang edya dara, mekaʾ sibin anaba hnon damok ara anyek lelemla senewoka ella danggumek. Ban lelemok yuba damok era, doknonanya nenesokaʾ ak ulusuk. Anadya sikda alja lelemok yuba damok era, anyek lelemla ara elgom ulumek.

LUKAS 2:50

Bok sikda alja wenhyok yub era, damok ara anasa leblaʾ senewoka pe ella danggurek.

LUKAS 9:46

Yesus alja yuba lenaʾ gak nang edya dara, heknya ek nu gangganek ara senenggom so ulumla do aboka waldanaʾ lanawek.

YOHANES 12:16

Yesus adya alak diriga ban nang era, anam salek era, ella danggumek bok, Yesus anyek seleb imik nenewok danyek, Imik Neyung yuba youmaʾ momnya domekaʾ ara alsamba lebokaʾ ak an, wen unulumek senewoka seinimek.

YOHANES 12:34

Dara nimi nauba longomek nim edya Yesus ak lebekja, ”Nunda Musa bedya unuwanalum an yuba kemoubaʾ ara, nimi blebsinaʾ dubnya Kristus bera sob-sobaʾ ulmoublemnamla wenhyokaʾ ella ulumab bok anasa, nimi dibaʾ me nek eimik imik nenewanamla alamla dara, nimi dibaʾ me nera heknyek lelelam do?” hyek.

YOHANES 14:5

Thomas bedya saaboka, ”Wenelesilimnya o, an binilamaʾ ak ara, nunda elgom ulumabaʾ anasa, hekaʾ huboka pik era ella danasibya do?” hyok.

YOHANES 4:33

Dara, alja diriga ban nang era, sik moumen heibdangdo balamek. ”Nimi hnon alsamba denaʾ bo yeilimak de?” aboka heibdangdo balamek.