LUKAS 9:26 - PERJANJIAN BARU NALCA YUBA

²⁶ Nimi ben hnon nadya lelemna yub eb, nasamba danyek laga lenaʾ ara alya anasa lolonelnya bera, nimi dibaʾ me yanamla sum era, Imik Neyung Wenelesilnya bedya migib eb, geisa ulumak lero nang eb senenggomaʾ yanamak sum era, nababya alya anasa, benyek albabya alja si laga lenaʾ lobnamna.

LUKAS 9:26 ပူးပေါင်းရင်းမြစ်များ

MATIUS 16:27

Duboka mandenaʾ loboka, nimi dibaʾ me neb, alja lero nang eb, alja neyung bedya nong senedyaʾ pik uboka yanamak. Ban sum enyek, nimi nidyaʾ sikja unulumekaʾ sunuwoka yok-yok deknesil.

MATIUS 25:31

”Nimi dibaʾ me alja nong senedyaʾ gebman yanggalya sum era, alja lero nanga nidyaʾ ara akneb ganagoka yanamlakanya, aljaʾ perob ekla bunaʾ ak sam dubnya senenggomnya geknebaʾ dangoka bulumnamla.

MATIUS 26:64

Anasa Yesus adya sikenek, ”Ugunja yub edya alan seleb wenyhelum an. Nara ugunuk dib lebnesin, Ban sum enyek moruwoka, nimi dibaʾ me nera Imik Neyung migibnya bedyaʾ sirikek sam bukla, anya alda imik sam debaʾ hnoum pik yanamla ak, eibnelum!” hyok.

MARKUS 8:38

Yu hwam uboka malya unaʾ lomok an unulumak salek wen, na nong ab, nadya neklesin yub eb danyek, ugunda alya amba nim ak laga lel eleknenggulumun dara, alda alja neyung bedya nong unaʾ lomok senenggomaʾ ab, geisa ulumak lero nang eblaboka yanamla sum era, sik hogung ak nimi dibaʾ me ara naba alya anasa, albabya lobnamla,” hyok.

YOHANES 12:43

Ban unulumekaʾ damok ara, Imik Neyung adya nuk perob senesin danagom, nim adya danyek nauba gigilesinok senewoka ulumek.

YOHANES 5:44

Ugunda Imik Neyung be hnonok ok ululanya bedya gigiwousululaʾ aboka enaʾ loboka, alda ugunuk nimi yok nim edya nuk gigilesinok senewoka hogunga bo elelum dara, hekadya ugunda dib senewanasom do?.

RASUL 10:22

Dara, sikja Petrus bek lebekja, ”Nunja neyung bera Imik Neyung ak lok ganya boboka ulumla dara, Yahudi nimi nidyaʾ ara alak dubnya senewoka alak perob aboka lelemaknya. Geisa Imik Neyung lero enedya, anja lelelamnya nenyek keblul aboka, Simon Petrus anja ek youlul aboka youblom aboka orugomok,” hyek.

ROMA 1:16

Perob lero yanggan yub ek dara, nara alya dabnenggulunel. Ban yub era Imik Neyung migibaʾ nong ak ulumlakanya, nimi nidyaʾ dib senelemak nim, men nong dara Yahudi nim, dara onoʾ Yunani nim eneba bleblesil anasa, alya dabnenggulunel.

2 KORINTUS 12:10

Anasa nak dara, hmenga dangalanel dara, perob senelamna. Nara hmeng ubnen salek enyek, onoʾ migib ulumnaʾ anasa, Kristus amba leboka hmeng ulumna gom, igin kwelenel gom, okna ulunel gom, ol neblenyak gom, lebelmoublenel gom dara, pelenel senewoka eiya dablenel.

GALATIA 6:14

Nak dara, yokaʾ-yokaʾ anyek pelemla aboka nonggo anaʾ ara, unuwanggunusinya bok, nunjaʾ Wenelesilnya Yesus Kristus gal dubuk somogosukaʾ amba danyek ok unuwanasinya. Wera Kristus anyek gal dubuk somogokaʾ adya danyek, sokok an ululanya nedya nak benewoka glinggulunelekanya, nara soko amba seleb somogamnaʾ anaso ulumna.

1 TIMOTIUS 5:21

Nunda Imik Neyung hogung ak ab, Yesus Kristus hogung ak ab, weboka dosuk im lero nang hogung ak sam ulumabakanya, nadya nidyaʾ unuwalom aboka oruklenggenya nera, pe unuwalom aboka orugagen. Nenera na nimi yilaʾ gom, nenera perob lok so nimi gom, senewoka dolbalek asaʾ mek so ununggom. Alda al nidyaʾ nim ek neik so perob ok unululom.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

2 TIMOTIUS 2:12

Nunda pe ganya kaboka siklewoka ulumeibya dara, nunda eimik era, alab neikaʾ dub dangoka wenelemnemab. Nunda alak numba elgomnya alameibya dara, eimik era alba nuk anaba, nab elgom nimi henesil.

IBRANI 11:26

Alja ganya seininaʾ era deknaʾ donaʾ anyek mamokaʾ adya, alda Mesir mok soko nidyaʾ perobaʾ digum ak ab dara, Kristus anasa leboka derelesaknya nenyek hyak senenggomaʾ perob bonaʾ senelemok.

IBRANI 13:13

Wera anasa, nunda alja alya daboka derenaʾ anyek dobnobaʾ aboka, alak sam e weilik beiyik binimab.

YUDAS 1:14

Adam bek abaʾ li seknya likimeknya Henokh bedya, ban nang ak ununumnaʾ lebgogomokaʾ ara, ”Nimi nidyaʾ ak yana lelewosunun aboka, Wenelesilnya bera, aljaʾ geisa ganya ulumak nim eb, denga yubaʾ gong-gong yanamak. Nim adya malya unaʾ pik balamaakanya, hyak nauba meknewoka malya ulumak ununaʾ nidyaʾ anasa, yana lelewanesil. Onoʾ, nimi malya ulumak nim edya, Imik Neyung ak derewoka walamaknya nenesa, yana lelewanesil.”

WAHYU 1:7

Wera, Yesus ara debaʾ hnoumung sam uboka yalamlyeʾ anyek kendululum e! Nimi nidyaʾ soko nim eibnemak dara, onoʾ alak gamaʾ adya gondowoka orob nim eneba eibnemak. Dara, nimi mok soko yok-yok nidyaʾ ara, alak eiyiwoka nauba engenaʾ salawanamak. Anasa aldib nera hyak dib unuwanamla! Amin!

WAHYU 20:11

Dara onoʾ eimik so era, yok hyak senenggom geisa ekla bunaʾ ek, ana dubuk ara, alak bukumokaʾ ak eibsa. Dara, im ab soko ab, benedyaʾ hogunguk ak ab dengaro lobok adya, ban danedya oulyang era, orokaʾ dok.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.

WAHYU 3:5

Heknedya malya unaʾ ak ab oblamaganalanya bera, neik so geisa akleng ek ongowanamla. Anya alja si nera nim embengaʾ un bukuk sam ulumlaʾ ara, eimik eneba hyak lubnenggunumna. Nadyaʾ neyung Imik Neyung be saramek sam hnon, alja lero nang hogung ak sam ab, nim enera nadyaʾ ak ulumla aboka laga lebnamna.”