LUKAS 9:18 - PERJANJIAN BARU NALCA YUBA

¹⁸ Wera onoʾ yok sum enyek, Yesus ara albeyokaʾ heng uboka mololemok dara, alja yuba doro diriga ban nang era alak yeilimek. Danyek Yesus adya sikenek, ”Nim adya dara, nara heknya alanyak do?” wenyaboka heibsuk.

LUKAS 9:18 ပူးပေါင်းရင်းမြစ်များ

MATIUS 14:23

Wera nimi nidyaʾ ara, sikja heikek sam seleb byik dara, Yesus ara albeyok, heng uboka molowoununaʾ aboka, meinik sam welewok. Wera inil yabok bok anyek, Yesus ara meinik sam alak ok ulumok.

MATIUS 26:36

Nen seleb dara, Yesus ab alja yuba doro diriga ban nang eb dara, yokok sam, si ara Getsemani alamek wak sam byik. Wera byikek ab dara, Yesus adya alja yuba donaʾ nang ek, ”Nara heng uboka Imik Neyung ak molol bilimnaʾ anasa, ugunda anyagan bukululum,” hyok.

LUKAS 11:1

Wera onoʾ yok sum enyek, Yesus ara gakdenaʾ ak albeyok heng uboka mololemok. Seleb heng uboka molobgogowok dara, alja yuba doro diriga ban nanga ben hnonja Yesus ak, ”Wenelesilimnya o, Yohanes Pembaptis bedya alja yuba donaʾ nang ek, hekaʾ huboka heng uboka molowanokaʾ aboka neksuk sok, ambabya nuk neksilom,” hyok.

LUKAS 3:21

Wera nimi nidyaʾ meka dabsuukanya, onoʾ Yesus anaba meka dabookanya, heng uboka molol yabok salek, im pik ara gabdebok.

LUKAS 6:12

Dara ban salek era, Yesus ara hnon meinik don heng uboka molowoununaʾ aboka welemok. Dara Yesus ara inimnek pik moruwoka, alda Imik Neyung ak molob gwelegemok.

LUKAS 9:19

Danyek sikja lebnemekaʾ ara, ”Hnonda lelenjakja, Yohanes Pembaptis, alanjak. Hnonda, Elia benyaʾ, alanjak. Anya hnon nim edya dara, youmaʾ ununumnaʾ lelemek nang danyek ben hnon seleb embengaʾ suboka bukok alanjak,” hyek.

LUKAS 9:28

Yesus ara ban yuba dan wenyaboka neksuk salek era, minggu hnonok so seleb mabok dara, onoʾ alda Petrus beb Yohanes beb Yakobus beb yok meinik sam heng uboka molowanobaʾ aboka bo welesuk.

LUKAS 9:29

Wera Yesus ara mein enyek an heng uboka mololomok dara, alja hogung era yoka dangoka, alja boksom era hyak geisa nongaʾ anyek dangamok.