LUKAS 8:50 - PERJANJIAN BARU NALCA YUBA

⁵⁰ Bok Yesus ara ban yub en kebok dara, Yairus bek, ”Anda lok ganya bonggom, mem. Anja me nera eimik merewanamlaʾ anasa, anda dib senewanalam,” hyok.

LUKAS 8:50 ပူးပေါင်းရင်းမြစ်များ

MARKUS 5:36

Bok Yesus ara, nang danedya wenyal yabek yuba eiwaawom aboka, ”Yairus bek, lok ganya bonggom, mem. Anda dib senewanalamaʾ ok,” hyok.

MARKUS 9:23

Wenyek Yesus adya dara, ”Anda hekasa unuwanesom migib ulunggelya dara alam do? Anasa, al dib senelelenya nemba dara, yokaʾ nidyaʾ ara unuwanamsoʾ ok,” hyok.

LUKAS 8:48

Dara Yesus adya gel genyek an, ”Nadya gelma o, anda nak dib senenelemaʾ adya, wera anda merewalem. Anasa anda wera or ganya hekoka ek bindowalom,” hyok.

LUKAS 8:51

Wera sikda Yairus bedyaʾ ek sam seleb byik dara, Yesus ara yok nim era, ugunda e lomok wekel yangganaʾ mem aboka, alda Petrus beb, Yohanes beb, Yakobus beb me nen alja genonga neyung ok or bo weksuk.

YOHANES 11:25

Dara Yesus adya, ”Nara nim embengaʾ bukullilisinya uboka, nim embengaʾ nenelesinya ulumnaʾ anasa, heknedya nak dib senewoka dolonelnya bera, seleb somogamlyaʾ anaba embengaʾ bukiyiwanamna.

YOHANES 11:40

Wera, Yesus adya Maria gek, ”Nara anak seleb wenyanggenaʾ ara, anda nak dib senewananelem dara, Imik Neyung adyaʾ lok soʾ senenggomaʾ unuwanamlaʾ ara eibnelam, wenyamna do?” hyok.

ROMA 4:17

Nera an momnya dobokaʾ ak ulumla sok, ”Nadya anda an nang yilaʾ yok-yok mok soko ulumeija ara, nunjaʾ neyung alamnenjak.” Wera ban Abraham bera, Imik Neyung ak dib senemok. Dara, Imik Neyung adya ganya era, nuk ara, sikja neyung bera an senelamla. Wera ban Imik Neyung era, somogamna nang embengaʾ nenelesilnya, anya alja yub adyok unggulumlaʾ ara ulumlaʾ nenelelanya.

ROMA 4:20

Dara Imik Neyung adya an wenyamok yub ek sam ara, alda sondaʾ senen ganya ara, bo enggulumok, bok alda aldib senen ganya ek migibaʾ geboka Imik Neyung si imik nenelemok.