LUKAS 8:47 - PERJANJIAN BARU NALCA YUBA

⁴⁷ Danyek bebegemok gel gedya dara, nadya unumnaʾ ara, ella uboka wera eibnel senewoka ella dookanya, alda ber-ber anaʾ dib yeiniboka, Yesus adyaʾ saramek sam yeiniboka oumuwoka gibok. Dara onoʾ gel gera nimi hnoum anyeb, hekasa alda Yesus ak bebegamlakanya, alja neik ek dangamokaʾ ara, wene salek denghyokaʾ ara, anesemba aboka unuwanel aboka laga nekok.

LUKAS 8:47 ပူးပေါင်းရင်းမြစ်များ

MATIUS 28:8

Dara gelewa era, nimi dilinaʾ ak ara men berra lo birik. Anya lok gar-gadyaʾ uboka, eiyasa nang penya, Yesus alja yuba doro diriga ban nanga ulumekaʾ ak nekdo birik.

MARKUS 5:33

Dara gel gera, alak an unuwokaʾ ara ella ubdangoka, lok ganya boboka, ber-ber anaʾ nang penya, Yesus ak yeiniboka koma lumugoka hogung oumuwoka, alak nidyaʾ unumokaʾ ara laga nekok.

LUKAS 8:46

Bok Yesus adya dara, ”Nimi hnon nak an sene soruka bebeganyak. Nak ab senenggom migiba hnon gobnelaʾ eibnaʾ anasa,” hyok.

LUKAS 8:48

Dara Yesus adya gel genyek an, ”Nadya gelma o, anda nak dib senenelemaʾ adya, wera anda merewalem. Anasa anda wera or ganya hekoka ek bindowalom,” hyok.

RASUL 16:29

Dara wenyek nimi henga gereksin e damnya bera nimek wesaʾ bo yoululum aboka alda e lomok sam biniboka, ber-beranaʾ dib Paulus Silas adya saramek sam biniboka oumuwoka gisuk.

1 KORINTUS 2:3

Nara ugunuk yeilimsa dara, nara hmengaʾ uboka lok gargadyaʾ ber-ber anaʾ hwam ulumsa.

2 KORINTUS 7:15

Dara, Titus bedya, alak e yeililumukanya, ugunda lok ganya boboka alja yuba pe keboka unulumaʾ anyek, alja anyek bekoka ugunuk hyak nauba wanaʾ ulusil.

PILIPI 2:12

Nadya hyak wanaʾ nong ulusin hemyabo nim o, anasa wera, nara ugun gangganek ulumsa salek enyek, ugunja nadya yuba pe keboka unulum sok, hyak nauba so ara wen mok bokdangoka ulumabaʾ wenyek unulumnunulum. Imik Neyung adya ugun nong ara seleb blebsukaʾ anasa, ugunja pe ululumnya nera nauba perob danggiga balasulul senen ganya boboka dulululum. Imik Neyung ak lok ganya boboka ban nen unulululum.

IBRANI 12:28

Wera anasa, nuk dara borom-borom henggunumla heik mok soko ek dolomab. An nenesa leboka, nunda Imik Neyung ak perob aboka giboka, nunda alak perob senewanalenya nedya, alak imik geboka hyak lok uboka giblenob.