LUKAS 8:28 - PERJANJIAN BARU NALCA YUBA

²⁸ Bera alda Yesus ak eibuk dara, alda Yesus adyaʾ saramek oumuwoka giboka yuba bii aboka lebokja, ”Imik ululanya, Imik Neyung bedya me, Yesus o! Anda nak ara hekaʾ ak ulumla do? Nak malya nenewoka lobaʾ nenenaʾ ara mem aboka molowagen!” hyok.

LUKAS 8:28 ပူးပေါင်းရင်းမြစ်များ

MATIUS 8:29

Wera sik penya dara, lelerekja, ”Imik Neyung bedya me o, nuk ara hekaʾ hubnesilimjok yeililam do? Unuwanasusom salek era, anam bokaʾ anaba, anda nuk lobaʾ nenewoka malya gebsununaʾ yeililam de?” alarek.

LUKAS 8:27

Wera Yesus ara mek ekla bunaʾ ak ab gouboka gasaʾ ak sekel bok dara, nengmabo ben hnon bisaʾ gologomoknya bek Yesus ak yok. Bera alda youmaʾ ek moruwoka, akleng ongonaʾ orokaʾ anyek, e dibaʾ ak unaʾ loboka, beiyik nimi dilinaʾ pik ok mal giriklemok.

LUKAS 8:29

Alda wenyaboka lelemokaʾ ara, Yesus adya alak an gologomok bisaʾ danyek gouboka bululum al yabokaʾ anasa lel yabok. Bera alda sobaʾ bisaʾ adya gologol yan dara, alja yan eb, soruk ab dara, gasa heng edya gouboka onoʾ pe diri bo ulumnaʾ anaba, heng era bisaʾ ganya yamaʾ adya bolok-bolok ab menegoka, hwalek gasaʾ ak sam gloʾ ak bo balamok.

YAKOBUS 2:19

Ugunda Imik Neyung ara al hnonok ulumla senewoka dib senelelum gom? Nera onoʾ bisaʾ anaba alba dib senewoka, lok anasa ber-ber alamla.

2 PETRUS 2:4

Malya lero nang dara, hyak gunaʾ serewora alamla gwerenek sam beiyisukaʾ ara yana lelewanasil sum doboka yana lelewanasil. Sikda malya ulumak dara, Imik Neyung adya obnamlaʾ ak ab salyaʾ blebnenggubsuk.

1 YOHANES 3:8

Iblis ara youmaʾ ek moruwoka malyaʾ ok ulmorulamlaʾ anasa, bok weneba sobaʾ malya uldibilloklomak nim era, Iblis alja mab ulumak. Imik Neyung me yeilimokaʾ ara, ban Iblis alja wa nenyek orok nenewonunaʾ aboka yeilimok.

WAHYU 20:10

sikenek nauba sondaʾ leboka malya nenelesuk bisaʾ dubnya Iblis ara, sobaʾ singilamla uk mek gwanek doboka doronggok. Wera anyaganera, men dara, yu nongaʾ ab, sonda leboka bob nenesuknya beb, doronggousuk. Dara sikda anyeganera, inimnek yubyek pik, malya nenewoka nauba sobaʾ gwekelmorulumnemak.